Ársrit um starfsendurhæfingu - 2015, Síða 56

56 www.virk.is
UPPLÝSINGAR
A
Ð
S
E
N
D
G
R
E
IN
Útrás
Einstaklingar með geðraskanir
út á vinnumarkaðinn
Elín Ebba Ásmundsdóttir iðjuþjálfi og dósent
Sylviane Lecoultre iðjuþjálfi
Útrásin byrjaði sem
tilraunaverkefni á vegum
Hlutverkaseturs en hefur
nú fest sig í sessi.
Þróunar- og nýsköpunarstyrkur frá VIRK
starfsendurhæfingarsjóði gerði það
kleift að ráða tvo starfsmenn í verkefnið.
Verkefnið fellur að framtíðarsýn VIRK
sem er m.a. að stuðla að eflingu og
fjölbreytni atvinnutengdra úrræða, breyta
viðhorfum á vinnustöðum til að auka
virkni fólks með skerta starfsgetu og
að allir geti haft hlutverk í atvinnulífinu
þrátt fyrir skerðingu. Sérstaða Útrásar
felst í því að fylgt er eftir löngun og vilja
atvinnuleitandans, að nýta vinnustaðinn
til endurhæfingar og að veita eftirfylgd til
lengri tíma.
Einstaklingar með geðraskanir hafa
ósjaldan slæma reynslu af vinnumarkaði,
sjálfstraust þeirra er oft í molum, þeir hafa
ekki trú á eigin getu og eru óvirkir. Þeir
finna fyrir fordómum, auk eigin fordóma,
og hafa óraunhæft mat á hvað séu eðlilegar
tilfinningar. Vinnuveitendur eru líka óöruggir
gagnvart þessum hópi og þurfa stuðning
til að vinna úr örðugleikum og efasemdum
sem upp geta komið. Flestir sem fá lífeyri
sökum geðraskana hafa löngun og getu
til að vinna upp að ákveðnu marki en fáir
sækja þó út á vinnumarkaðinn. Margir
treysta sér ekki í fullt starf og/eða óttast að
glata bótum eða bera lítið úr býtum vegna
Sylviane og Elín Ebba