Morgunblaðið - 05.10.2019, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 5. OKTÓBER 2019
Sigtryggur Sigtryggsson
sisi@mbl.is
Áform eru uppi um að setja upp mathöll í
gamla pósthúsinu, Pósthússtræti 5 í Reykja-
vík. Jafnframt er sótt um leyfi til útiveitinga í
porti Pósthússtrætis 3, sem er gamla lög-
reglustöðin.
Fasteignafélagið Reitir er eigandi húsanna.
Sendi félagið fyrirspurn til borgaryfirvalda og
spurði hvort leyfi fengist fyrir veitinga-
starfsemi, mathöll, á 1. hæð og í kjallara
gamla pósthússins. Einnig var spurt hvort
leyfi fengist til að byggja yfir port á lóð Póst-
hússtrætis 3 og útbúa þar setsvæði í tengslum
við mathöllina. Það yrði saga til næsta bæjar
ef vínveitingar yrðu heimilaðar í portinu, þar
sem ölvað fólk var fært til geymslu í lög-
reglustöðinni á árum áður. Inngangar í mat-
höllina eru áformaðir tveir, annar í Póst-
hússtræti og hinn um fyrrnefnt port við
Hafnarstræti.
Erindi Reita er nú til meðferðar hjá skipu-
lagsfulltrúa og byggingafulltrúa. Reitir taka
fram í erindinu að mathöll í Pósthússtræti 5
styðji hugmyndir í deiliskipulagi um starfsemi
á jarðhæð sem glæði mannlíf í miðbænum.
Húsið við Pósthússtræti 5 var reist árið
1915. Það er klassískum stíl og er síðasta verk
Rögnvalds Ólafssonar sem kallaður hefur ver-
ið fyrsti íslenski arkitektinn, að því er fram
kemur á heimasíðu Reita. Þetta er þriðja
pósthúsið við samnefnda götu. Þegar Íslands-
póstur hætti rekstri pósthúss þar í nóvember
2018, lauk einnar og hálfrar aldar póst-
starfsemi við götuna.
Pósthússtræti 3, gamla lögreglustöðin, er
hlaðið steinhús reist árið 1882. Hönnuður þess
var Fredrik Anton Bald forsmiður. Brotaþak
var sett á húsið 1926 í stað valmaþaks. Hönn-
uður þess er Guðjón Samúelsson húsameist-
ari. Bæði húsin hafa verið friðuð af mennta-
málaráðherra og tekur friðunin til ytra borðs
húsanna.
Þrjár mathallir eru nú starfandi í höfuð-
borginni, Hlemmur Mathöll, Grandi Mathöll
og Höfði Mathöll.
Mathöll verði í gamla Pósthúsinu
 Vínveitingar mögu-
lega í porti gömlu
lögreglustöðvarinnar
Morgunblaðið/Ómar
Pósthúsið gamla Í meira en heila öld fóru bréf og bögglar um hendur póstmanna í þessu húsi. Líklegt er að matur og drykkir komi í staðinn.
Baldur Arnarson
baldura@mbl.is
Gunnar Baldvinsson, framkvæmda-
stjóri Almenna lífeyrissjóðsins, segir
að til skemmri tíma litið muni það
reynast áskorun fyrir íslenska
lífeyrissjóði að ná
3,5% viðmiðunar-
ávöxtun í nýju
vaxtaumhverfi.
Vextir fara
lækkandi. Fram
kom í Morgun-
blaðinu í gær að
vextir af íbúða-
lánum eru nú
sögulega lágir á
Íslandi.
Gunnar segir
aðspurður að lífeyrissjóðir búi ekki
við lögbundna 3,5% ávöxtun heldur
sé hún til viðmiðunar. „Til lengri
tíma litið ræður endanleg ávöxtun
eigna því hver réttindi og lífeyris-
greiðslur verða. Sé litið yfir langt
tímabil hafa verðbréfasöfn, sem eru
að jöfnu skuldabréf og hlutabréf,
skilað þeirri ávöxtun. Hér á landi
hafa lífeyrissjóðir skilað þeirri
ávöxtun og rúmlega það frá upptöku
verðtryggingar árið 1980.
Vextirnir jafnvel neikvæðir
Núna erum við hins vegar í sér-
stöku umhverfi. Vextir eru sögulega
lágir hér og á flestum vestrænum
fjármálamörkuðum, jafnvel nei-
kvæðir. Það er ljóst að það er áskor-
un fyrir lífeyrissjóðina að ná 3,5%
ávöxtun. Það verður hins vegar að
hafa í huga að ávöxtunin, 3,5%, er
vegin ávöxtun eignaflokka sem líf-
eyrissjóðirnir fjárfesta í. Þótt ávöxt-
un skuldabréfa sé lítil geta sjóðirnir
náð 3,5% ávöxtun ef ávöxtun hluta-
bréfa er góð,“ segir Gunnar.
Spurður hvort lægri vextir geti
leitt til meiri áhættutöku við fjárfest-
ingar til að tryggja ávöxtun segir
Gunnar að vissulega geti þetta um-
hverfi „leitt til þess að menn auka
áhættu í eignasöfnum, með því að
auka vægi hlutabréfa eða annarra
eignaflokka sem eru áhættumeiri en
skuldabréf“. „Við vitum ekki hversu
lengi vextirnir verða svo lágir en til
skamms tíma má búast við því að það
verði áskorun fyrir lífeyrissjóði að ná
þessari viðmiðunarávöxtun.“
Spurður um jákvæðar hliðar þess-
arar þróunar segir Gunnar lægri
vexti geta lækkað þröskuldinn þegar
teknar eru ákvarðanir um fjárfest-
ingar. Fjármagnskostnaður fari
enda lækkandi. „Það getur leyst úr
læðingi drifkraft í hagkerfinu. Jafn-
framt getur það leitt til þess að fjár-
magn, sem að öðru jöfnu myndi leita
í skuldabréf, leitar í aðrar fjárfest-
ingar. Það á ekki aðeins við lífeyris-
sjóðina heldur sparnað almennt.“
Mögulega hærri afborganir
Gunnar bendir á að alla jafna sé
öfugt samband á milli vaxta og
eignaverðs og að lágir vextir geti
leitt til hækkunar eignaverðs.
„Það er jákvætt fyrir þá sem taka
lán að vextir lækka en samt ber að
fara varlega. Lækkun vaxta getur
leitt til aukinnar eftirspurnar eftir
húsnæði og hærra húsnæðisverðs.
Þannig að í staðinn fyrir að borga
lægri vexti borgi fólk hærri afborg-
anir,“ segir Gunnar og ráðleggur
fólki að setja skuldsetningu í sam-
hengi við laun áður en ákvörðun um
húsnæðiskaup með lántöku er tekin.
„Mín ráðlegging er að skuldsetn-
ing verði helst ekki hærri en þrenn
til fern árslaun. Jafnframt að stefnt
sé að því að skuldir verði uppgreidd-
ar fyrir eftirlaunaaldur.“
Áskorun að ávaxta
lífeyri við lága vexti
 Vaxtalækkanir gætu ýtt undir eignaverð á Íslandi næstu ár
Morgunblaðið/Kristinn Magnússon
Uppbygging Horft til austurs eftir Smyrilshlíð á Hlíðarenda í Reykjavík.
Dæmi um innvexti
Tvær sparileiðir bornar saman
Vextir (%) 2006* 2009**
Grunnþrep 7,53 1,3
Vaxtaþrep
1 8,13 1,3
2 8,63 1,8
3 9,13 2,1
4 9,63 2,4
5 10,13 2,5
6 10,63 Ekki í boði
Fjármagnstekju-
skattur
10% 22%
*Uppleið–Glitnir. **Vaxtaþrep–Íslandsbanki, vextir
fara stighækkandi eftir því sem fjárhæð er hærri.
Gunnar
Baldvinsson
Festi hf., móðurfélag N1 og Krón-
unnar, vill koma fyrir bensíndælum
við verslanir Krónunnar í Skógar-
lind 2 í Kópavogi og áformaða
verslun á Norðurhellu 1 í Hafnar-
firði. Þetta kom fram í bréfi Hin-
riks Arnar Bjarnasonar, fram-
kvæmdastjóra hjá N1, sem lagt var
fyrir heilbrigðisnefnd Hafnar-
fjarðar- og Kópavogssvæðis á dög-
unum. Ekki náðist í Hinrik í gær, né
Eggert Þór Kristófersson, forstjóra
Festar
Í bréfi Hinriks kemur fram að
stöðvarnar verði sjálfsafgreiðslu-
stöðvar og á þeim verði einungis
selt bensín, dísel og rúðuvökvi. Með
því að vera ekki með hraðdælu, lit-
að dísel né Ad Blue verði spornað
við því að atvinnutæki komi inn á
stöðvarnar, sem verði á bílastæðum
verslana Krónunnar. Eins verði
tryggt að olíuflutningar fari fram
utan afgreiðslutíma umræddra
verslana.
Krónan hefur áður lýst yfir
áformum um að bensínstöðvar
verði á bílaplani verslana. Umsókn
þess efnis hlaut ekki náð fyrir aug-
um borgaryfirvalda í Reykjavík þar
eð stefna borgarinnar væri að
fækka slíkum stöðvum.
Vilja reisa nýjar bensínstöðvar við Krónuna
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 122.200 kr. á mann í tvíbýli. ÖRFÁ SÆTI LAUS
Skoðunarferðir innifaldar.
sp
ör
eh
f.
Skemmtileg jólaferð til borgarinnar Regensburg í
Bæjaralandi. Þessi miðaldaborg á sér meira en 2.000
ára sögu og hefur hún um árabil verið á heimsminjaskrá
UNESCO. Farið verður í dagsferð til gömlu virkisborgarinnar
Nürnberg. Aðventan er einstakur tími í Þýskalandi, þegar
ljúfan ilminn af jólaglöggi og ristuðum möndlum leggur
yfir og tendrar sanna jólastemningu í hjörtum fólks.
Jólaferð til Regensburg
28. nóvember - 1. desember
Fararstjóri: Aðalsteinn Jónsson