Skírnir - 01.04.2005, Blaðsíða 24
22 JÖRGEN L. PIND SKÍRNIR
Fimm atriði telur hann „bráðnauðsynlegt að fái framgang á þessu
þingi til viðreisnar lýðmenntuninni". Þau eru að stofnaður verði
þriggja ára kennaraskóli í Reykjavík, að komið verði á skólastjórn,
að sett verði skilyrði um styrkveitingar úr landsjóði til skóla er
tryggi betri kjör kennara, að veittir verði fjármunir til að útbúa
kennslubækur, einkum lesbók, og loks að veitt verði fjármunum
til rannsókna „er miði að því að undirbúa menntamálið".40 Þing-
ið féllst á síðustu tillögu Guðmundar og fól honum að ferðast um
landið og afla upplýsinga um stöðu fræðslumála um allt land.
Þessu sinnti Guðmundur á næstu tveimur árum og má sjá af-
rakstur þess í Skýrslu um frœðslu barna og unglinga veturinn
1903-1904.41 Skýrslan byggir annars vegar á „eyðublöðum" sem
send voru öllum prestum og próföstum á landinu og þeir beðnir
að fylla út með upplýsingum um ástand skólamála í hverjum hreppi
landsins. Spurt var meðal annars um fjölda skólabarna og aldur
þeirra, námstíma og námsgreinar, kennslubækur, kennslustaði og
-stofur og hversu langan veg börn þyrftu að fara til skóla. Auk
þess var spurt um kennara, menntun þeirra, hjúskaparstöðu og
hvaða atvinnu þeir stunduðu auk kennslu. Niðurstöður þessarar
könnunar er að finna í rækilegum töflum í skýrslu Guðmundar
sem geymir þannig ómetanlegan vitnisburð um ástand fræðslu-
mála á Islandi við upphaf 20. aldar. Þar kemur meðal annars fram
að af 12.030 börnum á aldrinum 7-14 ára nutu 6.210 einhverrar
kennslu, helmingur þeirra í 2 mánuði eða skemur. Kennarar voru
alls 415, 321 karl og 94 konur. Af þeim höfðu 24 verið á kennara-
skóla en flestir (134) höfðu aðeins fengið heimafræðslu eða voru
sjálfmenntaðir. Launakjör kennara voru bág. Sem dæmi nefnir
Guðmundur að laun farkennara hafi að jafnaði verið um 3 krónur
á viku; til samanburðar nefnir hann að kaupamenn hafi um slátt-
inn getað fengið 3 krónur á dag í laun. Sumir farkennarar séu þó
enn verr launaðir og búin slík aðstaða að þeir verði að kenna börn-
unum „í svo miklum kulda, að börnin geta varla skrifað. Að slík
kjör skuli nokkurs staðar vera boðin þeim, sem eiga að leggja
40 Guðmundur Finnbogason. Skýrsla til Alþingis, 9. júlí 1903. Skjalasafn Alþing-
is, Alþingsmdl, Dagbók neðri deildar 1903, II.
41 Guðmundur Finnbogason 1905a.