Tímarit hjúkrunarfræðinga - 2019, Síða 41

þátt í störfum Vestmanneyjardeildar hjúkrunarfélags Íslands.
hún starfaði með hléum við sjúkrahúsið frá 1938 fram á sjötta
áratuginn og síðan í föstu starfi frá árinu 1962 til ársins 1977,
lengst af sem deildarstjóri. Ekki fannst henni starfskrafturinn
þó enn þrotinn og vann í hlutastarfi til ársins 1984 og hætti þá
alfarið störfum 76 ára gömul og spannar því starfsferill hennar
tæpa fimm áratugi. Langamma mín helga jó lést 86 ára gömul
þann 4. nóvember 1993 á Sjúkrahúsinu í Vestmannaeyjum en
minning hennar lifir enn í frásögnum starfsmanna og sjúklinga
sem ég hef fengið heiðurinn af að vinna með og hjúkra og þykir
mér óskaplega vænt um það.
Lærdómsríkt að starfa við heilbrigðis-
stofnun á eyju
Í dag er ég á mínu fimmta starfsári sem
hjúkrunafræðingur við sama sjúkrahús og
langamma mín heitin vann við á sinni
starfsævi. hef ég vaxið, þroskast og dafnað
sem landsbyggðarhjúkrunarfræðingur og
síðar einnig sem sjúkraflutningamaður. að
starfa við heilbrigðisstofnun á eyju, þar sem
rúmlega 4000 manns búa og starfa hefur
reynt mikið á en engu að síður verið afar
lærdómsríkur og skemmtilegur tími. hér
er byggðin þétt og mikið líf allt árið um
kring og bætist verulega í fjöldann á sumr -
in þegar útlendir ferða menn koma til að sjá
eldfjallaeyjuna í norðri.
Á sjúkrahúsinu í Vestmannaeyjum er
starfrækt heilsugæsla og sjúkradeild. heilsu -
gæslan sinnir einnig bráðaþjónustu á dag-
vinnutíma en utan hefðbundins dag vinnu -
tíma færist það verkefni til sjúkradeildar-
innar. Sjúkradeildin er með gæslurými,
hjúkrunarrými og þar er einnig starfrækt
göngudeild sem sér um sérhæfðar lyfjagjafir líkt og krabba-
meinslyfjagjafir og fleira. Sinni ég afar fjjölbreyttum störfum
við hjúkrun á deildinni og koma nánast öll sérsvið hjúkrunar
við sögu því sjúklingahópurinn, sem sækir sína heilbrigðis -
þjónustu á stofnunina, er mjög fjölbreyttur og á öllum aldri,
jafnt ungir sem aldnir. hjúkrun langveikra og líknandi hjúkrun
ásamt hjúkrun aldraðra skipar stóran hluta starfsins en aðrar
sérgreinar, eins og hjúkrun aðgerðarsjúklinga, barnahjúkrun,
geðhjúkrun, hjúkrun sængurkvnna og slysa- og bráða hjúkrun
koma einnig við sögu.
Mikil samheldni og traust meðal
starfsfólks
Eftir að hafa unnið á Landspítalanum þar sem mikil sérhæfð
þekking og úrræði eru til staðar voru það mikil viðbrigði að
fara svo að vinna úti á landi þar sem búið er að skerða þjónustu
og þjónustustig svo um munar. auk þess getur orðið brestur á
samgöngum og ekki alltaf hægt að treysta á skjótan flutning
bráðveikra eða slasaðra á Landspítalann. hefur það reynt á
þekkingu og hæfni okkar hjúkrunafræð -
inga sem hér starfa. Við sinnum bráðatil-
fellum veikra og slasaðra við afar erfiðar og
krefjandi aðstæður og vegna nándar við
samfélagið, þar sem allir þekkja alla, getur
það verið tilfinningalega krefjandi. Við
þurfum að hafa mikla yfirsýn, þurfum oft
að bera mikla ábyrgð og þurfum að vera
ansi úrræðagóðar og einstaklega sveigjan-
legar. Vinnustaðurinn er lítill og því er
samheldni starfsfólksins mikil og treystum
við mjög á hvert á annað.
En ég verð að segja að eitt mitt alerfið -
asta verk sem landsbyggðarhjúkrunarfræð -
ingur hefur verið að standa vörð um rétt -
indi skjólstæðinga minna fyrir jöfnu að -
gengi að þeirri heilbrigðisþjónustu sem
þeir eiga rétt á lögum samkvæmt en mín
trú er sú að í því velferðarsamfélagi sem við
búum í ættum við að geta tryggt að allir
hafi jafnan aðgang að heilbrigðisþjónustu,
þeirri bestu sem völ er á óháð því hvað við
búum á landinu. Það er ábyrgð okkar sem samfélag að standa
vörð um þessa þjónustu, að hún sé réttlát með gæði, öryggi og
fagmennsku að leiðarljósi. Enda er þetta heilbrigðiskerfi okkar
allra.
Ég skora á rut Sigurjónsdóttur skurðhjúkrunarfræðing að
skrifa næsta Þankastrik.
þankastrik
tímarit hjúkrunarfræðinga • 2. tbl. 95. árg. 2019 41
Langamma Hildar var ávallt kölluð
„Helga Jó“. Hún var hjúkrunarkona af
Guðs náð.