Fréttablaðið - 23.01.2020, Blaðsíða 58

Með mér var fullt
af flottum konum
og verkefnum sem þær
eru með í gangi. Ég var
fyrst tvístígandi um
hvort ég ætti að fara á
námskeiðið en er þakk-
lát fyrir að hafa drifið
mig.
Það eru ótrúlega
margar konur með
einhverja hugmynd sem
þær eru kannski búnar
að ganga með lengi.
Námskeiðið getur gjör-
samlega ráðið því hvort
þær ráðist í verkefnið
eða ekki.
Námskeið fyrir konur
með viðskiptahugmynd
Nýsköpunarmiðstöð Íslands býður upp á námskeið sem kallast Brautargengi sem er sérstaklega
sniðið að þörfum kvenna sem vilja hrinda viðskiptahugmynd í framkvæmd og hefja eigin rekst-
ur en einnig þeirra sem eru þegar í atvinnurekstri og vilja auka rekstrarþekkingu sína. Markmiðið
með því er að skerpa sýnina á viðskiptaþróun, öðlast hagnýta þekkingu svo sem á stofnun fyrir-
tækis og reksturs, vöruaðgreiningu, markaðs- og fjármálum, verkefnastjórnun og kynningum.
Mistur selur umhverfis-vænar vörur fyrir heimilið og einstaklinga. Þórunn
Björk Pálmadóttir, eigandi verslun-
arinnar, fékk hugmyndina þegar
hún ákvað að byrja að endurvinna
vörur úr pappír og tré. „Ég byrjaði
að búa til vörur sem ég ákvað að
selja og náði að byggja mig hægt og
rólega upp. Ég er kannski áhættu-
fælin, en tók þetta með kalda
vatninu og byggði verslunina upp
eftir efni og aðstæðum.“
Þórunn ákvað að fara á brautar-
gengisnámskeið Nýsköpunar-
miðstöðvar eftir að hafa rekið
verslunina í nokkur ár. „Ég var því
komin með smá grunn.“ Þórunn
segir að námskeiðið hafi verið frá-
bært. „Með mér var fullt af f lottum
konum og verkefnum sem þær eru
með í gangi. Ég var fyrst tvístígandi
um hvort ég ætti að fara á nám-
skeiðið en er þakklát fyrir að hafa
drifið mig.“
Einkaleiðsögn líka
Á námskeiðinu er komið inn
á mörg atriði sem varða fyrir-
tækjarekstur. Námskeiðið er ætlað
konum sem eru komnar lengra eða
styttra með viðskiptahugmyndir.
„Þetta nýtist ábyggilega mjög
vel konum sem eru að byrja með
einhverja hugmynd. Hópurinn
sem stendur að baki námskeiðinu
veitir mikinn stuðning, líka utan
kennslustunda. Það er rosalega
gott að geta leitað til þeirra á milli
tíma og fá einkaleiðsögn.“
Þórunn gat notfært sér kennsl-
una til að lagfæra viðskiptaáætlun-
ina jafnóðum í tímum. „Ég gat þá
unnið hana samhliða námskeiðinu
og fengið leiðbeiningar eftir því
hvert ég var komin.“
Konur þurfa hvatningu
Þórunn telur að sams konar nám-
skeið ætti líka að vera í boði fyrir
karlmenn. Hún segir að það sé
mikilvægt fyrir konur en einn-
ig gæti það verið mikilvægt fyrir
karla. Þórunn mælir hiklaust með
að skella sér á námskeiðið. „Nám-
skeiðið getur skerpt sýnina á hvað
maður er að gera.“
Viðskiptavinahópur Misturs er
alltaf að stækka en Þórunn leggur
mikið upp úr því að vöruúrvalið sé
vel ígrundað.
Ein af fyrstu vörunum sem voru
seldar í netversluninni voru mat-
vælaarkirnar svokölluðu, Bee’s
wrap arkir úr bývaxi sem koma
í stað nestispoka og plastfilmu.
„Mér fannst þær hreinlega algjör
snilld. Ég fór með mínar fyrstu út í
moltu haustið 2018, þær brotnuðu
alveg niður og ég hef ekki séð þær
síðan.“ Þórunn segir að það megi
nota arkirnar utan um öll matvæli
nema hrátt kjöt.
„Bývaxið verndar matvælin
gegn rotnun líka, sem spornar við
matarsóun.“ Því mætti segja að þó
bývaxarkir séu dýrari en plast-
filmur þá borga þær sig á endanum.
Mörgum finnst umhverfisvörur
dýrar en þá á alveg eftir að horfa
til ýmissa þátta er viðkemur bæði
framleiðslu og förgun ódýrari
var sem ekki eru jafn umhverfis-
vænar.“
Umhverfisvænar vörur
Fljótlega eftir að Þórunn byrjaði
að selja bývaxarkirnar hóf hún að
selja fleiri vörur. Þórunn leitast
við að finna vörur sem koma í stað
plasts, og að finna vörur sem skaða
ekki vistkerfið með einhverjum
hætti. „Ef maður er duglegur að
flokka sér maður hve mikið safnast
fyrir. Það að geta dregið úr því er
dásamlegt. Markmiðið er að koma
umhverfisvænu vörunum okkar í
fleiri verslanir þannig að neytand-
inn hafi val um umhverfisvænan
kost í venjulegum búðum en þurfi
ekki að fara í sérverslanir til þess.“
Námskeiðið Brautargengi skerpti sýnina
Þórunn gat notfært sér kennsluna til að lagfæra viðskiptaáætlunina jafn
óðum í tímum. „Ég gat þá unnið hana samhliða námskeiðinu og fengið leið-
beiningar eftir því hvert ég var komin,“ segir hún. FRÉTTABLAÐIÐ/ANTON
Helga rekur axarkastsaðstöðu ásamt Elvari, kærasta systur sinnar, í Hafnarfirðinum.
Hún segist vera þakklát fyrir það
sem hún lærði á námskeiðinu. „Ég
er afskaplega ánægð með að hafa
drifið mig. Ég hef engan bakgrunn
í fyrirtækjarekstri. Ég er miklu
meira sjálf bjarga með margt sem
tengist rekstrinum. Námskeiðið er
frábært fyrir konur sem eru með
viðskiptahugmynd og þurfa pepp
til að halda áfram að móta hug-
myndina.“
Helga var farin af stað með
rekstur Berserkja axarkasts
vorið 2018, en fór á námskeiðið
um haustið. „Margir voru með
hugmynd á byrjunarstigi sem
varð betri og hnitmiðaðri á nám-
skeiðinu.“
Helga segir að námskeiðið hafi
fyrst og fremst hjálpað henni að
átta sig á hvernig markaðurinn
væri og hverjir hennar samkeppn-
isaðilar væru. „Mér var sýnt hverju
ég þyrfti að huga að varðandi það,
líka með auglýsingar og hvernig
ég á að koma mér á framfæri. Ég
styrktist í að vita að við værum á
réttri leið.“
Dýnamík í kvenhópum
Helga segir að Brautargengis-
námskeiðið geti orðið til þess að
konur þori að kýla á hlutina. „Það
eru ótrúlega margar konur með
einhverja hugmynd sem þær eru
kannski búnar að ganga með lengi.
Námskeiðið getur gjörsamlega
ráðið því hvort þær ráðist í verk-
efnið eða ekki.“
Helgu fannst til bóta að nám-
skeiðið væri einungis fyrir konur.
Sjálf kemur hún úr starfsgrein þar
sem yfirgnæfandi meirihluti eru
karlmenn.
Axarkast verði atvinnuíþrótt
Berserkir axarkast býður hópum
og einstaklingum að koma og
kasta öxum í afþreyingarskyni.
Helga segir að þau stefni að því að
gera axarkast að atvinnuíþrótt á
Íslandi. Helga og Elvar kenna hópi
einstaklinga reglulega og eru að
leitast við að stækka þann hóp.
„Við kennum þá keppnisfyrir-
komulag eftir reglum frá Kanada,
svo erum við búin að byggja
brautir og fleira. Það er heims-
meistaramót í axarkasti á hverju
ári. Við erum þau fyrstu sem
bjóðum upp á innanhússaðstöðu
sem hentar vel á veturna.“
Helga og Elvar eru þó líka búin
að smíða sex útiskotmörk sem
þau keyra á milli staða á kerru.
„Við höfum stundum farið út
fyrir bæinn með þau fyrir stærri
hópa. Á því eina og hálfa ári sem
aðstaðan hefur verið opin hafa yfir
3.000 manns komið þangað. Þá er
ég ekki að tala um hópana.“
Þó Helga sé búin að afla sér
mikillar reynslu og þekkingar á
rekstrinum, þá segir hún gott að
vita að það sé alltaf hægt að leita til
Nýsköpunarmiðstöðvar.
„Ef mig langar að breyta ein-
hverju, ef ég er með einhverja
aðra hugmynd er alltaf hægt að fá
aðstoð. Þau eru öll svo yndisleg og
gott að vita af þeim.“
Varð meira sjálfbjarga
Þótt Helga sé búin að afla sér mikillar reynslu, þá segir hún gott að vita að
það sé alltaf hægt að leita til Nýsköpunarmiðstöðvar. FRÉTTABLAÐIÐ/ERNIR
Námskeiðið stendur í 14 vikur og kennt einu sinni í viku. Nánari upplýsingar má finna á nmi.is/brautargengi
36 KYNNINGARBLAÐ 2 3 . JA N ÚA R 2 0 2 0 F I M MT U DAG U RKONUR Í ATVINNULÍFNU