Heilbrigðisskýrslur - 01.12.1932, Qupperneq 86

84
vetrum, og eru þeir síðan fluttir burt að vorinu. Allt þetta ástand
þarf að batna. Við flest húsin eru vanhús.
Patreksfi. Á síðastliðnum 9 árum hafa verið byggð 23 íbúðarhús
á Patreksfirði, þar af 7 steinhús, hitt járnvarin timburhús. Mörg hafa
miðstöðvarhitun og vatnssalerni, og öll vatnsleiðsla og skólpveitu, að
tveim undanteknum. Ennfremur hafa 3 hús verið stækkuð með einni
íbúðarhæð. í mörg eldri hús hefir verið sett miðstöðvarhitun. Vatns-
leiðsla hefir verið sett í flestöll hús í kauptúninu og skólpveita í mörg.
Þrátt fyrir þessa nýbyggingar er ekla á íbúðarhúsnæði. Yfirleitt eru
íbviðir fólks í kauptúninu viðunandi og' sumstaðar ágætar, en nokkr-
um íbúðum er þó talsvert ábótavant.
Bíldudals. Húsakynni eru fremur góð, þótt fátt sé nú um húsa-
gerð í kreppunni. Miðstöðvarhitun og skolpræsi sett í nokkur eldri
hús. Þrifnaður fer batnandi, og af lús sést nú minna en fyrr, og mun
nokkuð að þaklca skólaskoðun barna.
Flatei/rar. Sérstaklega finnst mér athyglisvert, hve utanhússþrifn-
aði í kauptúnunum er ábótavant og kauptúnin ljót. Smákauptún
landsins vilja víða verða með þessu marki brennd, og er illt til þess
að vita, því að í þeim vex upp mikill hluti þjóðarinnar.
Hóls. Húsakynni og þrifnaður fer hvorttveggja heldur batnandi.
Árlega eru byggð fleiri eða færri íbúðarhús úr steinsteypu, með raf-
lýsingu og miðstöðvarhitun. Götur eru ófullkomnar, og þrifnaður utan
húss lakari en vera skyldi, enda erfitt ineð fráræslu. Hugleitt hefir
verið að leggja vatnsleiðslu um þorpið, en vegna ónógs, nærtæks vatns,
hafa þorpsbúar ekki séð sér fært að ráðast í slíkt mannvirki. Neyzlu-
vatn héraðsbúa er fengið úr brunnum víðsvegar um þorpið.
Isafj. Húsnæðisvandræði eru hér alltaf mikil. Leiguibúðir slæmar og
dýrar. Ekkert teljandi byggt af nýjum húsum. Skolpveitulagning var
haldið áfram. Vatnsleiðsla bæjarins var síðastliðið ár oft þurrausin,
og olli það miklum óþægindum.
Nauteyrar. Húsakynni eru hér víðast fremur góð. Hreinlæti í betra
lagi.
Hesteyrar. Húsakynnum og þrifnaði hefir lítið farið fram á þessu
ári. Aðallega er það gamla fólkið, sem tálmar hinum nauðsynlegustu
umbótum, einkum hvað hreinlæti snertir.
Reykjarfj. Húsakynni eru nú víða orðin sæmileg og sumstaðar góð,
en þó eru nokkrir mannabústaðir, er minna of mikið á greni: lágir,
loftillir og dimmir, kaldir og kytrulegir. Þrifuaður í meðallagi. Hefi
hverg'i orðið var við gegndarlausan sóðaskap. Á ferðalögum minum
hefi ég' orðið var við lús og sérstaklega fló á þó nokkrum stöðum.
Miðfj. Húsakynni svipuð og gerist og gengur til sveita, víða mjög
ábótavant. Lítið um nýbyggingar á árinu.
Siglufj. Allmörg hús hafa verið byggð á síðastliðnu ári, flest úr
steini. Hús þessi eru jafnaðarlega stærri en áður hefir tíðkazt, stofur
stærri og bjartari, svo að segja öll með miðstöðvarhitun og' frárennsli,
eftir því sem slíku hefir mátt við koma. Frárennsliskerfi bæjarins er
nú orðið talsvert útbreitt um bæinn, og hefir enn á síðastliðnu ári verið
bætt við það. 3 sildarverksmiðjur og 1 fiskimjölsverksmiðja og 3
þorskalýsisbræðslur voru reknar hér síðastliðið ár, og stafaði af þeim