Ársrit um starfsendurhæfingu - 2015, Page 19

19www.virk.is
VIRK
Fréttir
Öllum tryggð atvinnutengd
starfsendurhæfing
Hannes G. Sigurðsson, formaður stjórnar
VIRK, undirritaði ásamt Bjarna Benediktssyni,
fjármálaráðherra og Eygló Harðardóttur, félags-
og húsnæðismálaráðherra samkomulag stjórn-
valda og heildarsamtaka vinnumarkaðarins um
framlög úr ríkissjóði til starfsendurhæfingarsjóða.
Með samkomulaginu var bundinn endi á óvissu
sem hópar sem standa utan vinnumarkaðar
þurftu að sæta um þjónustu hjá VIRK.
Samkomulagð festir í sessi heildarkerfi atvinnu-
tengdrar starfsendurhæfingar og tryggir að
öllum sem á þurfa að halda býðst atvinnutengd
starfsendurhæfing til að verða virkir á vinnu-
markaði.
Stjórnvísiverðlaun til Vigdísar
Vigdís Jónsdóttir, framkvæmdastjóri VIRK,
hlaut viðurkenningu Stjórnvísi sem besti yfir-
stjórnandinn 2015. Í rökstuðningi Stjórnvísi segir
m.a. að árangur og ávinningur VIRK undir stjórn
Vigdísar, skýr framtíðarsýn hennar og markmið,
uppbyggilegir stjórnunarhættir og jákvæðni
skapi frjótt vinnuumhverfi sem dragi fram bestu
eiginleika starfsmanna og sé þeim hvatning til
að ná markmiðum sínum.
Erlendir fagaðilar líta til VIRK
í auknu mæli
Árangur, uppbygging og fagleg þróun VIRK
hefur vakið athygli erlendis og heimsóknum
fagaðila fer fjölgandi. VIRK hefur frá upphafi
lagt mikla áherslu á samstarf og samskipti við
erlenda aðila hvað varðar faglegar áherslur
og árangursríka nálgun í starfsendurhæfingu,
miðlað upplýsingum um starfsendurhæfingu á
Íslandi og leitað samstarfs við þær þjóðir sem
eiga mest sameiginlegt með okkur. Samstarf
af þessum toga er VIRK mjög mikilvægt til
að öðlast meiri og fjölbreyttari reynslu og þar
með fleiri tækifæri til þess að gera þjónustu á
sviði starfsendurhæfingar enn markvissari og
árangursríkari.