Bændablaðið - 29.08.2019, Blaðsíða 56

Bændablaðið | Fimmtudagur 29. ágúst 201956
MATARKRÓKURINN
LÍF&LYST – BÆRINN OKKAR
Ábúendur eru feðgarnir Magnús
Guðmann Guðmundsson og
Einar Magnússon. Magnús hóf
búskap með formlegum hætti árið
1976 á jörðinni með föður sínum,
Guðmundi Árnasyni, og bræðum
hans, Jóhanni og Ólafi, sem ráku
félagsbú.
Árið 1985 kom Steinþór, bróðir
Magnúsar, inn í búskapinn. Ráku þeir
tveir saman félagsbúið þar til 2017 er
Steinþór hætti búskap.
Einar tók við sauðfénu af afa
sínum Guðmundi árið 2006 og
í búskap með föður sínum frá 1.
nóvember 2017.
Býli: Oddgeirshólar.
Staðsett í sveit: Oddgeirshólar
í Flóahreppi sem áður hét
Hraungerðishreppur.
Ábúendur: Magnús G. Guðmundsson
og Einar Magnússon.
Fjölskyldustærð (og gæludýra):
Tveir karlar og þrír hundar; Píla, Týra
og Skella.
Stærð jarðar? Um 600 ha.
Gerð bús? Blandað bú.
Fjöldi búfjár og tegundir? 40 kýr
+ 30 aðrir nautgripir, um 400 fjár
og 25 hross.
Hvernig gengur hefðbundinn
vinnudagur fyrir sig á bænum?
Byrjar á mjöltum og endar á þeim
líka.
Skemmtilegustu/leiðinlegustu
bústörfin? Heyskapur og að
framkvæma eitthvað sem nauð­
synlegt er, eru skemmtilegustu
verkin en skemmtilegasta vinnan
er í kringum réttirnar. Veikir gripir
og bilanir er leiðinlegast.
Hvernig sjáið þið búskapinn
fyrir ykkur á jörðinni eftir fimm
ár? Vonandi komið nýtt fjós og
framtíðin björt.
Hvaða skoðun hafið þið á
félagsmálum bænda? Í ágætis
málum.
Hvernig mun íslenskum land­
búnaði vegna í framtíðinni? Vel
ef rétt er haldið á spilunum, það
verður alltaf þörf fyrir mat.
Hvar teljið þið að helstu tækifærin
séu í útflutningi íslenskra búvara?
Í hreinleikanum.
Hvað er alltaf til í ísskápnum? Kók
og kokteilsósa.
Hver er vinsælasti maturinn á
heimilinu? Grillað lamb.
Eftirminnilegasta atvikið við
bústörfin? Þau eru mörg, t.d. þegar
við keyptum nýjan traktor í fyrra.
Kryddað lambakjöt og grillað grænmeti
Allir elska íslenskt lamb.
Þetta dýrindis og góða kjöt,
sem kemur nýslátrað í búðir
innan tíðar. Margir Íslendingar
borða lambakjöt ekki nógu oft.
Þessa dagana getur verð á betri
hlutunum verið í hærri kantinum,
sem gerir það ekki ódýrt val
fyrir þá sem eru með þrönga
fjárhagsáætlun eða stór heimili.
En þá er kjörið að nota ódýrari
bitana eða nota annað prótein í
uppskriftirnar. Þá er kúnstin að vera
með fullt af grænmeti og skera kjötið
þunnt niður í pítubrauð eða í vefjur
og gera fjölskylduvæna dýrindis,
holla máltíð með lamb og grænmeti
í aðalhlutverki.
Ef þú ert að grilla enn inn í haustið
þá er grænmeti algjörlega málið,
nýkomið í búðir eða beint frá bónda
– pakkað trefjum og próteini.
Lambakjöt og grillað grænmeti
› 400 g lambakjöt, til dæmis framfille
(hægt líka að nota nautakjöt eða
kjúkling)
› 1 msk. jómfrúarólífuolía
› safi af einni sítrónu
› tvö hvítlauksrif, söxuð
› 1/2 búnt af ferskri basiliku, fínt saxað
› ólífuolía til að framreiða sem sósu
› tvenns konar íslenskt kál, skorið í
tvennt
› tvær rauðar paprikur, skormar í stóra
bita
› einn rauðlaukur, skorinn í fjórðunga
› fjórar pítur eða vefjur
› tveir bollar salat, eða jafnvel nýjar
íslenska kartöflur
› 250 g hummus eða önnur sósa eða
meðlæti sem gott er að smyrja á
pítubrauðið
Aðferð
Blandið saman sítrónusafa, hvítlauk
og ólífuolíu í lítilli skál. Bætið
lambakjötinu við og leggið til hliðar
til að marinera í um 30 mínútur. Ef
þú hefur ekki tíma til að marinera
mun þessi uppskrift samt bragðast
vel.
Hitið grillpönnu á meðan á miklum
hita og úðið létt með ólífuolíu.
Bætið grænmetinu við og grillið í
tvær mínútur á hvorri hlið þar til
það er brúnað. Takið af hitanum og
leggið til hliðar.
Setjið lambið á grillpönnuna og
eldið í 2–3 mínútur á hvorri hlið
eða þar til það er orðið svolítið
grillað. Setjið grænmetið aftur á
pönnuna og hitið í tvær mínútur til
viðbótar. Bætið basilikulaufunum
við grænmetið og sneiðið lambið á
meðan það er heitt.
Berið fram í pítubrauði eða í vefju
og toppið með lambakjöti og
grænmetisblöndu, hummus eða sósu.
Berið fram og njótið!
Grillað grænmetissalat
Rófur, aspas, eggaldin, blómkál og
fennel er rifið niður í ólífuolíu og
grillað. Síðan er þessu velt saman
við sítrónusafa og góða olíu til að
gera þetta góða salat.
Hægt er að nota hvaða blöndu af
grænmeti sem er, svo sem gulrætur,
næpur og kúrbít.
› 3 miðlungs rauðrófur, skrúbbaðar eða
skrældar
› 2⁄3 bolli ólífuolía
› salt og ferskur malaður svartur pipar,
eftir smekk
› 1⁄2 blómkál á höfði, skorið í miðlungs
blóm
› 1 grein timjan eða blóðberg
› 2 fennel, skorin í tvennt
› 1 lítið eggaldin, sneitt þversum og í
þykkar sneiðar
› 1 avocado (lárpera)
› börkur og safi af einni sítrónu
Hitið kolagrill (hafið kolin bara
öðrum megin) eða stillið gasgrill á
háan hita. Slökkvið á annarri hliðinni
til að búa til kaldara svæði. Einnig er
hægt að hita steypujárns­grillpönnu
yfir miðlungsháum hita.
Nuddið grænmetið sem er stærst og
þarf að elda lengst, eins og rófur,
með tveimur matskeiðum af olíu,
salti og pipar. Grillið yfir óbeinum
hita, snúið eftir þörfum, þar til það
er svolítið brúnað og soðið í gegn,
um 45 mínútur til klukkustund. Látið
rófurnar kólna aðeins, takið hýðið af
og skerið í sneiðar. Flytjið yfir á fat
og haldið hita.
Veltið blómkáli með þremur
matskeiðum af olíu, timjan, salti og
pipar. Vefjið í tvöfaldan álpappír,
lokið álpappírnum og grillið yfir
óbeinum hita þar til það er mjúkt (eftir
smekk), eða í 18–20 mínútur. Flytjið
yfir á fatið með rófunum. Bætið olíu
á það sem eftir er af grænmeti eins
og fennel, eggaldin og aspas. Saltið
og piprið í skálina.
Grillið grænmeti sem þarf minni
eldun yfir beinum hita þar til það er
svolítið brúnað og með grillröndum
og mjúkt viðkomu, má áætla 6–8
mínútur fyrir eggaldin og aspas en
10–12 mínútur fyrir fennel. Færið
yfir á fat með rófum og blómkáli.
Hellið olíunni sem eftir er yfir og
sítrónusafa og börk, blandið varlega
saman og berið fram heitt.
Bjarni Gunnar Kristinsson
matreiðslumeistari
Oddgeirshólar