Morgunblaðið - 19.10.2019, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 19. OKTÓBER 2019
Helgi Bjarnason
helgi@mbl.is
Sveitarstjórn Mýrdalshrepps hefur
óskað eftir viðræðum við önnur
sveitarfélög í Vestur-Skaftafellssýslu
og Rangárvallasýslu um kosti og
galla sameiningar sveitarfélaganna.
Anton Kára Halldórssyni, sveitar-
stjóra Rangárþings eystra, líst vel á
að hefja slíka könnun og telur að
margir sveitarstjórnarmenn á svæð-
inu séu sömu skoðunar.
Spennandi verkefni
„Þessi sveitarfélög eru í ýmiss kon-
ar samstarfi, meðal annars um félags-
og skólaþjónustu, og héraðsnefndirn-
ar eiga saman Skóga undir Eyja-
fjöllum. Ríkið er mögulega að marka
stefnu um lágmarks íbúafjölda. Ég
vona að allir séu tilbúnir að skoða
með opnum huga kosti og galla sam-
einingar. Ég held að það geti orðið
spennandi verkefni,“ segir Einar
Freyr Elínarson, oddviti Mýrdals-
hrepps.
Anton Kári tekur fram að erindi
Mýrdalshrepps verði lagt fyrir næsta
sveitarstjórnarfund í Rangárþingi
eystra. „Sjálfum líst mér mjög vel á
að fulltrúar sveitarfélaganna setjist
niður og skoði kosti og galla samein-
ingar. Það er ómögulegt að svara því
hverju sameining skilar fyrr en við
setjumst yfir málið. Ef við sjáum
möguleika á að veita íbúum okkar
betri þjónustu og sinna skyldum okk-
ar betur og vera betur í stakk búnir
til að taka við verkefnum frá ríkinu
kemur þetta vel til greina. Ég held að
það sé rétti tíminn til að gera þetta
núna. Fjárhagur allra sveitarfélag-
anna er í þokkalegu standi og enginn í
kröggum,“ segir Anton.
Gott að byrja stórt
Innan hugsanlegs nýs sveitarfélags
yrðu Skaftárhreppur með Kirkju-
bæjarklaustur sem þéttbýlisstað,
Mýrdalshreppur með Vík, Rangár-
þing eystra með Hvolsvöll, Rangár-
þing ytra með Hellu og Ásahreppur
saman í sveitarfélagi. Þar eru nú
5.100 íbúar, flestir í Rangárþingi
eystra, rúmlega 1.900, fæstir í Ása-
hreppi, tæplega 250.
Stjórnvöld hafa boðað þá stefnu að
fyrir næstu sveitarstjórnarkosningar
verði sveitarfélög með 250 íbúa og
færri þvinguð til að sameinast öðrum
og fjórum árum seinna verði lág-
markstala íbúa 1.000 manns. Skaftár-
hreppur og Mýrdalshreppur myndu
þurfa að huga að sameiningu fyrir
þarnæstu kosningar, að óbreyttu.
Anton Kári telur að það sé gott
fyrsta skref að skoða stóra samein-
ingu. Ekki kæmi á óvart að hún þró-
aðist út í smærri sameiningar. Það
yrði tíminn að leiða í ljós. Þá yrði hafið
lögformlegt sameiningarferli.
Hella og Hvolsvöllur í eina sæng?
Morgunblaðið/Eggert
Suðurströndin Mýrdalshreppur hefur frumkvæði að athugun á því hverju sameining sveitarfélaga skilar.
 Sveitarstjórn Mýrdalshrepps stingur upp á könnun á kostum og göllum sameiningar allra sveitarfé-
laga í Vestur-Skaftafells- og Rangárvallasýslu  Rétti tíminn, segir sveitarstjóri Rangárþings eystra
„Staða efnahagsmála á Íslandi er
sterk og ég tel að ef við skoðum hag-
stjórnina frá hruni þá höfum við ver-
ið að ná fram verulegum úrbótum í
ólíkum ríkisstjórnum þegar kemur
að því að styrkja stoðir ríkisfjármála,
peningastefnu og vinnumarkaðar.
Við höfum búið í haginn með því að
skila verulegum afgangi sem nýtist
okkur vel nú þegar um hægist í hag-
kerfinu,“ sagði Katrín Jakobsdóttir,
formaður Vinstrihreyfingarinnar –
græns framboðs (VG) og forsætis-
ráðherra, m.a. í opnunarræðu sinni á
landsfundi VG í gær. Fundinum, sem
fram fer á Grand hótel í Reykjavík,
lýkur á hádegi á sunnudag.
Katrín fór yfir ríkisstjórnarsam-
starfið og þær áskoranir sem því
hefðu fylgt fyrir flokkinn. Hún sagði
að ríkisstjórnin væri nú stödd í hálf-
leik, eftir að hafa átt að mörgu leyti
góðan fyrri hálfleik. Hún kvaðst þess
fullviss að að leikslokum myndu þau
fagna sigri. Hún sagði að í næsta
hálfleik kjörtímabilsins yrðu stór
skref stigin í lykilmálaflokkum og
þar sem áherslur VG lægju. Hún
nefndi m.a.:
Aukna fjárfestingu í nýsköpun
sem mun tryggja blómlegt efna-
hagslíf til framtíðar. Raunverulegar
aðgerðir til að bregðast við fjórðu
iðnbyltingunni þannig að ávinningur
hennar gagnist samfélaginu öllu. Að
áfram verði dregið úr kostnaði sjúk-
linga við að sækja sér heilbrigðis-
þjónustu. Nýtt stuðningskerfi fyrir
námsmenn. Ákvæði um þjóðareign á
auðlindum og umhverfisvernd í
stjórnarskrá ásamt öðrum stjórnar-
skrárbreytingum og loks stofnun
Miðhálendisþjóðgarðs, sem hefur
verið baráttumál VG til margra ára.
Katrín sagði að þetta væru ekki
tæmandi upptalning og að verkefnin
væru miklu fleiri. gudni@mbl.is
Boðar sóknarleik í
seinni hálfleiknum
 Katrín Jakobsdóttir, formaður VG, setti landsfund í gær
Morgunblaðið/Hari
Landsfundur VG Katrín Jakobsdóttir, formaður VG, fjallaði m.a. um stjórnarsamstarfið í opnunarræðu sinni.
NÝTT OG
SPENNANDI
FRÁ HOL
TA
Hefur þú prófað
Holta drumsticks?
Í fundargögnum landsfundar VG
2019 eru meðal annars 47 álykt-
anir sem taka þarf afstöðu til.
Í ályktun um jarðamál telur
stjórn VG í Borgarbyggð „afar
mikilvægt að settar verði skorður
þannig að bújarðir og aðrar
landareignir safnist ekki á fárra
hendur“. VG á Austurlandi vill
ályktun um „að stjórnvöld komi
hið fyrsta böndum á óheft upp-
kaup á jarðeignum hér á landi“.
Ung vinstri græn leggja fram
ályktun þar sem það er harmað að
enn hafi ekki verið afgreitt frum-
varp um lækkun kosningaaldurs.
Einnig ályktun um að landsfund-
urinn krefjist þess að kjörnir
fulltrúar hreyfingarinnar „beiti sér
gegn frekari uppbyggingu og um-
svifum bandaríska hersins og
NATO á Keflavíkurflugvelli“.
47 ályktanir lagðar fram
LANDSFUNDUR VG 2019
Anna Lilja Þórisdóttir
annalilja@mbl.is
Viðhaldi verður að einhverju leyti
frestað, ítrasta aðhalds gætt við inn-
kaup, launafyrirkomulag endurskoð-
að og ekki verður ráðið í vissar stöður
sem losna. Þetta er meðal þeirra
sparnaðaraðgerða sem ráðist verður í
á Landspítala. Gangi þær eftir verður
kostnaður við rekstur spítalans skor-
inn niður um tæpan milljarð á þessu
ári og tvo og hálfan milljarð á árs-
grundvelli, þ.e. á næsta ári.
Sex mánaða uppgjör spítalans, sem
birt var í sumar, sýndi að að óbreyttu
stefndi í hátt í fimm milljarða króna
framúrkeyrslu í ár. Þessar aðgerðir
eru til þess ætlaðar að bregðast við
því. Lögum samkvæmt hefur heil-
brigðisráðherra verið greint frá stöðu
mála og segir Páll Matthíasson, for-
stjóri Landspítala, gott samstarf við
ráðuneyti og Alþingi um mögulegar
lausnir á þessum vanda. Hann segir
að föst hagræðingarkrafa upp á 5-7%
hafi verið lögð á allar stoðdeildir spít-
alans og að nokkurs óróa gæti meðal
starfsfólks vegna fyrirhugaðra að-
gerða.
Meðal þeirra aðgerða sem þegar
hefur verið ráðist í
er að lækka laun
stjórnenda, en
laun fram-
kvæmdastjóra
spítalans hafa nú
verið lækkuð um
5%, jafnframt því
að fækkað var í
framkvæmda-
stjórninni um
næstum því helm-
ing eftir skipulagsbreytingar um síð-
ustu mánaðamót. Spurður hvort fólk
hafi verið sátt við að láta lækka laun
sín segir Páll fullan skilning hafa ver-
ið á því.
Önnur aðgerð sem þegar er komin í
framkvæmd er aðhald í innkaupum,
risnu og ferðakostnaði. Páll segir að
forðast verði í lengstu lög að segja
fólki upp. Nýta eigi eðlilega starfs-
mannaveltu á þessum stóra vinnustað
til að fækka starfsfólki. Leitast eigi
við að ráða sem minnst í staðinn fyrir
fólk sem segir upp eða hættir vegna
aldurs. „Þetta er næstum því 6.000
manna vinnustaður með mörg hundr-
uð manna starfsmannaveltu á ári og
við teljum að þarna gefist tækifæri til
sparnaðar,“ segir Páll.
Sparnaðaraðgerð-
ir á Landspítala
 Brugðist við framúrkeyrslunni
Páll
Matthíasson