Fréttabréf Öryrkjabandalags Íslands - 01.12.2000, Qupperneq 11

FRAMKVÆMDASTJÓRI
KVADDUR
Formaður flytur fráfarandi framkvæmdastjóra þakkir
Öryrkjabandalagsins á aðalfundi í október síðastliðnum.
r
lok desember næstkomandi
mun Helgi Seljan láta af starfi
framkvæmdastjóra Öryrkja-
bandalags Islands. Nær þrjú ár eru
síðan Helgi kunngjörði þá fyrir-
ætlan sína að gefa ekki kost á sér til
starfans lengur en til ársloka árið
2000.
Stjórn Öryrkjabandalagsins
hefur lengi verið ljóst að skarð
Helga Seljan yrði ekki aðeins vand-
fyllt heldur vandfundinn sá
einstaklingur sem hefði til að bera
þann bakgrunn, reynslu og
þekkingu sem nauðsynleg eru til að
sinna þeim þýðingarmiklu störfum
sem Helgi hefur gegnt. Þótt flestum
okkar hafi verið þetta ljóst, hygg ég
að fáum hafi verið þetta ljósara en
okkur sem sitjum í framkvæmda-
stjórn eða störfum á skrifstofu
bandalagsins og þurfiim að takast á
við verkefni sem mörg hver út-
heimta yfirgripsmikla þekkingu á
þeim viðamikla málaflokki sem
málefni fatlaðra eru.
Eins og frá er greint á öðrum stað
hér í blaðinu varð niðurstaða
stjórnar sú að ekki dygði minna til
en að leita til þess manns sem hafði
forystu fyrir ÖBÍ þegar Helgi réðst
til bandalagsins og starfaði náið
með honum í rúman hálfan áratug.
Sú yfirgripsmikla þekking og færni
sem við viljum að nýr fram-
kvæmdastjóri hafi segir meira en
mörg orð um það hve mjög við
höfum metið að verðleikum það
fjölþætta og vandasama starf sem
fráfarandi framkvæmdastjóri hefur
leyst af hendi þau 13 ár sem hann
hefur verið í þjónustu banda-
lagsins.
Þótt sá sem þetta ritar hafi um
nokkurra ára skeið átt þess kost að
starfa mjög náið með Helga Seljan,
notið aðstoðar hans og ráðgjafar í
fjölmörgum vandasömum málum,
er hann litlu nær um það hvernig
Helga hefur dugað vinnudagurinn
til að leysa úr öllum þeim gríðar-
fjölda mála sem á borð hans berast,
að viðbættri ritstjórn blaðs okkar,
ótal erindum einstaklinga og ijöl-
mörgum verkefnum öðrum, setu í
stjórnum og nefndum, sem hann
hefur sinnt fyrir okkar hönd.
Svo rækilega hafa ýmsir í okkar
röðum gert sér grein fyrir þeim
sjónarsvipti sem yrði að Helga
Seljan að þegar höfum bæði við í
framkvæmdastjórn og aðrir gert
ráðstafanir til að halda honum
áfram í verkefnum tengdum banda-
laginu. Við þessi tímamót vill for-
maður þó nota tækifærið og þakka
Helga ómetanlega þjónustu í okkar
þágu - þjónustu sem í raun hefur
varað í áratugi, eða allt frá því hann
á ungum aldri var kjörinn til setu á
Alþingi og hóf þar að berjast fyrir
hagsmunamálum okkar.
Það verður seint metið til fulls
hve mikið ián það var fyrir Ör-
yrkjabandalagið að fá til liðs slíkan
hugsjónamann sem Helga Seljan,
með alla þá mannkosti sem hann
hefur til að bera, mann sem með
nærveru sinni einni hefur svo
jákvæð og notaleg áhrif á umhverfi
sitt að einu gildir hvort um er að
ræða harðdrægustu andstæðinga,
áhyggjum hlaðna samstarfsmenn
eða umbjóðendur á barmi upp-
gjafar og vonleysis. Þegar upp er
staðið eru það ekki síst þessi hlýja
og ljúfmennska sem skipt hefur
okkur svo miklu máli og á lengst
eftir að sitja í hugskoti okkar sem
höfum verið svo lánsöm að starfa
með Helga. Takist okkur að láta
fordæmi hans verða okkur til eftir-
breytni, þá óttast ég ekki um fram-
tíð Öryrkjabandalagsins.
Garðar Sverrisson.
FRÉTTABRÉF ÖRYRKJABANDALAGSINS
11