Fréttabréf Öryrkjabandalags Íslands - 01.09.1993, Blaðsíða 7

var orðinn til í þessum málaflokki.
Það er því einlæg von undirritaðs að
samtök fatlaðra megi bera gæfu til
þess að taka höndum saman við stjóm-
völd og aðila vinnumarkaðarins og
stuðla að því að komið verði á heild-
stæðri atvinnu- og tryggingalöggjöf
sem styrki réttindi fatlaðra á almennum
vinnumarkaði. Ef til vill verður saman-
tekt Evrópuráðsins til þess að vekja
Islendinga af þymirósarsvefni sinnu-
leysisins.
Arnþór Helgason
I aðdraganda
aðalfundar
Aðalfundur Öryrkjabandalags
íslands verður haldinn laugardaginn
16. okt. n.k. og hefst hann kl. 9 árdegis
á Hótel Holiday Inn í Reykjavík.
Á dagskrá þessa aðalfundar eru
fyrst og fremst venjuleg aðalfundar-
störf, en einhver sérmál munu einnig
rædd. Tvö félög munu sækja um aðild
að bandalaginu, en það er MG-félagið,
sem greint er frá annars staðar í þessu
blaði og Alnæmissamtökin. Stjórn
bandalagsins mun mæla með aðildar-
samþykkt og því munu fulltrúar beggj a
félaga mæta á aðalfundinn, sem
áheyrnarfulltrúar fyrst og síðar
fullgildir, að jákvæðri afgreiðslu lok-
inni s.s. lrklegast er.
Á þessum aðalfundi mun fyrsta
sinn kosin stjóm skv. nýjum lögum
bandalagsins. Þar segir að úr hópi
aðalstjórnarmanna kjósi aðalfundur
formann, varaformann, ritara, gjald-
kera og meðstjórnanda og mynda þeir
framkvæmdastjórn bandaiagsins.
Það verður því meira um kosningar
á aðalfundi en áður hefur verið.
Eftir hádegi fundardaginn verður
efnt til málþings um Greiningar- og
ráðgj afarstöð ríkisins og stöðu fatlaðra
barna varðandi þjálfun og þjónustu.
Þar munu fjórir fyrirlesarar reifa
mál frá hinum ýmsu hliðum og á eftir
munu verða umræður um erindin.
Er ekki að efa að málþingið verður
hið fróðlegasta.
Helgi Seljan
Þrjár ljóðaþýðingar
F ormáli þýðanda:
Inn á borð okkar hér hjá Öryrkjabandalaginu berst mikið af erlendum
fréttabréfum urn málefni fatlaðra. Kennir þar ýmissa grasa og er oft ýmsan
fróðleik að finna. I einu slíku fréttabréfi, sem var að nokkru leyti helgað
málefnum fatlaðra kvenna voru nokkur kvæði um og eftir fatlaðar konur.
Okkur hér á bæ datt í hug að þýða þrjú þessara kvæða til birtingar í
Fréttabréfi ÖBI. og hérna koma þessi sýmishorn af kveðskap hinna
erlendu kvenna.
VINÁTTA
Vinátta er yndisleg
Þegar hún er gefin af heilum hug og ánægju.
Þegar hún umlykur mann.
Vinátta er afl — bönd sem við bindum
með trausti og samheldni félagsskaparins.
Vinátta verður þegar tilfinning vaknar.
Þegar við réttum fram hönd
án vonar um endurgjald.
Að líta veröldina saman — vernda lífið.
Bros vináttunnar gefur hverjum degi líf.
Þú gleymir ekki vináttu auðveldlega.
Hjarta hennar er allsstaðar.
Blanca Dina Sorto.
LJÓÐ UM LÍKAMA
Líkami minn — smávaxinn, snúinn, vanskapaður
hvetur engan til að yrkja ástarljóð.
Ófær um að vera miðdepill ástríðufullrar nætur.
Eitt sinn sagði maður við mig:
„Augu þín eru svo falleg“.
Hann vildi ekki segja
— þrátt fyrir líkama þinn.
Þessi smái líkami — snúinn og vanskapaður
heillar mig.
Mér þykir vænt um hann.
Hann er minn.
Ég á engan annan.
Eileen Giron.
KONA
Vegna angistarinnar
endurlifi ég skyndilegar breytingar —
grimmilegar, sárar, mjög fljótt.
Milli himins og jarðar
sit ég — ísköld.
Nóttin milli óttu og dögunar
hefur litað himinhvolfið.
í kvenlegri neyð minni — endurspeglast ég.
Maritza Melara Castillo.
Ásgerður Ingimarsdóttir þýddi.
FRÉTTABRÉF ÖRYRKJABANDALAGSINS