Bændablaðið - 04.06.2020, Qupperneq 12
Bændablaðið | Fimmtudagur 4. júní 202012
Ekkert tilboð barst í stækkun
dreifikerfis og lagningu heimæða
á Höfn og í dreifbýli á vegum
Hitaveitu RARIK í Hornafirði en
frestur til að skila inn tilboðum
rann út nýlega. Því er ljóst að tafir
verða á fyrirhugaðri stækkun
innanbæjarkerfis hitaveitunnar
á Höfn og er nú unnið að því að
endurskipuleggja verkþætti og
fyrri tímaáætlanir verksins.
Framkvæmdir við lagningu 20
km stofnlagnar hitaveitunnar frá
Hoffelli til Hafnar í Hornafirði ásamt
byggingu dælustöðva og stjórnhúss
er hins vegar í fullum gangi og er
áætlað að hitaveitan taki til starfa
síðar á þessu ári, að því gefnu að
öll tilskilin leyfi fáist. Fyrst um sinn
munu um 2/3 hlutar húsa á Höfn sem
nú tengjast fjarvarmaveitu RARIK
á Höfn tengjast hitaveitunni. Einnig
er áætlað að íbúar í dreifbýli tengist
á þessu ári. Gert var ráð fyrir að
tenging nýrra notenda við hita-
veituna á Höfn hæfist á þessu ári
en nú er ljóst að það mun tefjast
eitthvað. /MÞÞ
FRÉTTIR
Skagafjörður:
Viljayfirlýsing um uppbyggingu
koltrefjaverksmiðju
Skrifað hefur verið undir vilja
yfir lýsingu um uppbyggingu
koltrefjaverksmiðju í Skagafirði.
Samræmist viljayfirlýsingin
stefnu stjórnvalda um efl
ingu nýfjár festingar í íslensku
atvinnu lífi og samkeppnishæfni
Íslands á sviði nýfjárfestingar,
sérstaklega á dreif býlum svæð
um líkt og á Norðurlandi vestra.
Þórdís Kolbrún Reykfjörð
Gylfadóttir iðnaðar- og nýsköp-
unar ráðherra og Sigfús Ingi
Sigfússon, sveitarstjóri Sveitar-
félagsins Skagafjarðar, skrifuðu
undir yfirlýsinguna.
Tryggja þarf raforkuöryggi
Í henni kemur fram að stjórnvöld
munu vinna með Sveitarfélaginu
Skagafirði að innviðauppbyggingu
á svæðinu með það að markmiði
að fá mannaflsfreka og umhverfis-
væna fjárfestingu inn á svæðið.
Liður í þeirri uppbyggingu er
m.a. að tryggja raforkuöryggi á
svæðinu með Sauðárkrókslínu 2 en
framkvæmdir við lagningu hennar
hófust í vor.
Sveitarfélagið Skagafjörður í
samvinnu við menntastofnanir og
hagsmunaaðila á svæðinu hafa verið
leiðandi á Íslandi í rannsóknum
og undirbúningi að uppbyggingu
koltrefjaframleiðslu á Íslandi.
Er það stefna Sveitarfélagsins
Skagafjaðar að vera í fararbroddi
á Íslandi á sviði trefjaframleiðslu
og tengdrar starfsemi, segir í frétt
á vef sveitarfélagsins. /MÞÞ
Frá undirritun viljayfirlýsingar um uppbyggingu koltrefjaverksmiðju í Skagafirði. F.v: Gísli Sigurðsson, Þórdís
Kolbrún Reykfjörð Gylfadóttir, Stefán Vagn Stefánsson og Sigfús Ingi Sigfússon.
Stjórn Samtaka sveitarfélaga á Norðurlandi vestra:
Miklar áhyggjur af fjárhagsvanda
sveitarfélaga eftir heimsfaraldurinn
Stjórn Samtaka sveitarfélaga á
Norðurlandi vestra lýsir yfir mikl
um áhyggjum af áhrifum COVID
19 faraldursins á fjár hagsstöðu
sveitarfélaganna á starfssvæði
samtakanna og þeim áhrifum á
framlög úr Jöfnunar sjóði sveitar
félaga sem ástandið mun hafa
vegna versn andi stöðu ríkissjóðs.
Þetta kemur fram í bókun sem
stjórn SSNV hefur sent Sigurði
Inga Jóhanns syni samgöngu og
sveitar stjórnar ráðherra.
Ef litið er til nýlegrar grein-
ingar Byggðastofnunar á áhrif-
um faraldursins á sveitarfélög í
landinu er ljóst að þau verða mikil.
Lausafjárstaða og sjóðsstreymi
sveitarfélaga mun breytast til
hins verra. Tekjur munu dragast
saman vegna breytts atvinnustigs
með hruni ferðaþjónustunnar og
afleiddra greina og þannig hafa
áhrif á útsvarsstofn sveitarfélaga
til lækkunar. Hafnargjöld munu
víða dragast saman og gera má ráð
fyrir auknum kostnaði við félags-
aðstoð. Til viðbótar við framan-
greint eru mörg sveitarfélög að
bregðast við ástandinu með ýmiss
konar átaksverkefnum og flýta
framkvæmdum með tilheyrandi
auknum kostnaði. Allt þetta mun
óhjákvæmilega leiða til aukinnar
skuldsetningar sveitarfélaganna
segir í bókun stjórnar SSNV.
Tekjur Jöfnunarsjóðs gætu
dregist verulega saman
Í áðurnefndri greiningu Byggða-
stofnunar kemur jafnframt fram
að verði 10% samdráttur í skatt-
tekjum ríkisjóðs gætu tekjur
Jöfnunarsjóðs dregist saman um
4–5 milljarða sem hefur veru-
leg áhrif á rekstur sveitarfélaga
í landinu. Sú skerðing til við-
bótar við tekjuskerðingu vegna
þeirra þátta sem nefndir voru hér
að framan verður verulegt högg
fyrir sveitarfélögin í landinu og
til langs tíma leiða til þess að
einhver sveitarfélög munu eiga í
erfiðleikum með að halda úti lög-
bundinni þjónustu.
Mismikil áhrif á sveitarfélögin
Það er ljóst að áhrif ástandsins
á sveitarfélögin munu verða
mismikil. Án efa munu
fjárhagserfiðleikar einhverra
sveitarfélaga kalla á sértækar
aðgerðir af hálfu ríkisins. Stjórn
SSNV vill hins vegar benda á
mikilvægi þess að gripið verði
til almennra aðgerða vegna
ástandsins sem klárlega hefur
áhrif á öll sveitarfélögin í
landinu. Að mati stjórnar SSNV
er vænlegasta almenna aðgerðin
að tryggja að ekki verði skerðing
á framlögum úr Jöfnunarsjóði
til sveitarfélaganna með því
að veita viðbótarfjármagni til
sjóðsins. Þannig verði tryggt að
fyrirsjáanlegar sveiflur í tekjum
sjóðsins vegna efnahagsástandsins
muni ekki hafa áhrif á framlög til
sveitarfélaganna.
Sveitarfélög leika lykilhlutverk
í endurreisnarstarfi
Skorað er á ráðherra samgöngu-
og sveitarstjórnaráðherra og
ríkisstjórnina alla að grípa til
þessarar almennu aðgerðar til að
styðja sveitarfélög í landinu öllu í
að rækja sitt mikilvæga hlutverk í
að komast yfir þær erfiðu aðstæður
sem nú eru uppi.
Samkvæmt skýrslu OECD um
svæðabundin áhrif COVID-19 far-
aldursins munu sveitarstjórnir leika
lykilhlutverk í því endur reisnar starfi
sem mun þurfa að eiga sér stað á
næstu misserum. Það er því gríðar-
lega mikilvægt að sveitarfélögin
hafi til þess fjárhagslega burði og
þar eru framlög Jöfnunarsjóðs mik-
ilvægur þáttur. Þau framlög mega
ekki skerðast eigi sveitarfélögin
að geta rækt hlutverk sitt í endur-
reisninni og haldið úti nauðsynlegri
þjónustu fyrir íbúa. /MÞÞ
Hofsós. Sveitarstjórnir munu leika lykilhlutverk í því endurreisnarstarfi sem
mun þurfa að eiga sér stað á næstu misserum í kjölfar COVID-19 faraldursins.
Stækkun hitaveitukerfis í Hornafirði:
Engin tilboð og verkið tefst
Kyndistöð RARIK á Höfn.
Guðlaugur Þór Þórðarson og Eyjólfur Guðmundsson. Mynd / HA
Háskólinn á Akureyri:
Samstarf um eflingu
norðurslóðastarfs
Háskólinn á Akureyri og utan
ríkisráðuneytið hafa skrifað
undir samning um samstarf
um eflingu norðurslóðastarfs.
Samningurinn felur háskólanum
meðal annars að vinna að því að
styrkja þekkingargrunn íslensks
háskólasamfélags um málefni
norðurslóða og efla ungmenni á
norðurslóðum.
Ísland fer með formennsku í
Norðurskautsráðinu um þessar
mundir. Samningurinn felur háskól-
anum meðal annars að vinna að því
að styrkja þekkingargrunn íslensks
háskólasamfélags um málefni norð-
urslóða og efla ungmenni á norður-
slóðum. Markmið samningsins er
enn fremur að styðja við leiðtoga-
hlutverk Íslands hvað varðar vinnu
sérfræðihóps Norðurskautsráðsins
um heilsufar á norðurslóðum og
ekki síst að auka skilning á störf-
um ráðsins almennt. Ísland fer með
formennsku í Norðurskautsráðinu
um þessar mundir og gildir
samningurinn á formennskutím-
anum. Meðfylgjandi mynd er af
Guðlaugi Þór Þórðarsyni og Eyjólfi
Guðmundssyni, rektor Háskólans
á Akureyri, við undirritunina.
/MHH
Rangárþing ytra og Ásahreppur:
Lán vegna vatnsveitumála
Stjórn vatnsveitu Rangárþings
ytra og Ásahrepps hafa óskað
eftir því við aðildarsveitarfélög
vatnsveitunnar að þau ábyrgist
lántöku Vatnsveitu Rangárþings
ytra og Ásahrepps.
Um er að ræða 110 milljónir
króna sem teknar yrðu að láni
hjá Lánasjóði sveitarfélaga,
í samræmi við samþykkta
fjárhagsáætlun byggðasamlagsins
fyrir árið 2020. Lýtur þetta að
fjármögnun á framkvæmdum við
stækkun Lækjarbotnaveitu, sem er
hluti af endurnýjun veitukerfisins.
/MHH