Bændablaðið - 08.07.2021, Síða 12

Bændablaðið | Fimmtudagur 8. júlí 202112
FRÉTTIR
Starfsmenn RARIK undirbúa spennusetningu aðveitustöðvarinnar. Myndir / RARIK
Ný aðveitustöð á Hnappavöllum tekin í notkun:
Vel séð fyrir orkuþörf
svæðisins til framtíðar
– Dregið úr líkum á rafmagnstruflunum
Ný aðveitustöð RARIK var tekin í
notkun á Hnappavöllum í Öræfa­
sveit fyrir skömmu en hún mun
auka afkastagetu og afhendingar­
öryggi rafmagns á svæð inu til
muna. Rafmagnsálag í Suður sveit
og Öræfum hefur aukist veru­
lega síðustu ár samfara fjölgun
ferða manna og með tilkomu
hó tels sem opnað hefur verið á
Hnappavöllum.
Forse nda þess að hægt var að
reisa nýja aðveitustöð á svæðinu
var að Landsnet legði til nýjan
afhendingarstað raforku frá byggða­
línu á Hnappavöllum, en áður var
raforka fyrir þetta svæði afhent frá
Hólum í Hornafirði. Frá Hólum er
um 130 kílómetra 19 kV háspennu­
lögn að Skaftafelli sem annað
hefur raforku á svæðinu vestan
Hornafjarðarfljóts, það er Mýrum,
Suðursveit og Öræfum. Þar af eru
um 120 kílómetrar í háspennujarð­
streng.
Þegar undirbúningur að hót­
elinu á Hnappavöllum hófst árið
2015 var strax ljóst að 19 kV
kerfið myndi ekki anna þeirri
aukningu sem því fylgdi án sér­
stakra aðgerða. Því óskaði RARIK
eftir að Landsnet legði til nýjan
afhendingarstað frá byggðalínunni
í Öræfum og á meðan beðið hefur
verið eftir varanlegri lausn hefur
RARIK gripið til margvíslegra
bráðabirgðalausna til að anna
álaginu, m.a. með því að hafa þar
varaaflstöð til að framleiða inn á
kerfið á mesta álagstíma.
Trygg staðsetning og
byggt yfir allan búnað
Nýr afhendingarstaður Landsnets
og aðveitustöð RARIK sem nú
hafa verið tekin í notkun eru
undir Kvíáröldu austan við bæinn
Hnappavelli, sem telst trygg stað­
setning með tilliti til hugsan legra
jökulflóða. Byggt er yfir allan
búnað RARIK og Landsnets á
Hnappavöllum. Þetta kemur fram
á vefsíðu RARIK og þar er einnig
haft eftir Tryggva Þór Haraldssyni
forstjóra að nú verði hægt að mæta
verulega auknu álagi í Suðursveit
og Öræfum, en raforkuflutningur
inn á það svæði sé nú bæði frá
Hólum og Hnappavöllum.
„Það er því vel séð fyrir orku­
þörf svæðisins til langrar framtíðar
um leið og dregið er úr líkum á raf­
magnstruflunum,“ segir Tryggvi Þór.
/MÞÞ
Aðveitustöð RARIK að Hnappavöllum í Öræfasveit.
Með tilkomu aðveitustöðvar á Hnappavöllum verður nú hægt að afhenda
rafmagn til svæðisins úr tveimur áttum. Áður annaði aðveitustöðin á Hólum
ein og sér orkuþörf viðskiptavina á um 130 km svæði.
Nýtt tengivirki Landsnets og aðveitustöð RARIK eru undir Kvíáröldu austan
við bæinn Hnappavelli. Þessi staðsetning telst trygg en hún var meðal annars
valin með tilliti til hugsanlegra jökulflóða.
Aðalfundur Framsýnar stéttarfélags:
Verkalýðsfélagið kolefnisjafnar
starfsemina með plöntun trjáa
– Segir græna skatta bitna á láglaunahópum
„Við erum afskaplega stolt
af þessu framtaki og teljum
okkur fyrst stéttarfélaga
til að kolefnisjafna okkar
starf semi. Þetta er ákveðið
frum kvæði sem við tökum
með þessu og vonum að
fleiri fylgi á eftir. Fulltrúar
verkalýðsfélaga eru mikið
á ferðinni, bæði í akstri og
flugi og með þessu sýnum
við ákveðið frumkvæði og
tökum á málum. Vonandi
fylgja fleiri fordæmi okkar,“
segir Aðalsteinn Árni Baldurs son,
formaður Framsýnar í Þingeyjar­
sýslu.
Framsýn stéttarfélag afhendi
aðalfundar gestum á dögunum
50 plöntur til að gróðursetja.
Tilgangurinn var að kolefnisjafna
starfsemi félagsins en samkvæmt
útreikningum þurfti 50 skógar­
plöntur til að kolefnisjafna starf
Framsýnar á liðnu ári, þ.e. á móti
akstri starfsmanna og annarra
félagsmanna sem ferðuðust akandi
á vegum félagsins á liðnu ári.
Ósk Helgadóttir, varaformaður
Framsýnar, ræddi um þá ákvörðun
að kolefnisjafna aðalfundinn og
aðra starfsemi á vegum félagsins.
Hún sagði að verkalýðshreyfingin
væri baráttuafl nú eins og þegar
félagið var stofnað fyrir 110 árum,
þó áskoranir sem inn á hennar borð
komi séu með öðrum hætti. Eitt
af stóru málum hreyfingarinnar
nú væri jafnframt stærsta áskorun
samtímans, loftslagsbreytingar af
mannavöldum.
Réttlát umskipti

„Þær hafa þegar haft víðtæk áhrif
á efnahags­ og atvinnulíf þjóða
og þar með lífskjör og afkomu
almennings um allan heim. Við
sjáum afleiðingar þessara breytinga
á jörðinni. Jöklar bráðna, yfirborð
sjávar hækkar, vistkerfi raskast og
öfgar í veðurfari aukast. Auk þess
verða breytingar á lífsskilyrðum í
sjó vegna breytinga á straumum,
sýrustigi og seltu,“ sagði Ósk á að­
alfundinum.
Alþjóðlega verkalýðshreyfingin
hefur þróað ramma utan um sam­
félagsbreytingar næstu ára undir
yfirskriftinni „réttlát umskipti“.
Grunnstefið í réttlátum umskipt­
um er að breytingarnar þurfi að
vera réttlátar gagnvart launafólki,
ekki síst í þeim atvinnugreinum
sem munu gjörbreytast eða jafnvel
hverfa í tengslum við tækniþróun og
aðgerðir gegn loftslagsbreytingum.
Samhliða því er tekist á við áhrif
nýrrar tækni, gervigreindar og sjálf­
virknivæðingar.
Grænir skattar bitna
á láglaunahópum
„Það væri óskandi að ráðamönnum
þjóðarinnar muni auðnist að
stíga fram í sama takti og
verkalýðshreyfingin og að „réttlát
umskipti“ komi til með að þýða
það í raun. Þær aðgerðir sem
stjórnvöld grípa til þegar ráðist er í
aðgerðir gegn loftslagsbreytingum
mega ekki verða til þess að auka
á hlut hinna fáu í verðmætum
samfélagsins. Í því sambandi hefur
ASÍ bent á að grænir skattar, eins og
til að mynda kolefnisskattur, bitni
helst á lágtekjuhópum sem hafa
ekki möguleika á að skipta yfir í
rafbíla, á meðan efri tekjuhópar
nýta sér frekar skattaafslætti sem
ívilnanir fyrir vistvæn ökutæki fela
í sér.“ /MÞÞ
Gestir á aðalfundi Framsýnar fengu íslenska birkiplöntu eftir fundinn og
voru beðnir um að gróðursetja þær svo þær mættu vaxa og dafna. Með
þessum táknræna hætti kolefnisjafnaði Framsýn, líklega fyrst stéttarfélaga
hér á landi, aksturinn sinn. Varaformaður Framsýnar, Ósk Helgadóttir, vildi
kalla það að greiða skuldina við landið. Hér er Ósk með formanni félagsins,
Aðalsteini Árna Baldurssyni.
Sigurveig Arnardóttir, Húsavík og Agnes
Einarsdóttir, Baldursheimi, Mývatnssveit,
ánægðar með birkiplöntuna.
Kristján Önundarson, Raufarhöfn
og Þórir Stefánsson, frá Hólkoti í
Reykjadal, nú búsettur á Húsavík,
kampakátir og tilbúnir að fara út að
planta.
Þórdís Jónsdóttir, Hraunbæ, Aðaldal
og Ragnhildur Jónsdóttir frá Fjöllum
í Kelduhverfi með sínar plöntur.