Bændablaðið - 22.09.2016, Síða 54

54 Bændablaðið | Fimmtudagur 22. september 2016
Fyrstu helgina í september var
Toyota með stóra haustssýningu á
bílum með ýmsum hausttilboðum.
Að lokinni sýningunni fékk ég til
prófunar Toyota Avensis-skutbíl.
Hugmyndin var að taka stuttan
prufuakstur á bílnum, en það var svo
gott að keyra bílinn að stutti prufu-
aksturinn endaði í tæpum 300 km.
Hljóðlátasti bensínbíll sem ég hef
keyrt
Eftir að hafa sett bílinn í gang varð
ég að líta á snúningshraðamælinn til
að sjá hvort vélin væri í gangi, svo
lágvær var vélin.
Þegar ég skoðaði þetta betur sá
ég að vélarrýmið var vel hljóðein-
angrað og ekki bara vélarrýmið sem
var svona vel hljóðeinangrað því að
í akstri heyrðist nánast ekkert veg-
hljóð. Undirvagninn er líka hljóð-
einangraður, jafnvel á malarvegi
heyrist nánast ekkert steinahljóð.
Aðeins einu sinni heyrði ég í vélinni
í akstri, en það var þegar ég var með
skiptinguna stillta á SPORT og var
að finna snerpuna í bílnum að ég
heyrði í vélinni í akstri.
Sætin afar þægileg í langkeyrslu
Bílstjórasætið er sérstaklega gott
og varð ég hrifinn af hönnun og
lögun sætisins þar sem sætið hélt
vel við bakið á mér, en að setjast
í þetta sæti minnti mig á þegar ég
settist í keppnissæti á rallýbíl fyrir
nokkrum árum.
Í upphafi átti bíltúrinn að vera
rétt austur fyrir fjall, en endaði í
kaffi í Hrauneyjum, svo gott var
að keyra bílinn. Í bakaleiðinni var
malarvegakaflinn að Hjálpar fossi
prófsteinninn á bílinn í malarvega-
akstri. Á hlykkjóttum og holóttum
malarveginum var ég hreinlega
límdur í sætið og haggaðist ekki
vegna hliðarstuðningsins í sætinu.
1,8 lítra bensínvél sem skilar
147 hestöflum
Bíllinn sem ég prófaði var sjálf-
skiptur með 7 þrepa sjálfskiptingu,
þægilegur að keyra í alla staði, en
ekki alveg gallalaus.
Það eina sem mér fannst vara-
samt var hversu ég fann lítið fyrir
hraðanum og var aðeins of gjarn á
að vera á of miklum hraða. 7 gíra
sjálfskiptingin er mjúk, ég fann
aldrei þegar bíllinn
skipti sér.
F a r a n g u r -
srýmið er gott,
en vara dekkið er
það sem ég kalla
aumingi.
Felgustærðin
er 17 tommur og
er fínt á malbiki,
en fyrir mikinn
akstur á malarveg-
um myndi ég alveg
vilja sjá þennan
bíl á 16 tommu felgum sem gætu
borið belgmeiri dekk sem gæfu betri
fjöðrun.
Stutti bíltúrinn sem upphaflega
var ráðgerður endaði í tæpum 300
km og samkvæmt aksturstölvu bíls-
ins var meðaleyðsla mín 7,6 lítrar á
hundraðið, en uppgefin meðaleyðsla
samkvæmt sölubæklingi er á bilinu
5,9 til 6,4 lítrar á hundraðið.
Óásættanlegur ljósabúnaður
Það er aðeins tvennt sem ég get sett
út á bílinn. Það er ljósabúnaðurinn
og varadekksauminginn.
Ljósin eru óásættanleg vegna
þess að það þarf að kveikja á þeim
í hvert skipti sem farið er af stað
til að vera með afturljós og þar af
leiðandi löglegur í umferðinni. Við
það dofna ljósin í mælaborðinu svo
mikið að maður sér varla á mæla-
borðið.
Rausnarlegt hausttilboð á
aukahlutum
Á haustssýningunni var fjölskyldu-
bíllinn Toyota Avensis auglýstur á
tilboði með aukahlutum sem voru
m.a. dráttarkrókur, farangursbox
á topp (stundum kallað tengda-
mömmubox) og fleira.
Í boði fyrir Avensis er mikið af
aukahlutum og búnaði hjá Toyota.
Ódýrasti Avensis er á verði frá
4.210.000 upp í 5.890.000 sá dýr-
asti, en nánari upplýsingar er hægt
að nálgast hjá sölumanni eða á vef-
síðunni www.toyota.is.
Vélabásinn
liklegur@internet.is
Hjörtur L. Jónsson
Þyngd 1.410 kg
Hæð 1.480 mm
Breidd 1.810 mm
Lengd 4.820 mm
Helstu mál og upplýsingar
:
Toyota Avensis 1,8 með bensínvél. Í baksýn er Hjálparfoss. Myndir / HLJ
Fótapláss gott og bílstjórasætið alveg draumur.
Gott pláss fyrir farþega í aftursætum.
hluta vegna betur en aðrar hlífar veghljóð inn í bílinn
(nema að heyrnin sé farin að gefa sig hjá mér).
versta, en gerir það sem henni ber.
Hef séð betri og stærri hliðarspegla
hjá Toyota, en þessir þjóna sínu.
bíllinn skiptir sér.
Hefði verið til í að prófa sama bíl á
16 tommu felgum á malarvegi með
dekkjanna sem bíllinn er á.
ekki slæmt, en í dagsbirtunni með
ljósin kveikt fannst mér mælaborðið
dauft og illlæsilegt.