Íþróttablaðið - 01.07.1979, Side 45

anna en ég tel að Grafarholtið
hafi þó verið skást.
Mér finnst Grafarholtsvöllur-
inn vera skemmtilegasti völlur-
inn hér enda er hann eini 18 holu
völlurinn. Ég hef náð mínum
besta árangri þar er ég lék á 71
höggi en völlurinn var þá par 70.
Einnig finnst mér Leiran við
Keflavík vera skemmtileg.“
— Hvað æfir þú yfirleitt mik-
ið?
,,Það er nú misjafnt. Lítið sem
ekkert á veturna, en þá stunda ég
aðrar íþróttir til að halda mér í
formi. En á sumrin æfi ég um
4—5 klukkustundir á dag, þó er
það mismunandi eftir veðri. Ég er
oft lengur ef veður er gott en
styttra ef veðrið er leiðinlegt.“
— Eru æfingarnar fólgnar í
því að spila og spila?
„Nei, það má frekar segja að
þær séu fólgnar í því að slá, slá og
slá. Ég er kannski með um 50
kúlur og síðan tek ég eitt járnið
og slæ og slæ, þangað til ég er
nokkurn veginn ánægður með
höggin. Þá tek ég næsta járn og
slæ og svona gengur þetta koll af
kolli. Einnig tek ég tré-kylfurnar
fyrir svo og „pútterinn“ en
„púttin“ þarf að æfa geysilega
mikið.“
— Og hvað ertu svo með í
forgjöf?
„Ég er með 3 í forgjöf eins og
er.“
Veðrið háir okkur mjög
— Hvað getur þú sagt okkur
um þig og landsliðið?
„Það er nú ekki margt, og þó.
Ég var fyrst valinn í karlalands-
liðið í fyrra en þá hafði ég spilað
með unglingalandsliði áður. í
stuttu máli sagt hefur mér gengið
ágætlega með landsliðinu. Ég
held að besta ferðin mín hafi
verið með unglingalandsliðinu til
Noregs fyrir tveimur árum á
Evrópumeistaramót unglinga.
En ég vil taka það fram að nú
stefni ég aðallega á íslandsmótið
sem haldið verður á Akureyri í
ágúst. Þar ætla ég að verja titilinn
allavega að reyna það. hvernig
sem það nú gengur. Nú er ég að
æfa undir Evrópumót karla, sem
verður háð í Danmörku. Við
stefnum að því að komast upp í
B-riðil á mótinu síðast lékum við
í C-riðli.“
— Hvað með minnisstæðar
ferðir út með landsliðinu?
„Þær eru nú ekki mjög margar
en ég vil sérstaklega minnast á
FIAT-keppnina sem haldin var á
Ítalíu síðasta sumar. Það var
mjög skemmtileg ferð. Við vor-
um 4 sem boðið var út héðan og
allt í sambandi við ferðina var
frítt. Við fengum nteira að segja
ríflega vasapeninga og maturinn
var frábær; fjórréttaður í hvert
mál og við bjuggum á mjög fínu
hóteli. Það var ekkert til sparað í
sambandi við þetta mót.“
— En hvernig standa íslenskir
kylfingar miðað við aðrar þjóðir?
„Við erum heldur aftarlega á
merinni og það er helst hinni ís-
lensku veðráttu að kenna. Helsti
munurinn er að hér geta menn
einungis æft í u.þ.b. 3 mánuði en
úti geta menn haldið sér í þjálfun
allt árið um kring og spila því
miklu jafnar. Hér er þetta mikið
upp og niður. Ég er sannfærður
um það að ef okkar bestu menn
færu út og æfðu eins og golfarar
þar þá myndu þeir síst vera verri,
ef ekki betri margir þeirra.“
Tvisvar holu í höggi
— Hefur þér tekist að slá
draumahögg allra golfara: holu í
höggi?
„Já, það hefur gerst tvisvar
sinnum. Fyrst gerðist það á ungl-
ingameistaramótinu 1976 á Nes-
vellinum en í hitt skiptið var það í
Grafarholti. Það var á móti sem
var haldið hér með þátttöku
nokkurra skoskra atvinnumanna
og það var mjög skemmtilegt að
það skuli einmitt hafa gerst þá.“
— Hverjir eru fremstir í golf-
inu að þínu mati?
„Hérna á íslandi eru ekki færri
en 15 golfleikarar sem eru á
svipuðu reki. Vegna þessa er
mjög erfitt að velja landsliðshóp-
45