Bændablaðið - 11.03.2021, Page 12
Bændablaðið | Fimmtudagur 11. mars 202112
FRÉTTIR
Eyjafjarðarsveit:
Umfangmiklar framkvæmdir eru
fyrirhugaðar í landi Ytri-Varðgjár
– Nýr baðstaður rís í skógi vaxinni hlíð
Sveitarstjórn Eyjafjarðarsveitar
hefur samþykkt að auglýsa til-
lögu að aðalskipulagsbreytingu
og deiliskipulagi fyrir baðstað í
Vaðlareit í landi Ytri-Varðgjár í
Eyjafjarðarsveit. Skipulagssvæðið
er 2,6 hektarar að flatarmáli og
er það í gildandi aðalskipulagi
sveitarfélagsins skilgreint sem
skógræktarsvæði og opið svæði.
Samkvæmt nýrri skipulagstillögu
verður það skilgreint sem verslun-
ar- og þjónustusvæði.
Ráðgert er að á svæðinu rísi
baðstaður alls um 1200 fermetrar að
stærð með vegghæð að hámarki 6,5
m. Þar að auki er gert ráð fyrir um
500 fermetra baðlaugum utandyra,
aðstöðu fyrir gufubað auk bílastæðis
og aðkomuvegar.
Heitt vatn leitt með lögn frá
Vaðlaheiðargöngunum
Landslag ehf. hefur fyrir hönd
Skógarbaða umsjón með gerð
deili skipulagsins sem nær yfir
hluta jarðarinnar Ytri-Varðgjár í
Eyjafjarðarsveit. Á svæðinu hefur
land eigandi uppi áform um að
byggja baðstað með tilheyrandi
þjónustu en aðkoma að staðnum
verður frá þjóðvegi nr. 1 þar
sem þegar er aðkomuvegur um
400 metra austan gatnamóta við
Eyjafjarðarbraut eystri. Heitt vatn
verður leitt að staðnum með lögn
frá Vaðlaheiðargöngum, í samstarfi
við Norðurorku.
Baðstaðurinn verður staðsettur
um 100 metra sunnan bílastæðis
og munu byggingar og útisvæði
standa inni í skóginum og 8-10
metrum hærra en bílastæðið. Með
því að hafa baðstaðinn hærra í landi
verður útsýni frá honum til vesturs
mjög gott og eitt helsta aðdráttar-
afl staðarins ásamt því að byggja
hann inni í skóginum. Baðstaðurinn
verður staðsettur um 25 metra frá
standlínu lónsins, inni í þéttum
skóginum, og því hefur hann ekki
áhrif á aðgengi almennings meðfram
fjörunni, um flatann ofan fjörunnar
eða um núverandi stíga sem liggja
um skóginn.
Lóðin um 6.000
fermetrar að stærð
Gert er ráð fyrir einni lóð innan
skipulagssvæðisins og er það lóð
baðhússins sem nær yfir fyrirhug-
aðar byggingar og mannvirki bað-
staðarins. Stærð lóðarinnar nemur
tæpum 6.000 fermetrum og er
lóðin staðsett í skógi vaxinni hlíð
og nokkru ofar í landi en aðkomu-
svæðið og bílastæðið.
Innan byggingarreits er gert ráð
fyrir þjónustubyggingu þar sem m.a.
verða búningsklefar, móttöku- og
þjónustusvæði gesta, aðstaða starfs-
fólks og tæknirými. Þá er gert ráð
fyrir að innan reitsins verði lauga-
svæði utanhúss ásamt byggingu
fyrir gufubað. Innan byggingarreits
er heimilt að reisa eina eða fleiri
samtengdar byggingar á einni eða
tveimur hæðum með gólfflatarmáli
að hámarki 1.200 m2.
Hefur jákvæð áhrif á samfélagið
Fram kemur í greinargerð um deili-
skipulag í landi Ytri-Varðgjár og
er á vef Eyjafjarðarsveitar að nýr
baðstaður hafi jákvæð áhrif á sam-
félagið, enda auki hann framboð
á afþreyingu fyrir ferðamenn á
Eyjafjarðarsvæðinu.Þá megi gera
ráð fyrir að nokkur fjöldi starfa
skapist á framkvæmdatíma og
þegar starfsemi hefst á baðstaðnum.
Í deiliskipulagi er sérstök áhersla
lögð á að mannvirki falli sem best
að landslagi og raski á skógi verði
haldið í lágmarki. Þá skal eins og
mögulegt er reynt að láta allar fram-
kvæmdir falla vel að umhverfinu og
þannig reynt að hafa sem minnst
áhrif á náttúru svæðisins.
Ekki er talið að heildarárif
uppbyggingar samkvæmt deili-
skipulagi hafi veruleg neikvæð
umhverfisáhrif. /MÞÞ
Landeigandi hefur uppi áform um að byggja baðstað með tilheyrandi þjónustu en aðkoma að staðnum verður frá
þjóðvegi nr. 1 þar sem þegar er aðkomuvegur um 400 metra austan gatnamóta við Eyjafjarðarbraut eystri.
Skipulagssvæðið er 2,6 hektarar að flatarmáli og er það í gildandi aðalskipulagi
sveitarfélagsins skilgreint sem skógræktarsvæði og opið svæði. Samkvæmt
nýrri skipulagstillögu verður það skilgreint sem verslunar- og þjónustusvæði.
I nnan byggingarreits er gert ráð fyrir þjónustubyggingu þar sem m.a. verða búningsklefar, móttöku- og þjónustusvæði gesta, aðstaða starfs-
fólks og tæknirými. Þá er gert ráð fyrir að innan reitsins verði laugasvæði
utanhúss ásamt byggingu fyrir gufubað.
Riðutilfelli staðfest
í Húnaþingi vestra
Riðuveiki hefur verið staðfest á
búi í Húnaþingi vestra í Vatns-
nes hólfi, samkvæmt upplýsing-
um frá Matvælastofnun. Í hólf-
inu greindist síðast riða árið
2015. Matvælastofnun vinnur að
öflun upplýsinga og undirbúningi
aðgerða.
„Riðan greindist í sýni úr kind frá
bænum Vatnshóli í Húnaþingi en á
bænum eru nú um 925 fjár. Bóndinn
hafði samband við Matvælastofnun
sem tók sýni úr kindinni og sendi
á Tilraunastöð Háskóla Íslands
að Keldum þar sem riðuveiki var
staðfest.
Búið er í Vatnsneshólfi og í því
hólfi hefur riðuveiki komið upp á
einu búi á undanförnum 20 árum.
Síðast greindist riða á bænum árið
1999.
Ekki er talið að þetta tilfelli tengist
riðutilfellunum í Tröllaskagahólfi
þar sem riða greindist á fimm bæjum
fyrir áramót.
Héraðsdýralæknir vinnur nú að
öflun faraldsfræðilegra upplýsinga
og úttekt á búinu til að meta umfang
aðgerða við förgun fjár, þrif og
sótthreinsun. Því næst fer málið í
hefðbundið ferli hvað varðar gerð
samnings um niðurskurð,“ segir í
tilkynningu frá Matvælastofnun.
/smh
Kynna áform um stofnun þjóðgarðs
á sunnanverðum Vestfjörðum
Umhverfisstofnun, ásamt sam-
starfs hópi sem vinnur að
undirbúningi friðlýsingar, hefur
kynnt áform um stofnun þjóðgarðs
á sunnanverðum Vest fjörð um.
Svæðið nær m.a. til Dynjanda,
Geirþjófsfjarðar, Vatns fjarðar,
Surtarbrandsgils og Hrafnseyrar.
Rarik færði íslenska ríkinu að gjöf
jörðina Dynjanda haustið 2019 og við
undirritun samkomulags vegna þess
staðfestu stjórnvöld að stefnt væri
að frekari friðlýsingu jarðarinnar og
vatnasviðs fossins á Dynjandisheiði.
Undirbúningur hófst 2020
Vinna hófst með Vesturbyggð,
Ísafjarðar bæ og Umhverfisstofnun
í ársbyrjun 2020 þar sem fyrirhugað
var að vinna að mögulegri stækkun
á náttúruvættinu Dynjanda og frið-
landinu Vatns firði sem er í landi
Brjáns lækjar. Fljótlega komu
fram hug myndir um að tengja
verndarsvæðin saman í eitt stærra
friðlýst svæði vegna náttúru- sögu
og menningar verðmæta, sem eru
allt umlykjandi á þessu svæði. Í
kjölfarið var ákveðið að stofna stærri
samstarfshóp og bættust fulltrúar
forsætis ráðuneytisins, mennta- og
menningarmálaráðuneytisins og
Land græðslusjóðs í hópinn.
Meginmarkmið friðlýsingarinnar
er að vernda og varðveita einstakt
svæði fyrir komandi kynslóðir.
Með friðlýsingunni verður til
heildstætt svæði sem hefur að
geyma ómetanlegar náttúru- og
menningarminjar og sögu, segir á vef
Umhverfisstofnunar þar sem greint er
frá friðlýsingaráformunum.
Dynjandi var friðlýstur sem
náttúruvætti árið 1981. Hann er
meðal hæstu fossa landsins, nær 100
metra hár og af mörgum talinn ein
fegursta náttúruperla Íslands.
Vatnsfjörður var friðlýstur árið
1975 sem friðland og þar má finna
mikla gróðursæld, fjölbreytt dýralíf,
jarðhita ásamt menningarminjum.
Surtarbrandsgil var friðlýst
sem náttúruvætti 1975 til að
vernda einstakar steingerðar leifar
gróðurs sem klæddu landið á teríer-
tímabilinu.
Geirþjófsfjörður er eyðifjörður
á náttúruminjaskrá, þar ríkir mikil
gróðursæld og kyrrð. Fjörðurinn er
sögusvið Gíslasögu Súrssonar og
þar má finna tóftir og rústir tengdri
sögunni.
Á Hrafnseyri í Arnarfirði
fæddist og ólst upp Jón Sigurðsson,
frelsishetja íslensku þjóðarinnar. Á
Hrafnseyri er fræðslusetur tileinkað
ævi og minningu hans. /MÞÞ