Fréttabréf Öryrkjabandalags Íslands - 01.09.1993, Blaðsíða 26

Anna Margrét Guðmundsdóttir þroskaþjálfi:
Hæfingarstöð í Keflavik vígð
Til hvers —
Fyrir hverja
Föstudagurinn 28. maí var sólríkur
og bjartur dagur fyrir margra hluta
sakir. Suðurnesjabúar höfðu lengi átt
sér þann draum að fatlaðir íbúar gætu
fengið þjónustu við sitt hæfi í sinni
heimabyggð. Eitt af því sem skorti var
dagtilboð, þar sem fullorðnir fatlaðir
fengju þjálfun með það að leiðarljósi
að undirbúa þá undir þátttöku í
atvinnulífinu.
Því var það kærkomið fagnaðarefni
þegar Hæfingar- og þjónustumiðstöð
fyrir fatlaða var formlega tekin í notk-
un í Keflavík að viðstöddu fjölmenni.
I upphafi bauð Þór Þórarinsson
framkvæmdastjóri Svæðisskrifstofu
gesti velkomna. Hann rakti í stuttu
máli hlutverk stöðvarinnar og þær
væntingar sem henni fylgja. Að því
loknu ávaipaði Margrét Margeirsdóttir
deildarstjóri í félagsmálaráðuneytinu
gestina. Þegar Margrét hafði lokið
máli sínu lýsti hún yfir formlegri opnun
Hæfingar- og þjónustumiðstöðvar á
Suðumesjum.
Mörg ávörp voru flutt og Suður-
nesjabúum færðar heillaóskir í tilefni
dagsins. Byggingarsaga húsnæðisins
var rakin en aðeins liðu nokkrir
mánuðir frá því að það var keypt og
þar til það var fullbúið. Aðal verktakar
voru bræðurnir Stefán og Ari Einars-
synir.
Fulltrúar frá hagsmunasamtökun-
um svo og sveitarfélögunum fluttu
ávörp og færðu Hæfingarstöðinni
góðar gjafir. Einnig bárust gjafir frá
líknarfélögum og einstaklingum.
Kom fram í máli manna að miklar
væntingar eru til þeirrar starfsemi sem
fram mun fara í Hæfingarstöðinni.
Að lokum bauð Þór Þórarinsson
f.h. Svæðisskrifstofu Reykjaness gest-
um upp á veitingar og að skoða hið
nýja húsnæði.
Við opnunina voru starfsþjálfunar-
staðurinn Örvi svo og Hæfingar-
Anna Margrét Guðmundsdóttir.
stöðin Bæjarhrauni 2 Hafnarfirði með
kynningu á starfsemi sinni. Sambýlið
við Klettahraun í Hafnarfirði kynnti
einnig starfsemi sína, gestum gafst
þarna kærkomið tækifæri til að berja
augum þau verkefni sem unnin eru á
þessum stöðum og spyrja starfsmenn
viðfangsefnanna spjörunum úr.
Hæfingarstöðin í Keflavík verður
rekin með svipuðu sniði og í Hafnar-
firði.Starfsemin miðar að því að efla
möguleika fatlaðra til virkrar starfs-
þátttöku í samfélaginu með því að
bjóða upp á fjölbreytt þjónustutilboð.
Markmiðið er að efla starfshæfni h vers
og eins.
Öll verkefnin eru miðuð við getu
einstaklingsins. Bæði er um að ræða
vinnuverkefni og þjálfunarverkefni.
Vinnuþjálfunin felur í sér að reynt
verður að fá verkefni frá ýmsum fyr-
irtækjum og félagasamtökum. Verk-
efnin eru einföld og fela oftast í sér
pökkun, röðun, flokkun svo eitthvað
sé nefnt. Verkefnin eru síðan aðlöguð
að hverjum einstakling. Fyrirhugað er
að fara út í eigin framleiðslu á vörum
sem höfðað gætu sérstaklega til Suður-
nesjamanna.
Með eigin framleiðslu er viðhaldið
þeirri færni sem verið er að þjálfa upp
í vinnuverkefnunum.
Þjálfunarverkefnin eru margvísleg
og hafa það markmið að gera einstakl-
inginn hæfan til þess að taka þátt í
ýmiss konar vinnuverkefnum allt eftir
getu og áhuga hvers og eins.
Gert erráð fyrir að Hæfingarstöðin
geti verið áfangi á leið fatlaðra til
atvinnu á almennum vinnumarkaði.
Hæfing af þessu tagi gerir mörgum
fötluðum kleift að mæta þeim kröfum
sem gerðar eru á almennum vinnu-
markaði. Þar sem um breiðan hóp
fatlaðra er að ræða er ljóst að ekki
munu allir geta farið á vinnumarkað-
inn. I þeim tilfellum gefur Hæfingar-
stöðin þeim einstaklingum tækifæri
til þess að fást við viðfangsefni utan
heimilis í samræmi við getu og áhuga.
Hæfingar- og þjónustumiðstöðin
er til húsa að Hafnargötu 90 í Keflavík.
í sama húsnæði eru ýmis fyrirtæki og
félagasamtök með aðsetur sitt. Starf-
semin fellur vel að þeim rekstri sem
Sjá bls. 31
Svipmynd frá vígslunni.