Morgunblaðið - 29.07.2021, Blaðsíða 32

Rósa Margrét Tryggvadóttir
rosa@mbl.is
Steinar Fjeldsted, tónlistarmaður og
einn af stofnendum Hjólabrettaskóla
Reykjavíkur, segir það gríðarlega
mikilvægt fyrir hjólabrettasportið
að fá það inn á Ólympíuleikana. Seg-
ir hann að stefnan sé nú sannarlega
tekin á að senda Íslending á Ólymp-
íuleikana en til þess þurfi góða að-
stöðu og meiri meðbyr.
Hjólabrettaskóli Reykjavíkur hef-
ur verið starfandi í um sjö ár en gríð-
arlega margir sækja námskeið í
skólanum að sögn Steinars, aðallega
börn, en einnig fólk á öllum aldri. Í
viðtali við Ísland vaknar í vikunni
sagði hann að elsti nemandinn hafi
verið 70 ára þegar hann sótti nám-
skeið hjá skólanum.
Steinar benti þó á að ekki séu allir,
„skeitarar“ sammála um hversu gott
það sé fyrir íþróttina að vera nú orð-
in hluti af Ólympíuleikunum.
„Það eru skiptar skoðanir á því að
vera á Ólympíuleikunum, vegna þess
að sumir vilja halda í lífsstílinn. Að
vera á götunni. Svona jaðarfíling-
inn,“ útskýrði Steinar.
Mun minna um fordóma í dag
„Samt sem áður er þetta rosalega
gott fyrir hjólabrettið. Það fær
þessa viðurkenningu sem mér
finnst hjólabrettið eiga skilið,“ sagði
hann. Steinar sagði að fordómar
gagnvart hjólabrettasportinu og
„skeiturum“, eins og hjólabrettafólk
kallar sig, hafi verið miklir á þeim
tíma sem hann byrjaði á hjólabretti
á síðasta áratug 20. aldar.
„Ég var bara handtekinn niðri í
bæ,“ sagði hann.
„Svo var bara sagt að ég væri að
keyra niður gamlar konur, sem ég
var ekki að gera. Og stela, sem ég
var ekki að gera. Ég var stimplaður
vandræðagemsi. En fæstir af okkur
voru vandræðagemsar,“ sagði
Steinar sem benti á að andrúms-
loftið hafi sem betur fer breyst til
muna síðan þá og að mun minna sé
um fordóma í garð hjólabrettafólks.
13 ára ólympíumeistari
Hann segir alveg frábært að geta
fylgst með keppendum á Ólympíu-
leikunum og bendir á, að af stelp-
unum þremur sem keppa séu tvær
þrettán ára. Sú þriðja er sextán ára.
Momiji Nishiya, þrettán ára, varð á
mánudag yngsti ólympíumeistari
sögunnar þegar hún sigraði í keppni
á hjólabrettum.
Sagði Steinar að markmiðið væri
að senda Íslending á Ólympíu-
leikana, en svo það verði að veruleika
þurfi góða aðstöðu innanhúss, enda
sé erfitt að æfa sig úti allan ársins
hring hér á landi. Einnig þurfi góðan
meðbyr, en Steinar benti á að í ná-
grannalöndum okkar, Svíþjóð og
Danmörku, væri verið að setja mikið
fjármagn í hjólabrettasportið, þar
sem það sé jafnvel komið inn í skóla-
kerfið.
„Ef innanhússaðstaðan er góð þá
getum við sent keppanda á Ólympíu-
leikana. [Við] stefnum að því að
senda „hjólabrettaskeiter“ á Ólymp-
íuleikana,“ sagði hann.
Hjólabrettaskóli Reykjavíkur er
löggilt íþróttafélag sem er í eigu
Steinars, Sigrúnar Guðjohnsen,
Freymars Þorbergssonar, Óðins
Valdimarssonar og Sigurðar Pálma-
sonar. Hægt er að hafa samband við
félagið á Facebook og á hjola-
brettaskoli@gmail.com.
Stelpur og strákar Forsvarsmenn Hjólabrettaskóla Íslands eru stoltir af
því að jafnt kynjahlutfall sé hjá krökkum sem sækja námskeið skólans.
Undir berum himni Kennsla á hjólabretti fer hér fram undir berum himni
en sprittið er að sjálfsögðu ekki langt undan á æfingum um þessar mundir.
Flott Kátir krakkar sækja námskeið í íþróttafélaginu Hjólabrettaskóla Reykjavíkur en Steinar Fjeldsted, hjólabrettakennari og einn af stofnendum skólans, kennir krökkunum hjólabrettasportið.
Breyting Steinar Fjeldsted segir að margt hafi sem betur fer breyst síðan
hann var ungur og stimplaður vandræðagemsi fyrir að vera á hjólabretti.
Mikið breyst síðan hann var handtekinn á bretti
Ljósmyndir/Hjálabrettaskóli í Reykjavíkur
MORGUNBLAÐIÐ FIMMTUDAGUR 29. JÚLÍ 2021
...algjör snilld! Hlaða Draga út og vefja Þrýsta og skera Geyma
• Klippir plastfilmur og ál
• 35% sparnaður
• Ódýrari áfyllingar
• Má setja í uppþvottavél
Engar flæ
kjur
Ekkert v
esen
Ómissandi í eldhúsið
Fæst í FK, Hagkaupum, Byko, Nettó, Krónunni og Húsasmiðjunni
www.danco.is
Heildsöludreifing