Íslenskt mál og almenn málfræði - 2015, Side 60

(2010) sem sýndi fram á að þótt ástandssögnum í framvinduhorfi hefði
fjölgað á tuttugustu öldinni hefði notkun framvinduhorfsins sem slíks í
raun ekki breyst mikið því þær ástandssagnir sem kæmu fyrir í framvind-
uhorfi væru fyrst og fremst þær sem gætu vísað til takmarkaðs tíma.
Gunnar Gunnarsson (2010) gerði netkönnun á notkun ástandssagna
með orðasambandinu vera að + nh í íslensku og samsvarandi formgerðar
í ensku til samanburðar. Ekki var um stórt eða vísindalega valið úrtak að
ræða og því ekki hægt að reikna út tölfræðilega marktækni en niður -
stöðurnar ættu þó að gefa vissar vísbendingar. Niðurstöður hans staðfestu
að notkun ástandssagna í framvinduhorfi í ensku er alls ekki hömlulaus.
Þar kom meðal annars í ljós að þótt setningarnar í (97) þættu almennt
fremur tækar þóttu setningarnar í (98) það alls ekki þar sem um og yfir
80% höfnuð þessum setningum (Gunnar Gunnarsson 2010:31):
(97)a. Halli is just being silly.
b. He’s living with his mom and dad until then.
c. She’s standing over there, next to Jón.
d. I’m feeling good.
(98)a. Chris is not knowing any chemistry.
b. Still she’s knowing Icelandic incredibly well.
c. He is knowing a lot about music.
d. Jón is knowing more people than we think.
Þessar rannsóknir sýna allar sömu niðurstöðu: Þótt ástandssagnir séu nú
notaðar meira í framvinduhorfi í ensku en áður var eru greinilega tak-
markanir á því hvaða sagnir koma þar fyrir og ekki síður virðist sam-
hengið skipta máli. En breytir þetta einhverju um hin meintu áhrif ensku
á íslensku?
4.3 Um meint áhrif ensku á íslensku
Í kafla 4.1 sáum við að stellingarsagnir, staðarsagnir, veðursagnir og be +
lo. standa auðveldlega í orðasambandinu be + lh.nt. í ensku en yfirleitt
ekki með vera að + nh. í íslensku. Í könnun Gunnars Gunnarssonar
(2010) kom í ljós að staðarsagnir, stellingarsagnir og vera + lo. þóttu
almennt fremur ótækar meðal Íslendinganna, en veðursagnirnar komu
óvenjuvel út þar sem aðeins rúmlega 40% þóttu slíkar setningar ótækar.
Hér er því enn mjög greinilegur munur á milli málanna, ef veðursagnirnar
eru undanteknar. Stellingarsagnir, staðarsagnir, veðursagnir og be + lo.
Kristín M. Jóhannsdóttir60