Íslenskt mál og almenn málfræði - 2014, Qupperneq 177

Frá Íslenska málfræðifélaginu
Skýrsla um starfsemi félagsins
frá 6. febrúar 2013 til 17. febrúar 2014
Aðalfundur Íslenska málfræðifélagsins var haldinn 6. febrúar 2013.
Formaður, gjaldkeri og ritari gáfu ekki kost á sér til endurkjörs. Lögð var
fram tillaga um nýja stjórn og í önnur embætti á vegum félagsins. Sam -
þykkt samhljóða. Kosin voru: Ari Páll Kristinsson formaður, Sigríður
Sæunn Sigurðardóttir gjaldkeri, Anna Sigríður Þráinsdóttir ritari, Bryn -
hildur Stefánsdóttir meðstjórnandi, Höskuldur Þráinsson og Har aldur
Bernharðsson ritstjórar. Varamenn: Ásgrímur Angantýsson og Rannveig
Sverrisdóttir. Skoðunarmenn reikninga: Eiríkur Rögnvaldsson og Theo -
dóra Torfadóttir. Fulltrúi félagsins á aðalfundi Málræktarsjóðs: Ingibjörg
Frímannsdóttir.
Á starfsárinu hefur stjórnin fundað reglulega einu sinni í mánuði
nema yfir hásumarið. Vara menn hafa verið boðaðir á alla stjórnarfundi
eins og tíðkast hefur og þeir hafa að jafnaði tekið fullan þátt í störfum
stjórnar og í skipulagningu og undirbúningi atburða á vegum félags ins.
Starfsemi félagsins á árinu hefur verið með hefðbundnum hætti eins og
fram kemur hér á eftir.
Málvísindakaffi
Málvísindakaffi var haldið reglulega yfir vetrartímann í samvinnu við
Málvísindastofnun Háskóla Íslands. Það var yfirleitt í stofu 301 í Nýja-
Garði í hádeginu á föstudögum en einu sinni í stofu 102 í Lögbergi.
Framan af hófst málvísindakaffið kl. 11.30, venju samkvæmt, en á miðju
haustmisseri var tekin ákvörðun um að færa það til kl. 11.45 og að það
standi til kl. 12.45. Þetta var m.a. ákveðið með tilliti til þeirra sem þurfa
að kenna eða sitja í kennslustund til kl. 11.40. Málvísindakaffið var jafn-
an auglýst á tölvupóstlista félagsins, á Facebook-síðu þess (sjá hér á eftir)
og á heimasíðunni. Málvísindakaffi var haldið samtals 21 sinni á tíma-
bilinu og hafa umræðuefni verið fjölbreytt eins og sjá má á eftirfarandi
yfirliti.