Rit Landbúnaðardeildar : B-flokkur - 01.04.1953, Qupperneq 104

102
Áburður var hálfur skammtur haugur, 50 tonn á lia, 150 kg kalí, 300
kg superfosfat og 300 kg brennisteinssúrt ammoniak.
Árangurinn af þessum tilraunum er sýndur í töflu XCVI, og bendir
hann til þess, að 7— 9cm setningardýpt hafi að jafnaði reynzt bezt. Við
dýpstu og grynnstu setningu varð heldur meira smælki. Gildir þetta um
tvær fyrstu tilraunirnar, en ekki þá síðustu (1941).
Mjög djúp setning, 12 cm eða dýpri, er verri en mun grynnri. Kemur
hér einkum til greina, að með tiltölulega grunnri setningu kemur fyrr
upp, en síðar þar sem djúpt er sett. Djúp setning torveldar upptöku og
reynist oftast mun verr, einkurn í köldum sumrum. Tryggast verður því
að setja útsæðið fremur grunnt, en í stað þess að hlú að eða hreykja, svo
að vöxtur kartaflnanna sé sem mest í upphleyptum moldarhryggjum.
Með þeirri aðferð verður upptakan auðveldust. Má því telja, að 7—9 cm
sáðdýpi eða grynnra verði bezta sáðdýpi í öllum moldar- og mýrarjarð-
vegi.
7. Tilraunir með upptökutíma á sjö kartöfluafbrigðum.
Tilraunir þessar voru gerðar við sömu skilyrði og aðrar kartöflu-
ræktartilraunir. í töflu XCVII er árangur af upptökutíma sjö kartöflu-
afbrigða í tvö sumur. Annað sumarið, 1940, var kalt og slæmt, en það
síðara gott, enda var mikill munur á uppskerunni. Fyrra sumarið er sölu-
hæf uppskera allra kartöfluafbrigðanna við fyrstu upptöku það lítil, að
ekki er arðvænlegt að taka upp til sumarsölu, því að frá fyrstu upptöku
til þeirrar síðustu eru 24 dagar, en á þessum tíma tvöfaldast til tvö og
hálffaldast uppskeran. Síðara sumarið er þetta á annan veg. Þá varð
söluhæf uppskera við fyrstu upptöku það mikil, 111—190 tn. af ha, en
aukningin við áframhaldandi vöxt til 11. september minni en fyrra árið.
Eru þó áhöld um það, hvort svarað hafi kostnaði að taka upp til sumar-
sölu. Þó fer það að sjálfsögðu nokkuð eftir verðlagi að sumri og hausti.
Sterkjurannsókn var gerð á öllum afbrigðum alla upptökutíma sum-
arið 1941, og sést árangurinn af þeim í töflu XCVIII.
Mestur verður sterkjuaukinn í Gullauga og Kerr’s Pink. Þær eru því
þurrefnisríkastar. En minnstur varð sterkjuaukinn hjá hinum fimm
fljótvöxnu afbrigðunum, sem öll gefa mjög þurrefnisrýra uppskeru.
Það virðist því ekki vera álitlegt að rækta kartöflur til sumarsölu á
köldum jarðvegi og jafnvel þótt vel ári, á móts við það, að láta þær taka
út þann vöxt, sem hvert sumar tillætur ræktuninni. Á köldum jarðvegi