Morgunblaðið - 29.07.2021, Blaðsíða 10

DAGMÁL
Stefán E. Stefánsson
ses@mbl.is
Jakob E. Jakobsson, eigandi
Jómfrúarinnar í Lækjargötu, segir
síðustu 15 mánuði hafa verið lær-
dómsríka. Tímabilið hafi verið mikill
skóli í „mennsku“ eins og hann orðar
það.
Lýsir hann t.d. þeirri miklu aðlög-
unarhæfni sem veitingamenn hafi
þurft að sýna eftir því sem sótt-
varnaaðgerðum hefur undið fram
síðustu misserin. Fram til 10. desem-
ber hafi veitingastaðurinn haft 400-
500 borðapantanir á degi hverjum
fram að jólum. Þegar í ljós hafi kom-
ið að ekki yrði slakað á sóttvarna-
aðgerðum hafi staðurinn þurft að af-
bóka viðskiptavini sína, sem sé
þungbært. Viðbrögð fólks hafi hins
vegar verið aðdáunarverð og m.a.
byggt undir enn frekari heimsend-
ingu á veitingum en verið hafi fram
til þessa.
Jakob er gestur í Dagmálum, sem
aðgengileg eru á mbl.is. Hann ræðir
þar um faraldurinn og veitingamark-
aðinn en Jakob hefur frá árinu 2018
setið í stjórn Samtaka ferðaþjónust-
unnar.
Skekkja á vinnumarkaði
Hann bendir á að launakostnaður
sé hár á Íslandi og að hann vegi
þungt í rekstri veitingastaða sem
flestir séu reknir með afar litlum
EBITDA-hagnaði. Hann telur mik-
ilvægt að endurskoða kjarasamninga
með tilliti til samsetningar vinnu-
tíma fólks. Auka þurfi hlut þeirra
sem sinni dagvinnu.
„Ég held að það sé af hinu góða að
það sé fókus á lægstu laun,“ segir
Jakob en hann telur að of langt hafi
verið í gengið í því að umbuna fólki
fyrir að vinna utan dagvinnutíma.
„Starfsmaður, 18 eða 19 ára, sem
ég myndi ráða inn til mín á Jómfrúna
á vaktir, er með dagvinnu og svo er
hann með 33% álag eftir kl. 17 og
45% álag um helgar. En af því að
hann er í vaktavinnu þá vinnur hann
15 daga í mánuði en ekki 20 eða 21
eins og ef þú ert í skrifstofuvinnu.
Þessi starfsmaður er með 430 þús-
und í laun.“ Bendir Jakob á að ofan á
þessi laun bætist svo kostnaður
vinnuveitanda upp á 35-40% og þá sé
kostnaður fyrirtækisins vegna
starfsmannsins allt að 600 þúsund
krónur á mánuði. Segir hann að það
séu ekki lág laun, sérstaklega þegar
litið sé til þess að þarna sé um að
ræða starfsmenn sem gjarnan séu að
stíga sín fyrstu skref á vinnumark-
aði.
Helgin byrjar snemma á Íslandi
„Við erum á skjön við hinar Norð-
urlandaþjóðirnar þegar kemur að
skilgreiningu helgarvinnu. Hún
byrjar kl. 17 á föstudegi hjá okkur en
í mörgum öðrum löndum eftir hádegi
á laugardegi.“ Bendir hann á að með
því fyrirkomulagi sem hér hefur ver-
ið byggt upp verði til neikvæðir hvat-
ar sem komi niður á atvinnulífinu.
„Neikvæða hliðin er sú að það er
oft erfitt að fá fólk til að vinna dag-
vinnu því það er svo miklu hærra
kaup fyrir að vinna utan dagvinnu.
En hví skyldi þetta vera svona nei-
kvætt? Ég veit ekki hver bjó til þá
hugmynd að það væri svo neikvætt
að vinna á kvöldin og um helgar. Er
þetta ekki einmitt sá sveigjanleiki
sem fólk, að minnsta kosti á ákveðnu
æviskeiði, myndi kalla eftir, þegar
þú ert í námi eða annað, að geta
stokkið í vinnu á kvöldin og um helg-
ar og haft upp úr því sæmileg laun?“
Aðspurður segi Jakob að Jómfrúin
stefni ótrauð á Sumardjass um kom-
andi helgi, þrátt fyrir samkomu-
takmarkanir. Öllum sóttvarna-
reglum verði fylgt og fólk verði
skráð í sæti. Segir hann afar ánægju-
legt að tekist hafi að ræsa tónlistar-
dagskrána að nýju eftir langt hlé en
sumartónleikaröðin á Jómfrúartorg-
inu hefur verið haldin nær óslitið frá
árinu 1996.
Faraldurinn mikill skóli í „mennskunni“
- Jakob E. Jakobsson, eigandi Jómfrúarinnar, segir síðustu misseri hafa verið lærdómsrík
- Sumardjassinn verður á sínum stað um verslunarmannahelgi - Er með stækkun á prjónunum
Veitingamaður Jakob Einar Jakobsson keypti Jómfrúna ásamt Birgi Þ.
Bieltvedt af föður sínum og Guðmundi Guðjónssyni árið 2015. Árið 2020
varð Jakob eini eigandi staðarins þegar hann keypti hlut Birgis að fullu.
Að nýju Sumardjassinn hóf göngu sína að nýju um miðjan júní eftir langt
hlé en sóttvarnaaðgerðir hafa að mestu komið í veg fyrir viðburðinn, sem
haldinn hefur verið nær óslitið, að síðasta ári undanskildu, frá árinu 1996.
10 FRÉTTIR
Innlent
MORGUNBLAÐIÐ FIMMTUDAGUR 29. JÚLÍ 2021