Ársrit um starfsendurhæfingu - 2015, Qupperneq 70

70 www.virk.is
U
P
P
LÝ
S
IN
G
A
R
UPPLÝSINGAR
Útgáfa VIRK
VIRK gefur út margvíslegt kynningar- og fræðsluefni fyrir starfsmenn, einstaklinga í þjónustu, almenning og stjórnendur í
atvinnulífinu. Hægt er að nálgast efnið á heimasíðu VIRK (www.virk.is) en einnig er hægt að hafa samband við skrifstofu
VIRK og fá senda bæklinga og fræðsluefni eftir þörfum.
Verum virk - á pólsku og ensku
Bæklingurinn Verum virk hefur verið þýddur á pólsku og
ensku. Hann er ætlaður til upplýsingar fyrir almenning
og fagfólk um þjónustu VIRK og liggur frammi hjá
stéttarfélögum og öðrum stofnunum sem koma að starfs-
endurhæfingu. Í bæklingnum eru hlutverk og starfsemi
VIRK Starfsendurhæfingarsjóðs reifuð í stuttu máli auk
þess sem leitast er við að svara mikilvægum spurningum
eins og hverjir eigi rétt á þjónustu VIRK og hvernig
starfsendurhæfingunni er háttað.
Geðheilsan og vinnustaðurinn
fræðslubæklingur fyrir stjórnendur
VIRK hefur gefið út fræðslubækling um geðræn vanda-
mál sem ætlaður er stjórnendum á vinnustöðum.
Bæklingurinn er bæði hugsaður sem almennur
fræðslubæklingur um geðræn vandamál og vinnustaðinn
en í honum má einnig finna upplýsingar um hvernig
bregðast má við slíkum aðstæðum á vinnustaðnum.
Dagbók
VIRK hefur gefið út sérstaka dagbók fyrir einstaklinga sem
eru í starfsendurhæfingu á vegum VIRK. Henni er ætlað
að aðstoða einstaklinga við að efla starfsgetu sína og
lífsgæði með skipulegri markmiðssetningu og skráningu.
Dagbókin er með vikuyfirliti á hverri opnu ásamt
fjölbreyttum möguleikum til skráningar á markmiðum,
líðan, virkni og árangri bæði fyrir árið í heild sinni, hvern
mánuð og hverja viku ársins.
Með tromp á hendi frá VIRK
VIRK ýtti úr vör kynningarherferð til að kynna hlutverk og
þjónustu á vegum VIRK og stuðla að auknum möguleikum
einstaklinga með skerta starfsgetu vegna heilsubrests
til þátttöku í atvinnulífinu. Herferðin samanstendur af
sjónvarpsauglýsingum og auglýsingum á vefmiðlum
auk þess sem samfélagsmiðlar eru nýttir. Herferðin er
afrakstur samstarfs við auglýsingastofuna PIPAR\TBWA
sem vann hugmyndavinnuna með starfsmönnum VIRK
og sá um framleiðslu auglýsinganna.