Bændablaðið - 08.07.2021, Qupperneq 26

Bændablaðið | Fimmtudagur 8. júlí 202126
„Prjónagleðin var mjög vel
heppnuð og hér var fjölmenni,“
segir Svanhildur Pálsdóttir,
viðburða- og markaðsstjóri
Prjónagleðinnar, sem haldin
var á Blönduósi á dögunum.
Prjónagleðin var nú haldin í
fimmta sinn, sú fyrsta var árið
2016 en hátíðin í fyrra féll niður
vegna samkomutakmarkana út af
kórónuveirunni.
„Það var alveg greinilegt að
prjónarar voru í mikilli þörf fyrir
samveru og virkilega gaman að
upplifa gleðina og áhugann sem
svo sannarlega var við völd,“ segir
Svanhildur.
Haldin voru alls 15 námskeið og
þá var fjölmenni á fyrirlestrum sem
í boði voru á Prjónagleði. Viðburðir
eins og prjónaganga og prjónamessa
mæltust vel fyrir.
Garnatorg var í íþróttamiðstöð,
þar var hjarta hátíðarinnar þar
sem 22 aðilar buðu garn og aðrar
prjónatengdar vörur til sölu. Ístex
kynnti þar ullarsængur sínar og
kodda og fyrirtækið sýndi einnig
peysurnar úr síðustu Lopabók.
Vinningsvesti
Vinningsvestin úr hönnunar- og
prjónasamkeppni Prjónagleðinnar
voru einnig til sýnis á Garntorginu
en Ragnheiður Guðmundsdóttir varð
hlutskörpust í þeirri samkeppni
með vesti sem nefnist Hraun,
þá var Fractal eftir Guðlaugu
Svölu Steinunni Kristjánsdóttur
í öðru sæti og Sólrún eftir Hilmu
Eiðsdóttur Bakken í því þriðja.
„Samveran sem Prjónagleðin
bauð upp á var afar dýrmæt og
nýttu prjónarar hvert tækifæri til
þess að safnast saman og prjóna
í minni og stærri hópum,“ segir
Svanhildur.
Næsta Prjónagleði verður
haldin á Blönduósi eftir tæpt
ár, dagana 10.–12. júní 2022.
/MÞÞ
LÍF&STARF
Vel heppnaðri Prjónagleði lokið á Blönduósi:
Hvert tækifæri notað til að safnast saman og prjóna
– Dýrmæt samvera og gleðin við völd
Séra Úrsúla Árnadóttir grípur í heklunálina í prjónaguðsþjónustunni sem
haldin var í Blönduóskirkju.
Myndprjónsnámskeiðið var vel
sótt.
Ebba Pálsdóttir frá Ullarselinu var mætt á Prjónagleðina.
Guðrún Dröfn Pálsdóttir heldur fagmann-lega um hespuna.
Myndir / Svanhildur Pálsdóttir
Gæðaprjónastundir í góðum félagsskap.
Skipuleggjendur Prjónagleðinnar 2021, Svanhildur Pálsdóttir til vinstri og
Jóhanna Erla Pálmadóttir til hægri ásamt Berglindi Gunnarsdóttur, sérlegri
aðstoðarkonu á hátíðinni.
Glæsilegar konur í sérlega fallegum handprjónuðum peysum voru algeng
sjón á Prjónagleðinni.
Ríta Freyja Bach þenur rokkinn á
Garn toginu.