Ársrit um starfsendurhæfingu - 2016, Page 62

JÓNÍNA WAAGFJÖRÐ deildarstjóri atvinnudeildar VIRK
Útdráttur
E
rlendar rannsóknir hafa sýnt að starfsmenn með mikla
veikindafjarveru eru einnig þeir sem eru með mikla
veikindaviðveru. Veikindaviðvera er talin kosta fyrirtæki
meira en veikindafjarvera í formi minni framleiðni og hærri
skipulagskostnaðar auk þess sem hún er talin auka hættu á alvarlegum
sjúkdómum í framtíðinni. Rannsóknir hafa sýnt að starfsmenn sem
temja sér að mæta „veikir“ í vinnuna, í samanburði við aðra starfs-
menn, fara frekar í langtímaveikindi í framtíðinni. Spurningar um
veikindafjarveru og veikindaviðveru, úr könnun sem gerð var í tengslum
við þróunarverkefnið Virkur vinnustaður, voru notaðar til að skoða þessi
tengsl hjá þátttakendum verkefnisins. Niðurstöður sýndu marktæk
jákvæð tengsl milli veikindaviðveru og veikindafjarveru og er því
mikilvægt fyrir stjórnendur að hugleiða þessi tengsl þegar þeir reyna
að ráða við veikindafjarveru á vinnustaðnum. Vinnuveitendur hafa hér
tækifæri til að finna þessa starfsmenn og grípa inn í ferlið. Starfsmenn
þurfa einnig að vera meðvitaðir um hugsanlegar afleiðingar mikillar
veikindaviðveru á aukna veikindafjarveru í framtíðinni og þau áhrif sem
þessi hegðun getur haft á þróun alvarlegra sjúkdóma. Fjöldi og gerð
fyrirtækja og stofnana sem tóku þátt í verkefninu Virkur vinnustaður var
takmarkaður sem er mikilvægt að hafa í huga þegar yfirfæra á þessar
niðurstöður almennt yfir á opinberan og almennan vinnumarkað.
ÞRÓUNARVERKEFNIÐ
VIRKUR VINNUSTAÐUR
TENGSLIN MILLI
VEIKINDAFJARVERU
OG VEIKINDAVIÐVERU
(AÐ MÆTA „VEIKUR“ Í
VINNU) HJÁ ÍSLENSKUM
STARFSMÖNNUM
Á OPINBERUM OG
EINKAREKNUM
VINNUSTÖÐUM
62 virk.is