Bændablaðið - 08.07.2021, Qupperneq 55

Bændablaðið | Fimmtudagur 8. júlí 2021 55
Framkvæmdum við endurheimt
votlendis í landi jarðanna Hnausa
og Hamraenda á sunnanverðu
Snæfellsnesi lauk í desember
2020. Þó ekki sé lengra síðan
hefur landið nú þegar tekið
greinilegum breytingum og fram-
förum.
Í vor kölluðu Sameinuðu þjóð­
irnar eftir áhugaverðum og vel
heppnuðum endurheimtarverkefn­
um. Verkefnunum er ætlað að vísa
leiðina að því hvernig verkefni er
æskilegt að takast á við á nýhöfnum
áratugi endurheimtar vistkerfa.
Landgræðslan sendi inn umsókn
fyrir verkefnið á Hnausum og
Hamraendum sem var samþykkt.
Verkefnið er þar með komið í
alþjóðlegan hóp 50 verkefna sem
fylgst verður með til ársins 2030.
Yfir 100 hektara
Um er að ræða tvær samliggjandi
jarðir sem ná yfir 100 hektara svæði
þar sem grafnir höfðu verið skurðir
sem náðu samtals 16 km að lengd.
Á nýlegum loftmyndum af svæðinu
sést greinilega að vatnsstaða lands­
ins hefur hækkað og að náttúran
hefur þegar hafist handa við að færa
landið nær upprunalegu ástandi.
Landeigendur hafa séð aukn­
ingu í fuglalífi á svæðinu, ber þar
mest á ýmsum tegundum vaðfugla
svo sem jaðraka, stelks og hrossa­
gauks. Einnig hefur sést meira af
öndum á svæðinu sem nýta sér
tjarnir og opið vatn sem myndast
hafa eftir að framkvæmdum lauk.
Margfaldur ávinningur

Ávinningurinn af endurheimtinni
er margfaldur. Utan þess að sporna
gegn þeirri miklu kolefnislosun sem
á sér stað úr framræstu landi skap­
ast betri aðstæður fyrir dýralíf og
gróður sem aftur skilar landi og
vistkerfi í betra jafnvægi.
Votlendissvæði Hnausa og
Hamraenda er stærsta samfellda
votlendissvæðið sem hefur verið
endurheimt á vegum Land­
græðslunnar. Endurheimt votlendis
er talsvert vandasamara og flóknara
ferli en að „moka ofan í skurði“
eins og stundum er haldið fram.
Eftir að landeigendur hafa sótt um
þátttöku í verkefninu gerir starfs­
fólk Landgræðslunnar úttekt á
svæðinu til að sjá hvort það upp­
fylli sett skilyrði. Í framhaldinu er
svæðið kortlagt og vatnsrennsli
að og frá svæðinu athugað. Einnig
eru allir skurðir og svæðin á milli
þeirra kortlögð og svæðin mynduð
úr lofti.
Í framhaldinu eru fengnir verk­
takar úr heimabyggð eða land­
eigendur framkvæma sjálfir verkið.
Mikilvægt er að við jarðvegsvinnu
vegna endurheimtar votlendis sé
unnið eftir ákveðnu verklagi og
heppnaðist vinna verktakans í
landi Hnausa og Hamraenda framar
vonum.
Dýrmæt reynsla
Svæðið er fjölbreytt og mis mun­
andi aðferðum þurfti að beita eftir
aðstæðum hverju sinni. Dýrmæt
reynsla safnaðist því við fram­
kvæmdirnar á svæðinu sem mun
nýtast við endurheimt votlendis
á öðrum svæðum og víst er að
viðurkenning Sameinuðu þjóð­
anna á verkefninu er hvatning til
Landgræðslunnar og hennar starfs­
fólks að halda áfram á sömu braut.
Á eftirfarandi slóð má sjá stutt
myndband sem sýnir vel stöðu
landsins eins og það er í dag.
https://vimeo.com/manage/vid­
eos/567428483.
Bændablaðið
Smáauglýsingar 56-30-300
Glerárgata 34b við Hvannavelli • S 461 1092 • asco.is
OKKAR ÆR OG KÝR
— STARTARAR OG ALTERNATORAR —
S: 5272600 - www.velavit.is
Varahlutir - Viðgerðir
Vélavit
Sala Þjónusta
www.velavit.is
Erum með varahluti og þjónustu fyrir allar JCB vélar
S: 527 2600
Starfskraftur óskast
á kúabúið á Seljavöllum, í haust
Seljavellir eru 7 km vestan við Höfn í Hornafirði. Þar er
70 kúa fjós með Delaval mjaltaþjón auk nautauppeldis.
Sér íbúðarhúsnæði er í boði. Ef um par er að ræða eru
ýmsir atvinnumöguleikar í nágrenninu.
Reynsla af bústörfum æskileg.
Nánari upplýsingar gefur Elín í síma 860-7582.
Endurheimt votlendis á Snæfellsnesi vekur
athygli á vettvangi Sameinuðu þjóðanna
Loftmynd af endurheimtu votlendi í landi Hnausa og Hamraenda. Skurðirnir sem voru grafnir á sínum tíma eru
samtals 16 km að lengd og sést vel marka fyrir þeim úr lofti. Það tekur langan tíma fyrir þau ummerki að hverfa,
náttúran þarf tíma til að ná jafnvægi.
Tjaldur fagnar endurheimt votlendis­
ins