Morgunblaðið - 25.06.2020, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 25. JÚNÍ 2020
Vert er að vekja athygli á skemmti-
legu sumarnámskeiði Konfúsíusar-
stofnunar og Heilsudrekans fyrir
börn og unglinga þar sem blandað er
saman kennslu í bardagaíþróttinni
kungfú og kínversku. Námskeiðin eru
haldin á virkum dögum eftir hádegi
til og með 23. júlí og hægt að bóka
viku í senn. Nánar á Facebook/
Heilsudrekinn.
Læra kungfú
og kínversku
Gaman Kungfú er skemmtilegt.
Skemmtileg sumarnámskeið
Þegar kemur að veikindum,jafnvel langvinnum veik-indum, eigum við til aðlíta á þau á afmarkaðan
hátt, sem sértæka bilun sem þarfn-
ast viðgerðar. Vissulega á það
stundum við, sérstaklega þegar um
bráð veikindi eða slys er að ræða.
En oftast eru málin ekki alveg svo
einföld. Við sem lífverur erum ekki
einföld.
Heilbrigðisvísindin hafa á undan-
förnum árum leitt æ betur í ljós
hvernig mismunandi kerfi líkamans
vinna saman að heildinni. Þannig
getur lítil truflun á einu kerfi haft
áhrif á virkni annarra kerfa líkam-
ans. Sem dæmi má nefna áhrif and-
legs álags á ónæmiskerfið (ástæða
þess að við verðum oft veik í kjöl-
far erfiðs tímabils í vinnu), streita
breytir hormónakerfinu og blóð-
sykrinum, álag á lungu hefur áhrif
á almenna bólgumyndun í öðrum
líffærakerfum, svo sem hjarta og
liðum. Jafnvel einfalt beinbrot get-
ur haft víðtækari áhrif á heilsu en
bara gagnvart beininu sem brotn-
aði.
Um flækjur og fjölveikindi
Samfara bættum lífslíkum og
betri heilbrigðisþjónustu hefur al-
gengi langvinnra sjúkdóma aukist.
Með bættri meðferð lifir fólk leng-
ur með sjúkdóma, jafnvel stóran
hluta ævinnar. Á sama tíma hafa
fjölveikindi aukist, það er fólk með
tvo eða fleiri langvinna sjúkdóma. Í
raun er það orðið svo að flestir sem
leita til heimilislækna glíma við
fjölveikindi.
Helstu undirliggjandi þættir sem
auka líkur á fjölveikindum eru
hækkandi aldur, erfið félagsleg
staða, áföll og langvinn streita. Al-
gengustu sjúkdómar innan fjölveik-
inda eru svo skiljanlega þeir sömu
og eru algengastir í samfélaginu al-
mennt, svo sem stoðkerfissjúkdóm-
ar, hjarta- og æðasjúkdómar, efna-
skiptasjúkdómar og andleg
vandamál.
Þeir sem glíma við fjölveikindi
leita meira á öll svið heilbrigðis-
kerfisins. Þeir fara oftar til heim-
ilislækna sem og annarra sér-
fræðilækna, leita oftar á bráða-
móttökur, eru líklegri til að vera
lagðir inn á spítala og til að liggja
þar lengur.
Meðferð við fjölveikindum er
töluvert flókin. Þær klínísku leið-
beiningar sem læknar vinna eftir
gera sjaldnast ráð fyrir að um
marga sjúkdóma sé að ræða hjá
sama einstaklingi, vísindin byggja
mest á rannsóknum á stökum sjúk-
dómum og meðferðir með lyfjum
gera ekki ráð fyrir að sami ein-
staklingur taki mörg ólík lyf. Þá
aukast mögulegar milliverkanir og
aukaverkanir lyfja. Þannig getur
meðferð sem samkvæmt vana-
legum mælingum ætti að vera betri
haft verri afleiðingar fyrir ein-
stakling með fjölveikindi.
Heildræn nálgun
heilsugæslunnar
Þegar um flókin fjölveikindi er
að ræða verður nálgun meðferðar
gjarnan brotakennd. Heilbrigðis-
kerfið okkar er byggt upp á þann
hátt að sérfræðingar sinna mis-
munandi afmörkuðum hlutum lík-
amans án þess alltaf að taka mið af
heildarmyndinni. Skjólstæðingar
sækja á marga mismunandi staði
til að fá þjónustu og erfitt getur
reynst að ná utan um meðferð og
leiðbeiningar.
Við meðferð fjölveikinda er hlut-
verk heimilislækna og heilsugæsl-
unnar mikið. Hlutverk heilsugæsl-
unnar er ekki bara að vera fyrsti
viðkomustaðurinn í heilbrigðiskerf-
inu heldur einmitt að þekkja skjól-
stæðinginn og ná utan um heildar-
mynd vandamálanna. Hugmynda-
fræði heimilislækninga byggir á
meðferð frá vöggu til grafar, hún
byggir á heildrænni nálgun þar
sem tekið er mið af öllum áhrifa-
þáttum heilsu, bæði í innra og ytra
umhverfi. Í þeim flókna heimi sem
við lifum í verður hlutverk heim-
ilislækna og heilsugæslunnar sífellt
mikilvægara.
Um samspil líkama og sálar
Morgunblaðið/Eggert
Heilsa Hollt er að stunda lífsorkuæfingar að hætti Qigong, en hópur fólks kemur reglulega saman á Klambratúni.
Heilsuráð
Margrét Ólafía Tómasdóttir
heimilislæknir Heilsugæslunni
Efstaleiti og lektor við
læknadeild HÍ.
Unnið í samstarfi við Heilsugæslu
höfuðborgarsvæðisins.
„Viltu koma í þykjó?“ er yfirskrift
skapandi grímusmiðju fyrir börn sem
eru 4 ára og eldri og fjölskyldur
þeirra, sem verður í Grófinni í Borgar-
bókasafni við Tryggvagötu í Reykja-
vík laugardaginn 27. júní. Í smiðjunni
fá börn tækifæri til að skapa sína eig-
in furðufugla með aðstoð hönnuða
ÞYKJÓ.
„ÞYKJÓ eru búningar, grímur og
fylgihlutir sem örva ímyndunarafl og
sköpunarkraft barna í gegnum opinn
leik. ÞYKJÓ er hugarfóstur leik-
mynda-, búninga- og leikbrúðuhönn-
uðarins Sigríðar Sunnu Reynisdóttur
í samstarfi við fata- og textílhönnuð-
inn Tönju Huld Levý Guðmundsdóttur
og Ninnu Þórarinsdóttur, leikfanga-
hönnuð og myndskreyti. Á tilrauna-
stofu ÞYKJÓ á Hönnunarmars kynna
þær til leiks búningana Ástarfuglinn
og Feludýrið með innsetningu, vinnu-
smiðjum og ýmsum viðburðum.
Sniðagerðin stuðlar að því að búning-
arnir geti vaxið með barninu, þannig
er lagt upp með eigulega og vandaða
hönnunarvöru,“ segir í tilkynningu.
Tvær tímasetningar eru í boði á
grímusmiðjuna, kl. 13-14 og kl. 14.30-
15.30. Smiðjan er ókeypis en nauð-
synlegt að skrá sig á vef Borgar-
bókasafnsins: borgarbokasafn.is eða
á Facebook: ÞYKJÓ grímusmiðja á
HönnunarMars.
Grímur Þykjó er hugarfóstur Sigríðar Sunnu, Tönju Huldar og Ninnu.
Þykjó grímusmiðja fyrir börn
Vinnusmiðjan Furðufuglar er næsta laugardag
Mörg söfn og sýningarstaðir í miðbæ
Reykjavíkur ætla að bjóða upp á
lengdan afgreiðslutíma síðasta
fimmtudagskvöld í sumar, í júní, júlí
og ágúst. Fyrsti langi fimmtudagur er
í dag, 25. júní, þá verður opið til 22 á
mörgum sýningarstöðum. Nú er lag
að spássera og skoða fjölbreyttar
listasýningar, kíkja við á vinnustofum
listamanna, heimsækja listamanna-
rekin rými, gallerí og söfn. Enginn að-
gangseyrir er slík kvöld og boðið upp
á ýmsar óvæntar uppákomur, í kvöld
verður t.d. pop-up vínbar, lista-
mannaspjall og kvöldganga um
Skólavörðuholtið. Dagskrá á
Facebook/Fimmtudagurinn langi.
Erling Klingenberg Yfirlitssýning
bæði í Nýló og Kling & Bang.
Fimmtudagur-
inn langi
Söfn lengja afgreiðslutíma
Ný glæsileg, fullbúin og ónotuð 2ja herbergja
útsýnisíbúð á 5. hæð í nýju vönduðu lyftuhúsi
í miðborginni. Vandaðar innréttingar frá Parka.
Kährs-viðarparket (plankaparket) frá Birgisson.
Blöndunartæki frá Tengi. Sérútbúið baðherbergi og
baðkar með sturtuaðstöðu. Ísskápur, uppþvottavél,
þvottavél og þurrkari frá Siemens. Búið er að setja upp
loftljós og vandaðar rúllugardínur frá Álnabæ.
Sérgeymsla í sameign.
Til afhendingar við kaupsamning.
Kauptækifæri í
miðborginni
Íbúð 510. 68,9 fm. Verð 46,9 millj.
Bríetartún 11
Unnar Kjartansson, löggiltur fasteignasali hjá Eignamiðlun, verður á staðnum
milli kl. 17 og 17.30 fimmtudaginn 25. júní. Sími hjá honum er 867-0968.
OPIÐ H
ÚS
fimmtu
daginn
25. júní
kl. 17 - 1
7:30