Bændablaðið - 08.07.2021, Blaðsíða 13

Bændablaðið | Fimmtudagur 8. júlí 2021 13
Landbúnaðarháskóli Íslands
(LbhÍ) og Geitfjárræktarfélag
Íslands fengu nýlega styrk frá
erfðanefnd landbúnaðarins til að
gera arfgerðarrannsóknir á geitum.
Markmið verkefnisins er að auka
þekkingu á erfðafræðilegri stöðu
stofnsins á arfgerðum sem tengjast
næmi fyrir riðu.
Riða kom upp á sauðfjárbúum í
Skagafirði í nóvember á síðasta ári
og þurfti í kjölfarið að skera niður
bústofna bæði sauðfjár og geitfjár,
jafnvel þótt smit hafi ekki verið
staðfest í geitunum. Segja reglur
fyrir um að skera þurfi niður bæði
sauðfé og geitfé komi riða upp á
bæjum með bæði búfjárkyn – en
ekki hefur greinst riða í íslensku
geitfé og er stofninn skilgreindur í
útrýmingarhættu.
Birna K. Baldursdóttir, lektor
við LbhÍ, heldur utan um verkefnið
og segir hún að mjög mikilvægur
þáttur í að sporna við þeirri miklu
skyld leikarækt sem hrjáir stofninn
sé að nýta sæðingar. „Það er því
nauðsynlegt að fá betri upplýsingar
um „arfgerðarlandslagið“ í stofn­
inum hvað næmi fyrir riðu varðar
og kanna hvort hægt verði að
haga varðveislustarfi með tilliti
til þess.“
Tekið tillit til næmi arfgerða
við riðuniðurskurð
Hún segir að auk þess muni það leiða
af rannsóknunum að hægt verði að
velja hafra á sæðingastöð sem hafa
lítið eða ekkert næmi fyrir riðu, sem
verði þá sambærilegt við verklagið
á sauðfjársæðingastöðvum.
„Í nýlegri reglugerð Evópu­
sambands ins um varnir og útrým­
ingu á TSE – transmissible spongi­
form encephalopathies – sjúkdóm­
um hjá nautgripum, sauðfé og geit­
um er tekið tillit til næmi arfgerða
fyrir hefðbundinni riðu þegar skera
á niður. Þar kemur fram að val á
gripum með verndandi arfgerðir geti
verið áhrifarík aðferð í baráttunni
gegn riðu og hreinn niðurskurður
gripa án tillits til arfgerða geti haft
neikvæð áhrif á erfðafjölbreytileika
búfjárkynja sem eru viðkvæmir eða í
útrýmingarhættu,“ segir Birna. /smh
Landsnet | Gylfaflöt 9 | 112 Reykjavík | Sími 563 9300 | landsnet@landsnet.is | www.landsnet.is
Við hjá Landsneti óskum eftir ábendingum vegna fyrirhugaðrar tengingar
í raforkukerfinu frá Klafastöðum í Hvalfirði að nýju tengivirki á Holtavörðuheiði.
Svæðið hefur verið skoðað af sérfræðingum okkar og þeirra mat er að núverandi
línustæði henti að mestu ágætlega. Línuleið samsíða eldri línu verður því einn
valkostanna í komandi umhverfismati.
Fleiri valkostir geta komið til álita og því óskum við eftir hugmyndum varðandi
línuleiðir (alla leið eða hluta af leið), gerðir mastra og aðgerðir til að lágmarka áhrif.
Farið verður yfir allar hugmyndir og í kjölfarið tekin ákvörðum um valkosti sem
verða metnir og bornir saman í áframhaldandi samráði.
Leitast verður eftir því að lágmarka áhrif á viðkvæm og mikilvæg svæði. Því óskum
við jafnframt eftir ábendingum um svæði sem fólki þykir hafa sérstakt gildi.
Markmiðið er að komast að skynsamlegri niðurstöðu um aðalvalkost, þar sem tekið
er tillit til sem flestra þátta með hliðsjón af öryggi, umhverfi og efnahag.
Hægt er að koma ábendingum á framfæri á landsnet.is til 19. júlí næstkomandi.
Vefsjá Holtavörðuheiðarlínu 1 er aðgengileg hér:
hh1.netlify.app
Taktu þátt í að leggja línurnar
fyrir spennandi framtíð
Holtavörðuheiðarlína 1
HAFÐU ÁHRIF
®
Við erum með réttu fötin fyrir þig!
Finnski skóframleiðandinn Sievi
fagnar 70 ára afmæli í ár.
Í tilefni tímamótanna voru framleiddir
sérstakir afmælisskór sem verða á
sérstöku afmælistilboði á meðan
birgðir endast. Föstudaginn 9. júlí
munum við fagna tímamótunum
með kaffi og kökum í verslun
fyrirtækisins að Nethyl 2a.
Sievi - The Mark of Quality
Vefverslun:
Khvinnufot.is
Arfgerðarrannóknir gerðar á geitum með tilliti til næmi fyrir riðu:
Markmiðið er að auka þekkingu á
erfðafræðilegri stöðu stofnsins
– Reglugerðir ESB taka tillit til næmi arfgerða fyrir riðu vegna niðurskurðar
Birna Kristín Baldursdóttir hefur umsjón með arfgerðarrannsóknum á ís-
lenskum geitum.
Sameining sveitarfélaga:
RR ráðgjöf skoðar
málin í Skagafirði
Sveitarfélagið Skagafjörður og
hreppsnefnd Akrahrepps hafa
tekið tilboði frá RR ráðgjöf í vinnu
við ráðgjöf og verkefnastjórn
vegna hugsanlegrar sameiningar
þessara sveitarfélaga.
Í vinnunni felst m.a. ráðgjöf,
gagnaöflun og upplýsingamiðlun
vegna könnunar á kostum, göllum
og tækifærum sem felast í mögu­
legri sameiningu.
Niðurstöður greiningarinnar
verða nýttar til samráðs við íbúa
sveitarfélaganna þannig að þau geti
í kjölfarið tekið ákvörðun um hvort
þau hyggist ráðast í formlegar sam­
einingarviðræður. /MÞÞ