Íslenskt mál og almenn málfræði - 2015, Blaðsíða 211

Frá Íslenska málfræðifélaginu
Skýrsla um starfsemi félagsins
frá 17. febrúar 2014 til 9. febrúar 2015
Aðalfundur félagsins var haldinn 17. febrúar 2014. Gjaldkeri, meðstjórn-
andi og annar varamanna gáfu ekki kost á sér til endurkjörs. Lögð var
fram tillaga um nýja stjórn og í önnur embætti á vegum félagsins. Sam -
þykkt samhljóða. Kosin voru: Ari Páll Kristinsson formaður, Iris Edda
Nowenstein gjaldkeri, Anna Sigríður Þráinsdóttir ritari, Ásgrímur
Angan týsson meðstjórnandi, Höskuldur Þráinsson og Haraldur Bern -
harðsson ritstjórar. Varamenn: Kristín Lena Þorvaldsdóttir og Sigríður
Sæunn Sigurðardóttir. Skoðunarmenn reikninga: Eiríkur Rögnvaldsson
og Theodóra Torfadóttir. Fulltrúi félagsins á aðalfundi Málræktarsjóðs:
Ingibjörg Frímannsdóttir.
Á starfsárinu hefur stjórnin fundað að jafnaði einu sinni í mánuði
nema yfir hásumarið. Varamenn hafa verið boðaðir á alla stjórnarfundi
eins og tíðkast hefur og þeir hafa jafnan tekið fullan þátt í störfum stjórn-
ar og í skipulagningu og undirbúningi atburða á vegum félagsins. Starf -
semi félagsins á árinu hefur verið með hefðbundnum hætti eins og fram
kemur hér á eftir.
Málvísindakaffi
Málvísindakaffi var í Nýja-Garði í hádeginu á föstudögum (kl. 11.45–
12.45), yfirleitt í stofu 301 en einu sinni í stofu 201. Það er haldið yfir vetr-
artímann í samvinnu félagsins og Málvísindastofnunar Háskóla Íslands.
Málvísindakaffið 2. maí var í samstarfi við ensku í Háskóla Íslands. Mál -
vísindakaffið var jafnan auglýst á tölvupóstlista félagsins, á Facebook-síðu
þess og á vefsíðu félagsins. Málvísindakaffi var haldið samtals 16 sinnum
á tímabilinu og hafa umræðuefni verið fjölbreytt eins og sjá má á eftirfar-
andi yfirliti.