Íþróttablaðið - 01.07.1979, Side 61

Nýja keppnisfyrirkomu-
lagið eykur spennuna
Baráttan um heimsmeist-
aratitilinn í kappakstri 1979
stendur nú sem hæst, og þótt
keppnin sé ekki nema um
það bil háifnuð eru línurnar
teknar að skýrast nokkuð.
Bendir margt til þess að
baráttan um titilinn verði
óvenjulega hörð og tvísýn í
ár, og þykja Frakkarnir
Jacques Lafittex og Patrick
Depailler, ásamt Kanada-
manninum Gilles
Villeneuve, líklegastir til
þess að bítast um titilinn.
Allir hafa þessir kappar ekið
framúrskarandi vel það sem
af er og auk þess haft
heppnina með sér, en sagt er
að hún leiki stærra hlutverk
í kappakstrinum en nokk-
urri annarri íþróttagrein.
Heimsmeistararnir fjórir
sem taka þátt í keppninni í
ár: Niki Lauda, Mario
Andretti, James Hunt og
Emerson Fittipaldi, hafa
hins vegar átt misjöfnu
gengi að fagna og kemur
slök frammistaða Andrettis
einkum á óvart, sérstaklega
þegar tekið er tillit til þess
að talið er að hann aki besta
kappakstursbílnum sem nú
er í keppninni, Lotus 79.
í blaðaviðtölum hefur Andretti
lýst því yfir að hann kunni enga
skýringu á því hvernig stendur á
því að honum vegnar ekki betur
en raun ber vitni, segist einfald-
lega ekki „finna formið“. Margir
telja að hið sviplega slys er varð á
kappakstursbrautinni í Monza á
Ítalíu í fyrra er félagi Andrettis,
Svíinn Ronnie Petterson beið
bana, hafi markað sín spor hjá
Andretti, og að hann sé einfald-
lega ragari en áður og taki ekki
eins mikla áhættu.
Þeir sem keppa um heims-
meistaratitilinn í ár í hinni svo-
kölluðu Grand-Prix keppni, þ.e.
á stærstu kappakstursbílunum
eru 26. Mótin eru alls 16 og fór
hið fyrsta þeirra fram í Argentínu
21. janúar s.l., en síðasta keppnin
verður í Kanada 7. október. Aðrir
keppnisstaðir eru Brasilía,
Suður-Afríka, Spánn, Belgía,
Monaco, Svíþjóð, Frakkland,
England, Vestur-Þýzkaland,
Austurríki, Holland, Ítalía og tvö
mót verða í Bandaríkjunum.
61