Bændablaðið - 15.04.2021, Page 30

Bændablaðið | Fimmtudagur 15. apríl 202130
Vegagerðin heldur áfram að fækka einbreiðum brúm:
Alls eru 32 einbreiðar brýr eftir á Hringvegi 1
– Búið að bjóða út nokkur verkefni svo frekari fækkun er fyrirsjáanleg
Áfram verður haldið við að fækka
einbreiðum brúm á Hringvegi
1 nú í ár, en skipulega hefur
verið unnið að því markmiði,
bæði hvað varðar Hringveginn
og eins landið allt á liðnum
árum. Nokkurt hlé varð þó á
verkefninu á árunum eftir 2011.
Áform eru nú um töluverðar
framkvæmdir í þessum efnum
næstunni, að því er fram kemur
í Framkvæmdafréttum sem
Vegagerðin gefur út.
Fyrir um 30 árum, árið 1990
voru hátt í 140 einbreiðar brýr á
Hringvegi, þeim fækkaði hratt,
voru orðnar um 60 talsins kringum
árið 2006 og árið 2011 voru þær
ríflega 40. Síðan þá hægðist mjög á
slíkum framkvæmdum, undanfarin
átta ár hafa aðeins verið breikkað­
ar eða byggðar nýjar brýr í stað 6
einbreiðra brúa.
Árið 2019 voru byggðar sjö brýr
í stað einbreiðra brúa á landinu öllu.
Þetta voru brýr í Berufjarðarbotni,
yfir Hófsá í Arnarfirði, yfir Mjólká
í Arnarfirði, brú á Eldvatn og yfir
Loftsstaðaá í Flóa, einnig brú yfir
Breiðdalsá og stokkur fyrir Tjarnará
á Vatnsnesi.
Lokið við fjórar nýjar
brýr á Hrinvegi
Í lok árs 2019 voru boðnar út fjórar
brýr á Hringvegi; brú yfir Steinavötn
í Suðursveit sem er 100 metra löng,
brú á Fellsá í Suðursveit sem er 47
metrar, brú á Kvíá í Öræfum sem
er 32 metra löng og
brú á Brunná aust an
Kirkjubæjar klausturs
sem er 24 metrar. Fram­
kvæmdir við þessar
brýr hófust vorið 2020
og er þeim nú lokið eða við það að
ljúka. Þar með hefur einbreiðum
brúm á Hringvegi 1 fækkað í 32
auk bráðabirgðabrúar yfir Fellsá
sem enn er uppistandandi og þjónar
vegfarendum en verður rifin þegar
umferð verður hleypt á nýju brúna
í vor.
Nú í ár mun einbreiðum brúm
enn fækka, en búið er að bjóða
út nokkur verkefni. Þar má nefna
byggingu brúar yfir Jökulsá á
Sólheimasandi en einnig stendur
til að fara í framkvæmdir við brýr
yfir Hverfisfljót, Súlu (Núpsvötn)
og Skjálfandafljót. Þá er fyrirhug­
að að bjóða út fyrsta samvinnu­
verkefnið um vegaframkvæmdir
en það er nýr vegur og brú yfir
Hornafjarðarfljót.
663 einbreiðar brýr á landinu
Einbreiðar brýr eru þó víðar en
á Hringvegi en alls eru 663 ein­
breiðar brýr á landinu. Árið 2020
voru breikkaðar brýr á Hattardalsá,
Hvítsteinslæk, Álftárbakkaá,
Kálfalæk á Mýrum og Hrútá. Þá
eru núna í framkvæmd nokkrar
brýr utan Hringvegar eins og
Botnsá í Tálknafirði, Bjarnadalsá
í Önundarfirði, Vesturhópshólaá,
Laxá í Laxárdal og Köldukvíslargil.
Önnur verkefni sem stendur til að
fara í eru: Bakkaá hjá Keisbakka,
Þverá, Hólkotsá, Otradalsá, Þverá
á Langadalsá, Ólafsdalsá, Efri
Skarðsá, Sandalækur í Miðfirði,
Fossá í Jökulsárhlíð og Helgustaðaá.
/MÞÞ
Nýja brúin yfir Kvíá. Mynd / Ísak
Bráðabirgðabrú og ný brú yfir Brunná. Mynd / Ísak
Steypuvinna við Steinavötn. Mynd / Ísak
Kort sem sýnir framkvæmdasvæðin.
Steinavötn, nýja brúin í byggingu, bráðabirgðabrú í baksýn. Mynd/Ístak
ÍSLAND ER LAND ÞITT
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
KÚPLINGAR
gerðir dráttarvéla
H
eim
ild: Prentm
iðlakönnun G
allup. K
önnunartím
i okt. - des. 2020.
BÆNDABLAÐIÐ ER GEFIÐ ÚT Í 32 ÞÚSUND EINTÖKUM Á TVEGGJA VIKNA FRESTI
36,2% fólks á
landsbyggðinni
les Bændablaðið
Hvar auglýsir þú?
36,2%
Lestur Bændablaðsins
á landsbyggðinni
Lestur Bændablaðsins
á höfuðborgarsvæðinu
17,8% 24,3%
Lestur landsmanna á
Bændablaðinu
Sími: 563 0300 / Netfang: bbl@bondi.is / bbl.is
Lestur Bændablaðsins
Hafðu samband