Íslenskt mál og almenn málfræði - 2014, Side 140

Guðmundur Sæmundsson. 2014. Það er næsta víst … Hvað ein-
kennir einkum umfjöllun um íþróttir í íslenskum bókmenntum og
fjölmiðlum? Doktorsritgerð. Menntavísindasviði Háskóla
Íslands, Reykjavík. 202 bls.
Föstudaginn 28. mars 2014 varði Guðmundur Sæmundsson dokt-
orsrannsókn sína við Íþrótta-, tómstunda og þroskaþjálfadeild
Menntavísindasviðs Háskóla Íslands. Aðalleiðbeinandi var Sigurður
Konráðsson, prófessor við Kennaradeild Menntavísindasviðs.
Aðrir í doktorsnefnd voru Ingólfur Ásgeir Jóhannesson, prófessor
við Kennaradeild og Sigurbjörn Árni Arngrímsson, prófessor við
Íþrótta-, tómstunda- og þroskaþjálfadeild. Andmælendur voru Ás -
grímur Angantýsson, lektor við Háskólann á Akureyri, og Ingólfur
V. Gíslason, dósent við Félags- og mannvísindadeild Háskóla Íslands.
Eins og ráða má af þessum upplýsingum var hér um þverfag-
legt rannsóknarefni að ræða. Andmæli og umræður við vörnina
snerust því ekki eingöngu um málfræðileg atriði. Þess vegna er hér
ekki gerð grein fyrir vörninni í heild, eins og venja hefur verið
þegar um er að ræða doktorsritgerðir í málfræði. Í staðinn er hér
birt meginefni andmæla Ásgríms í formi ritdóms, enda fjallaði Ás -
grímur einkum um málfræðilega þáttinn í rannsókn Guð mund ar.
Síðan fylgja viðbrögð Guðmundar við ritdómnum, en í þeim felst
ekki síður almenn kynning á rannsóknarefninu og markmiðum
rannsóknarinnar.
*  *  *