Bændablaðið - 22.09.2016, Side 26

26 Bændablaðið | Fimmtudagur 22. september 2016
Landskeppni Smalahundafélags Íslands:
Mikilvægi smalahundanna eykst
samhliða fækkun fólks í sveitum
Landskeppni Smalahundafélags
Íslands var haldin að Bæ í
Miðdölum helgina 27. til 28.
ágúst. Blíðskaparveður var báða
keppnisdagana og vel að keppn-
inni staðið.
Það kom í hlut Smalahundafélags
Snæfellsness- og Hnappadalssýslu
að halda keppnina þetta árið og
gerði félagið það í samstarfi við
Félag sauðfjárbænda í Dalasýslu.
Óhætt er að segja að þetta samstarf
hafi heppnast vel.
Þarna mættu sumir af bestu smöl-
um landsins með marga af bestu
ræktunarhundum landsins. Svona
keppnir eru mikilvægar til að halda
mönnum við efnið og gefa smölun-
um færi á að sýna hundana sína og
öðrum að sjá þá. Vonandi verða þær
einnig til að auka áhuga á Border
Collie-smalahundum. Ekki er þetta
síst áríðandi nú þegar bændum fer
fækkandi og búin stækkandi sem
veldur því að færri eru til staðar í
sveitunum til að smala úthagann á
haustin.
Eitt af markmiðum Smalahunda-
félagsins er að bera út boðskap
Border Collie-smalahundsins. Það
er því sérlega ánægjulegt að keppnin
hafi verið haldin í Dalasýslu í fyrsta
skipti.
Breskur dómari
Dómari keppninnar var breski sauð-
fjárbóndinn Bevis Jordan og var hann
skipaður af International Sheedog
Society, sem Smalahundafélag
Íslands er aðili að. Bevis lýsti því
yfir að keppninni lokinni að hann
væri ánægður með það sem hann
sá og hvernig hundarnir höndluðu
krefjandi aðstæður, á Íslandi væri
greinilega að finna góða þjálfara og
hunda sömuleiðis.
Mótið var með hefðbundnu sniði.
Keppnin var tveggja daga og fengu
allir hundar að fara tvisvar sinnum
í braut. Keppt var að 100 stigum
hvorn dag í öllum flokkum. Að því
loknu var samanlagður stigafjöldi
daganna tveggja lagður saman og
sigurvegari hvers flokks var sá sem
hæsta skorið hafði samtals.
Svanur Guðmundsson býr sig undir að skipta kindahópnum. Myndir / Aðalsteinn J. Halldórsson