Fréttablaðið - 23.01.2020, Blaðsíða 25

Arion banki gerðist síðast-liðið haust aðili að nýjum meginreglum Sameinuðu
þjóðanna um ábyrga bankastarf-
semi. Með reglunum, sem kynntar
voru við upphaf allsherjarþings
Sameinuðu þjóðanna, er verið
að tengja starfsemi banka við
mikilvæg alþjóðleg markmið og
skuldbindingar á sviði sjálf bærni,
eins og heimsmarkmið Sameinuðu
þjóðanna um sjálf bæra þróun og
Parísarsamkomulagið. Fyrir vikið
verða umhverfismál og sjálf bærni
tekin enn frekar með í reikninginn
þegar kemur að lánveitingum og
fjárfestingum bankans.
Á undanförnum árum hafa fjár-
festar og fjármálafyrirtæki gert
sér sífellt betur grein fyrir áhrifum
sínum á umhverfi og samfélag.
Því er áherslan í auknum mæli að
sýna samfélagsábyrgð með því að
stuðla að og styðja við fjárfestingar
og framkvæmdir í þágu grænna
lausna og sjálf bærni.
„Fjármálastofnanir líkt og
bankar geta haft mikil áhrif á
sjálf bærni í heiminum,“ segir Mar-
grét Sveinsdóttir, framkvæmda-
stjóri Markaða hjá Arion banka.
„Peningar eru hreyfiafl sem nýta
má til góðs og mikilvægt er fyrir
okkur, hvort sem við horfum á
bankann sem lánveitanda, í þjón-
ustu eignastýringar eða í annarri
starfsemi, að horfa til þess hvar við
getum haft jákvæð áhrif.“
Umhverfismál á oddinum
„Arion banki er stoltur af því að
vera með fyrstu bönkum heims
til að verða aðili að meginreglum
Sameinuðu þjóðanna um ábyrga
bankastarfsemi (e. UN PRB),“
segir Margrét. „Í aðildinni felst að
setja heimsmarkmið Sameinuðu
þjóðanna og Parísarsamkomu-
lagið á oddinn og vinna með mark-
vissum hætti að sjálf bærri þróun.
Fjármálageirinn hefur á síðustu
árum áttað sig betur á mögu-
leikum sínum til að hafa áhrif á
þróun umhverfis- og samfélags-
mála, en fjármálastofnanir eru
milliliðir sem miðla fjármagni til
þeirra sem meðal annars hyggja
á fjárfestingar og uppbyggingu,“
segir Margrét.
„Starfsemi fyrirtækja er eins
misjöfn og fjöldi þeirra og mögu-
leikar þeirra til áhrifa, hvort sem
það er í loftlags- eða jafnréttismál-
um eða öðrum samfélagsmálum,
er eftir því,“ segir Margrét. „Það er
eðli starfsemi banka að þeir hafa
mest áhrif í gegnum lánveitingar
og fjárfestingar fyrir hönd við-
skiptavina. Við höfum nýverið sett
okkur metnaðarfulla umhverfis-
og loftlagsstefnu sem meðal ann-
ars felur í sér að við ætlum að meta
lánasafns bankans út frá grænum
viðmiðum og setja okkur mark-
mið í þeim efnum.“
Margrét segir að næstu ár verði
loftslags- og umhverfismál sett
á oddinn hjá Arion banka. „Ekki
síst þegar kemur að því að móta
markmið lánveitinga til einstakra
atvinnugreina. Jafnframt verða
okkar helstu birgjar spurðir út í
umhverfis- og loftslagsáhrif sem
hljótast af þeirra starfsemi því
við viljum að þeir meti og horfi
til þeirra áhrifa sem í starfsemi
þeirra felst. Okkar markmið er
einfaldlega að hvetja okkar sam-
starfsaðila til frekari umhugsunar
um umhverfis- og loftlagsmál.“
Markmið bankans er að draga úr
losun kolefnis og annarra gróður-
húsalofttegunda sem hlýst af starf-
semi bankans sjálfs um a.m.k. 40%
fyrir árið 2030 og kolefnisjafna
alla þá losun. „Það er mikilvægt
að við séum sjálf til fyrirmyndar í
okkar starfsemi og við höfum gert
heilmargt í umhverfismálunum
í okkar rekstri en ætlum að gera
enn betur. Þannig verða t.d. ekki
keyptir inn bensín- og dísilbílar frá
og með árinu 2023 en við höfum
nú þegar rafvætt hluta af okkar
bílaflota,“ segir Margrét.
Fjárfestar sífellt ábyrgari
Samhliða vitundarvakningu
undanfarin ár um samfélags-
ábyrgð fyrirtækja hafa málefni
ábyrgra fjárfestinga rutt sér til
rúms. Margrét segir að fjárfestar
hafi aukið kröfur um upplýsinga-
gjöf til að geta tekið upplýstari
fjárfestingaákvarðanir. „Aukin og
betri upplýsingagjöf um ófjárhags-
lega þætti fyrirtækja nýtist í mati
fjárfesta á þremur grunnþáttum
sjálf bærni; umhverfisþátta, félags-
þátta og stjórnarhátta, en þetta er
mikilvægur hluti af heildarmati
fjárfestingarákvörðunar,“ segir
hún.
Hugmyndafræði ábyrgra
fjárfestinga í verki
„Eignastýring fagfjárfesta hjá
Arion banka innleiddi í starfshætti
sína verklag þar sem unnið er út frá
hugmyndafræði ábyrgra fjárfest-
inga. Með því er horft til ófjárhags-
legra upplýsinga til viðbótar við
fjárhagslega þætti við greiningu og
eftirfylgni fjárfestinga, sem og við
uppbyggingu eignasafna,“ segir
Rut Kristjánsdóttir, sérfræðingur
í eignastýringu fagfjárfesta hjá
Arion banka. „Hluti af verklaginu
er úttekt á ófjárhagslegum upp-
lýsingum skráðra félaga hér á
landi, en síðastliðin tvö ár hefur
eignastýringin unnið markvisst
að því að hvetja skráðu íslensku
félögin til að bæta ófjárhagslega
upplýsingagjöf.
Upplýsingarnar metum við út
frá leiðbeiningum Nasdaq, en einn
mikilvægasti hluti vinnunnar er
samtalið og samskipti við fulltrúa
fyrirtækjanna þar sem niður-
stöður eru ræddar og farið er yfir
hvað er vel gert og hvað mætti
betur fara,“ segir Rut. „Markmiðið
er ekki að flokka félögin frá þeim
verstu til bestu, heldur höfum við
viljað eiga jákvætt og uppbyggilegt
samtal um málefni samfélags-
ábyrgðar hjá félögunum, ekki síst
til þess að auka gæði ófjárhags-
legra upplýsinga.
Það er gaman að segja frá því
að á milli ára sjáum við miklar
framfarir í þessari upplýsingagjöf.
Einnig er ánægjulegt að heyra frá
mörgum fyrirtækjunum að beðið
hafi verið eftir símtalinu frá okkur
í ár, sem bendir til að þau séu stolt
af þeirri vinnu sem unnin hefur
verið frá síðasta samtali,“ segir
Rut. „Okkar mat er að þessi samtöl
hafi haft áhrif og fengið mörg af
félögunum sem voru ekki að huga
að ófjárhagslegum þáttum til að
gera það.“
Allir græða þegar fyrirtæki
sýna samfélagsábyrgð
„Vinnulagið er í samræmi við
meginreglur Sameinuðu þjóðanna
um ábyrgar fjárfestingar (e. UN
PRI), sem við skuldbundum okkur
til að vinna eftir,“ segir Rut. „En
það er eitt fyrir fyrirtæki að birta
allar upplýsingar í þeim einfalda
tilgangi að haka í box varðandi
ófjárhagslega upplýsingagjöf og
annað að sjá vinnuna hjá þeim sem
sjá tækifæri í því að segja frá starf-
semi sinni á þessum vettvangi. Það
þykir okkur áhugaverðast.“
„Við teljum að þegar fyrirtæki
sýna samfélagsábyrgð í verki
eigi það að vera fyrirtækjunum,
fjárfestum og samfélaginu öllu til
hagsbóta og fögnum því teknum
skrefum í þá átt og væntum frekari
framþróunar,“ bætir Margrét við
að lokum.
Fjármálageirinn
hefur á síðustu
árum áttað sig betur á
möguleikum sínum til
að hafa áhrif á þróun
umhverfis- og samfélags-
mála.
Margrét Sveinsdóttir
Hreyfiafl til góðra verka
Arion banki er aðili að nýjum reglum Sameinuðu þjóðanna um ábyrga bankastarfsemi sem
styður við alþjóðleg sjálfbærnimarkmið. Fjármálastofnanir sýna sífellt meiri samfélagsábyrgð.
Margrét Sveinsdóttir, framkvæmdastjóri Markaða hjá Arion banka, og Rut Kristjánsdóttir, sérfræðingur í eignastýringu fagfjárfesta hjá Arion banka. FRÉTTABLAÐIÐ/SIGTRYGGUR ARI
KYNNINGARBLAÐ 3 F I M MT U DAG U R 2 3 . JA N ÚA R 2 0 2 0 KONUR Í ATVINNULÍFINU