Fréttabréf Öryrkjabandalags Íslands - 01.09.1993, Blaðsíða 4

velferðarþjónustan hefur aukist að
magni um 62% á mann á þessu tólf ára
tímabili. Sagt er að u.þ.b. 75% af
þessum útgjöldum fari frá hinu
opinbera sem tekjur til einstaklinga.
Hitt eru samneysluútgjöld af ýmsu
tagi. Þá segir að útgjöld hins opinbera
til velferðarþjónustu hafi aukist úr um
58 þús. kr. (verðlag 1991) á mann árið
1980 í um 100 þús. kr árið 1992.
Ekki hef ég séð eða heyrt mikla
umfjöllun um ritið Búskapur hins
opinbera 1980—1991. í leiðara
Morgunblaðsins 19. júní sl. er þó
fjallað um ýmsa þætti sem fram koma
í ritinu. M.a. er bent á að landsfram-
leiðsla á mann á því tímabili sem um
ræðir, 1980—1992, hafi aukist um
11,2%, en á sama tíma hafi velferðar-
útgjöld hvers skattgreiðanda hækkað
um 72% og heilbrigðisútgjöldin um
54%. Þá segir í leiðaranum að við
blasi að tekjur þjóðarinnar standi ekki
lengur undir hinu viðamikla velferðar-
kerfi. A það er bent að ríkisstjómin
hafi sett sér það markmið að minnka
halla ríkissjóðs um heila 10 milljarða
á næsta ári og þar af eigi að skera niður
í heilbrigðis- og velferðarþjónustunni
sem nemur 4 milljörðum króna. Það
segir sig sjálft að slíkur niðurskurður
myndar stórt tómarúm í bæði þessi
verðmætu og náuðsynlegu kerfi.
Ekki er um það deilt að búskapur
hins opinbera er erfiður þessi
misserin og árin og getur án efa átt
eftir að verða ennþá erfiðari. Spum-
ingin er ával lt sú með hvaða hætti á að
mæta erfiðleikunum. V ilja landsmenn
að heilbrigðis- og velferðarþjónustan
verði skorin niður í þeim mæli sem
við blasir? Fólk spyr: Erekki hægt að
ná betri árangri með því að spara á
öðrum sviðum, skera niður annan
kostnað, og sýnist þátrúlega sitt hverj-
um. Og sérstaklega má velta fyrir sér
þessari spurningu: Er það alveg víst
að velferðin hafi aukist meir en vel-
megunin í landinu?
Öryrkjabandalag Islands er hags-
munabandalag fatlaðra í þessu landi.
Bandalaginu er því skylt að standa
vörð um hið íslenska velferðarþjóð-
félag með öllum tiltækum ráðum.
Haukur Þórðarson.
Frá Gigtarfélagi íslands:
Fræðslufundir
og útgáfustarf
Gigtarfélagið skipulagði og stóð fyrir fræðslufundaröð í apríl og maí
um einstaka gigtsjúkdóma. Markmið fundanna var að veita almenna
fræðslu og gefa fólki með hliðstæð vandamál og aðstandendum þeirra
tækifæri á að hittast óg kynnast og stofna til frekari kynna ef áhugi væri
fyrir því.
Fundimir voru allir haldnir á Hótel Sögu og vom mjög vel sóttir en
samtals komu um 500 manns á þá. Fjallað var um eftirfarandi sjúkdóma:
Rauða úlfa, vefjagigt, barnaliðagigt, beinþynningu og psoriasisliðagigt.
Fundirnir voru þannig byggðir upp að fyrst var sagt í stuttu máli frá starf-
semi og tilgangi Gigtarfélagsins, þá greindi sjúklingur frá eigin reynslu
af viðkomandi sjúkdómi og að síðustu voru fagaðilar, þ.e. læknar,
sjúkraþjálfarar og hjúkrunarfræðingar með erindi sem m.a fjölluðu um
einkenni og meðferð þessara sjúkdóma. Að þeim loknum voru fyrirspumir
og alme'nnar umræður sem góð þátttaka var í.
Mikill áhugi reyndist vera fyrir þeirri fræðslu sem veitt var í lok
fundanna, skráði fólk sig á lista sem vildi aðstoða Gigtarfélagið við að
by ggja upp frekara starf fyrir aðila með þessa sjúkdóma. Ætlunin er með
haustinu að kalla þessa einstaklinga saman til skrafs og ráðagerða, m.a.
verður rætt um hvort ástæða sé til að stofna formlegar deildir fyrir fólk
með þessa sjúkdóma eða óformlega hópa. Næsta haust er stefnt að því
að skipuleggja fræðslufundaröð aftur og fjalla þá m.a. um iktsýki,
slitgigt o.fl. gigtsjúkdóma.
Vert er að geta þess að Gigtarfélagið hefur nýlega gefið út fræðslu-
bæklinga um gigt, iktsýki og hryggikt, sem eru 32 og 36 blaðsíðuren þeir
eru einkum ætlaðir fólki með þessa sjúkdóma. Áform eru uppi um að
gefa út hliðstæðan bækling um slitgigt á þessu ári og jafnframt er á
döfinni að gefa út mjög stutta fræðslubæklinga um einstaka gigtsjúkdóma
sem dreift yrði mun víðar.
Þingsályktunartillaga um gigtarmálefni
Á síðasta þingi lögðu fimm alþingismenn fram tillögu til þings-
ályktunar um rannsóknar-, forvama- og fræðslustörf um gigtsjúkdóma.
Það voru þingmennirnir Ingibjörg Pálmadóttir, Ingibjörg Sólrún
Gísladóttir, Svavar Gestsson, Lára Margrét Ragnarsdóttir og Jón
Helgason. Tillagan hljóðar svo:
„Alþingi ályktar, í tilefni af Norrænu gigtarári 1992, að fela heil-
brigðisráðherra að móta tillögur um eflingu rannsókna á gigtsjúkdómum
í samvinnu við Gigtarfélag Islands. Jafnframt beiti ráðherra sér fyrir
stórauknu forvama- og fræðslustarfi um gigtsjúkdóma við Gigtarfélagið.
Alþingi ályktar ennfremur að fela heilbrigðisráðherra að gera raun-
hæfar tillögur um áframhaldandi eflingu lækninga, hjúkrunar og endur-
hæfingar fyrir gigtsjúka hér á Islandi og stuðla að aðgerðum er koma í
veg fyrir vinnutap og langvarandi örorku vegna gigtsjúkdóma“.
Þessi tillaga var samþykkt þann 7. maí sl. Gigtarfélagið væntir góðs
samstarfs við heilbrigðisráðherra við mótun tillagna með þeim hætti
sem hér er kveðið á um.
E.s. Þessir pistlar áttu að fylgja ársskýrslunni frá G.í. í 2. tbl., en urðu þar
útundan. En ritstjóra þótti til þess full ástæða að svo góðum tíðindum
skyldi til skila haldið, enda hvoru tveggja í fullu gildi.