Fréttabréf Öryrkjabandalags Íslands - 01.09.1993, Blaðsíða 35

Lög Öryrkjabandalags
Islands
NAFN
1. gr.
Nafn bandalagsins er ÖRYRKJA-
BANDALAG ÍSLANDS, heildar-
samtök fatlaðra, skammstafað ÖBI.
heimili þess og varnarþing er í
Reykjavík.
TILGANGUR
2. gr.
Tilgangur bandalagsins er:
a. að koma fram fyrir hönd fatlaðra
gagnvart opinberum aðilum í hvers
kyns hagsmunamáium svo sem
varðandi löggjöf og framkvæmd
hennar og í dómsmálum er snerta
rétt fatlaðra.
b. að efla samstarf við félög fatlaðra
um land allt og samvinnu þeirra á
milli og stuðla að félagastofnun
þar sem þess gerist þörf.
c. að starfrækja upplýsingaskrifstofu
fyrir öryrkja.
d. að hafa samstarf við eða eiga aðild
að fyrirtækjum sem stuðla að vel-
ferð öryrkja.
e. að annast samstarf og tengsl við
félagasamtök erlendis, er vinna á
líkum grundvelli og hagnýta
reynslu þeirra í þágu bandalagsins.
f. að vinna að öðrum sameiginlegum
málefnum öryrkja.
AÐILD
3. gr.
í bandalagið geta gengið félagasam-
tök, sem starfa á landsgrundvelli og
hafa það sem aðal verkefni að vinna að
málefnum tiltekinna öryrkjahópa. Þau
félög, sem áttu aðild að Öryrkjabanda-
lagi íslands á aðalfundi 1992 skulu
halda réttindum sínum.
Hveit félag innan bandalagsins
starfar algjörlega sjálfstætt. Inntöku-
beiðni skal senda stjórn bandalagsins,
sem síðan leggur beiðnina fyrir aðal-
fund þess til afgreiðslu. í lögum félag-
anna, sem að bandalaginu standa, skal
taka skýrt fram tilgang þeirra og hverjir
njóti þar réttinda. Félögunum ber að
senda bandalaginu skýrslu árlega,
ásamt endurskoðuðum reikningum.
AÐALFUNDUR
4. gr.
a. Aðalfundur bandalagsins fer með
æðstu völd í málefnum þess. Á
aðalfundi eiga rétt til setu 3 fulltrúar
tilnefndir af hverju aðildarfélagi
bandalagsins og mynda þeir full-
trúaráð.
b. Aðalfund skal halda í október ár
hvert og skal hann boðaðurbréflega
með minnst fimm vikna fyrirvara.
Fundarstað og tíma skal tilgreina í
fundarboði.
c. Tillögur um lagabreytingar, sem
óskaðereftiraðræddar verði, skulu
vera skriflegar og komnar í hendur
stjórnarinnar þremur vikum fyrir
fundinn. Framkomnar tillögur og
skýrsla stj ómar skulu sendar aðild-
arfélögum í síðasta lagi fjórtán
dögum fyrir aðalfund.
d. Áður en fundarstörf hefjast skulu
fulltrúar leggja fram kjörbréf frá
félagi sínu til samþykktar. Einfald-
ur meirihluti ræður úrslitum mála.
Lagabreytingar þurfa þó 2/3 hluta
greiddra atkvæða til að hljóta
samþykki. Atkvæðagreiðslur skulu
vera leynilegar, ef þess er óskað.
e. Á fundinum gefur stjórnin skýrslu
um störf sín og leggur fram
endurskoðaða reikninga til
afgreiðslu.
FULLTRÚARÁÐSFUNDUR
5. gr.
Fulltrúaráðsfund skal boða, telji
aðalstjórn nauðsyn bera til og einnig,
ef tvö félög innan bandalagsins óska
þess, enda tilkynni þau ákveðið
umræðuefni. Fulltrúaráðsfundur er
ályktunarbær. Fundurí fulltrúaráði er
löglegur, hafi hann verið boðaður
bréflega með minnst 3ja sólarhringa
fyrirvara.
AÐALSTJÓRN OG
FRAMKVÆMDASTJÓRN
6. gr.
a. Á aðalfundi tilnefnir hvert félag
fulltrúa sinn í aðalstjórn og einn til
vara. Úr hópi aðalstjómarmanna
kýs aðalfundur formann, varafor-
mann, ritara, gjaldkera og með-
stjórnanda og mynda þeir fram-
kvæmdastjórnbandalagsins. Kosn-
ing er til tveggja ára — þó þannig
að annað árið skal kjósa formann
og gjaldkera, en hitt árið varafor-
mann, ritara og meðstjómanda.
Einnig skal kjósa 3 varamenn í
framkvæmdastjórn til eins árs í
senn.
Framkvæmdastjórnarmenn skulu
ekki sitja lengur en 3 kjörtímabil
samfellt.
b. Framkvæmdastjóm afgreiðir mál
milli aðalstjórnarfunda og leggur
meiriháttar mál í hendur aðal-
stjómar. Þá getur aðalstjóm einnig
vísað málum til afgreiðslu fram-
kvæmdastjórnar. Aðalstjórnar-
fundir skulu haldnir a.m.k. fjórum
sinum á ári.
STARFSEMI OG REKSTUR
7. gr.
Starfsemi bandalagsins byggist á
tekjum frá íslenzkri getspá, framlagi
frá félögum bandalagsins og opin-
berum styrkjum. Árlegar greiðslur
félaganna ákveður aðalfundur, og
skulu þær miðaðar við brúttótekjur
félaganna, þó aldrei hærri en 1%.
8. gr.
a. Aðal- og framkvæmdastjóm sjá um
hag bandalagsins og annast starf-
semi þess og rekstur í samræmi við
lög þess og samþykktir aðalfundar.
Fjárhagslegar skuldbindingar skulu
samþykktar af aðalstjóm.
b. Framkvæmdastjórn ræður fram-
kvæmdastjóra bandalagsins og gerir
við hann ráðningarsamning, sem
staðfestur skal af aðalstjórn banda-
lagsins. Framkvæmdastjóri ber
ábyrgð á daglegum rekstri banda-
lagsins gagnvart aðal- og fram-
kvæmdastjórn.
c. Framkvæmdastjóri ræður aðra
starfsmenn bandalagsins og gerir
við þá ráðningarsamning sem
Sjá síðu 45
r
FRÉTTABRÉF ÖRYRKJABANDALAGSINS