Morgunblaðið - 25.06.2020, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 25. JÚNÍ 2020
Höskuldur Daði Magnússon
hdm@mbl.is
„Húsið ætti að vera komið með nýtt
og betra yfirbragð næsta sumar,“
segir Þorsteinn Bergsson, fram-
kvæmdastjóri Minjaverndar.
Framkvæmdir eru nú hafnar við
endurgerð Hegningarhússins við
Skólavörðustíg. Allt að 342 millj-
ónum króna er varið í fyrsta áfanga
verksins sem snýr að ytra byrði
hússins og nánasta umhverfi þess.
Fjármagn til verksins kemur í
tengslum við sérstakt fjárfest-
ingarátak á vegum stjórnvalda til
að vinna gegn samdrætti í hagkerf-
inu.
Fjögur ár eru nú liðin síðan fang-
elsinu var lokað og hefur engin
starfsemi verið þar síðan. Talsverð
umræða hefur verið um þörf á
endurbótum á húsinu og um fram-
tíðarnýtingu þess. Þorsteinn segir í
samtali við Morgunblaðið að engin
ákvörðun liggi fyrir um hvaða hlut-
verk húsið fái. Hið eina sem allir
séu sammála um er að húsið verði
opið almenningi og það verði hluti
af lifandi götulífi við Skólavörðustíg.
Meðal endurbóta í sumar er að
gengið verður frá drenlögn í kring-
um húsið og frárennslislagnir og
heimtaugar verða endurnýjaðar. Þá
þarf að lagfæra og endurnýja allan
múr hússins, glugga og hurðir.
„Stærsti einstaki þátturinn er að
skipt verður um þak hússins. Þakið
hefur lekið um áratugaskeið og búið
hefur verið til áveitukerfi í risinu á
miðhúsinu til að veita lekanum rétta
leið. Ástandið á þakinu er því tölu-
vert bágborið. Nú verða settar skíf-
ur á öll þökin en fyrir alllöngu var
sett bárujárn á hliðarálmunum báð-
um. Útlitið verður því mjög nálægt
því sem það var upphaflega,“ segir
Þorsteinn.
Annað sem fært verður í upp-
runalegt horf er að pottjárns-
gluggum verður aftur komið fyrir í
fangaklefum. „Þar til viðbótar mun-
um við færa hleðsluna í kringum
fangelsisgarðinn nær fyrra horfi
sínu. Fyrst um sinn var bara timb-
urgirðing þarna en menn hoppuðu
yfir hana eða brutu sér leið, bæði
inn og út. Þá var farið í að hlaða
þennan vegg. Hann náði upphaflega
fram fyrir húsið en því var breytt
þegar Skólavörðustígur var breikk-
aður. Síðar var steypt ofan á hlaðna
vegginn af því menn hoppuðu bara
yfir hann. Þá var farið í alls kyns
járnavirki. Þessar seinni tíma
breytingar verða færðar nær upp-
hafinu aftur. Ef eitthvað er verður
opnað meira og ásýnd að húsinu
verður greiðari og meiri.“
Morgunblaðið/Arnþór Birkisson
Framkvæmdir Hegningarhúsið við Skólavörðustíg hefur verið girt af og hafin er vinna við endurbætur hússins.
Endurbætur loks hafn-
ar á Hegningarhúsinu
 Um 340 milljónir í fyrsta áfanga  Þakið lekið í áratugi
Lilja Hrund Ava Lúðvíksdóttir
Ragnhildur Þrastardóttir
Þrjú smit kórónuveiru greindust við
landamæraskimun á þriðjudag en
ekkert þeirra er virkt.
Um er að ræða þrjú gömul smit og
eru ferðamennirnir sem með þau
greindust því ekki smitandi.
Þetta kom fram á upplýsingafundi
almannavarna í gær.
Alls voru 1.413 sýni tekin í
landamæraskimun á þriðjudag og
hafa sýnin ekki verið fleiri frá því að
skimun hófst 15. júní síðastliðinn.
Þrettán hafa greinst með veiruna
frá því að landamæraskimun hófst.
Aðeins tveir eru með virkt smit af
þeim 10.000 ferðamönnum sem hafa
komið hingað til lands.
Mótefnavottorð í vinnslu
COVID-göngudeild Landspítalans
fylgist með sjö einstaklingum vegna
smita að sögn Þórólfs Guðnasonar
sóttvarnalæknis en enginn þeirra er
alvarlega veikur. Alls eru 249 í sóttkví
og níu í einangrun með virk smit.
Þórólfur sagðist mælast til þess að
landamæraskimun héldi áfram, þar
sem meiri tíma þyrfti til að meta
áhættuna. Hugsanlega yrði hægt að
breyta áherslum en það væri þó ekki
tímabært.
Í máli Þórólfs á fundinum kom
einnig fram að unnið væri að því að
útbúa mótefnavottorð fyrir fólk sem
hefði sýkst af kórónuveirunni og
sömuleiðis fyrir fólk sem hefði fengið
mótefnamælingu og mælst með mót-
efni.
Vinnsla á niðurstöðum úr mótefna-
mælingum hefur tafist en þeirra er
vænst á næstu vikum.
Enn er of snemmt að segja til um
hvort hægt verði að hætta að skima
fólk frá ákveðnum löndum, að sögn
Þórólfs.
Hann sagði tryggast fyrir lands-
menn að ferðast innanlands.
„Ég hef ekki breytt þeirri skoðun
minni að ég tel óráðlegt að vera að
ferðast erlendis og ég held að einu
löndin sem séu í raun og veru örugg
núna séu Grænland og Færeyjar og
tel áfram öruggasta ferðamátann
vera hér á Íslandi.“
Í máli Páls Þórhallssonar, verk-
efnastjóra í forsætisráðuneytinu, á
fundinum kom fram að
heilbrigðisráðuneytið ynni nú að
því að meta kostnaðinn af því að halda
úti fjölda heilbrigðisstarfsmanna
vegna skimunar fyrir kórónuveirunni
meðal ferðamanna.
Mega láta farþega í einkaflug-
vélum bera aukinn kostnað
Því fleiri sýni sem eru tekin, þeim
mun minni verður kostnaðurinn af
hverju sýni, að sögn Páls. Þá sagði
hann heimild vera fyrir því að láta þá
sem koma hingað til lands með einka-
flugi bera aukinn kostnað af skimun.
Á fundinum sagði Þórólfur að hann
myndi leggja það til við heilbrigðis-
ráðherra að slakað yrði 13. júlí á
fjöldatakmörkunum vegna kórón-
uveirunnar. Gert er ráð fyrir að 2.000
manns megi koma saman frá þeim
tíma. Það er í höndum heilbrigðisráð-
herra að útfæra reglurnar. 500
manns hafa mátt koma saman frá 15.
júní.
Aðeins tveir af 10.000 smitandi
 Flest smitanna sem greinst hafa við landamæraskimun eru gömul  Sóttvarnalæknir vill að skimun
haldi áfram en telur óráðlegt fyrir Íslendinga að ferðast til útlanda  Slakað á takmörkunum 13. júlí
Morgunblaðið/Eggert
Fundur Þórólfur sagði að til skoðunar væri að rýmka reglur um opnunar-
tíma skemmtistaða en óljóst er hversu mikið þær verða rýmkaðar.
Fjöldi greindra smita frá opnun landamæra
Landamæraskimun Sýkla- og veirufræðideild LSH Heimild: covid.is
15. júní 16. júní 17. júní 18. júní 19. júní 20. júní 21. júní 22. júní 23. júní
2
3
1
3 3
1
0
1
3
Vísindamenn Íslenskrar erfðagrein-
ingar (ÍE) og samstarfsfólk þeirra
innan íslenska heilbrigðiskerfisins,
Háskóla Íslands og Karolinska í Sví-
þjóð, hafa fundið erfðabreytileika í
FLT3-geninu sem eykur töluvert
áhættuna á því að fá sjálfsónæmis-
sjúkdóm í skjaldkirtil, en grein um
rannsóknina birtist í hinu virta vís-
indatímariti Nature í gær.
Erfðabreytileikinn tengist einnig
öðrum sjúkdómum og hefur óvænt
en þýðingarmikil áhrif á bæði gena-
tjáningu og magn prótína, að því er
ÍE greinir frá.
Fram kemur í tilkynningu frá Ís-
lenskri erfðagreiningu að sjálfs-
ónæmi í skjaldkirtli sé algengasti
sjálfsónæmissjúkdómurinn, en fimm
prósent fólks fá hann einhvern tím-
ann á lífsleiðinni. Sjúkdómurinn lýs-
ir sér oftast í vanvirkum skjaldkirtli
en stundum í ofvirkum skjaldkirtli,
og leiðir gjarnan til ævilangrar með-
ferðar með skjaldkirtilshormóni.
Í rannsókninni voru arfgerðar-
gögn frá ÍE og breska lífsýnabank-
anum skoðuð og rúmlega 30.000 ein-
staklingar með sjálfsónæmi í
skjaldkirtli bornir saman við 725
þúsund einstaklinga án slíkrar
greiningar, með víðtækri erfða-
mengisrannsókn. Fundust alls 99
erfðabreytileikar sem tengjast sjúk-
dómnum, þar af 84 sem ekki var vit-
að um áður.
Fundu erfða-
breytileika
 Rannsókn ÍE birt í Nature-tímaritinu
Morgunblaðið/Jim Smart
Rannsókn Greint var frá niður-
stöðum ÍE í Nature-tímaritinu.