Heilsuvernd - 01.04.1948, Blaðsíða 57

HEILSUVERND
55
nefndu höfðu miklu stærra merghol en hinna fyrrtöldu, og beina-
bygging öll var veikari.
Gerill sá, sem próf. Möllgaard notaði við tilraunina, er kallaður
lacto Y 48 og hefir fundizt í meltingarfærum lifandi grísa. Hins-
vegar lifa streptókokkarnir ekki í meltingarfærum dýra eða manna.
Möllgaard dregur þá ályktun af þessum tilraunum, að það hafi mikla
þýðingu fyrir heilbrigði dýra og manna, og sér i lagi fyrir þroska
ungviða, að mjókursýrugerlar hafist við í meltingarfærunum, og
framar öðru virðist Það skipta miklu máli fyrir nýtingu kalks og
fosfórs i fæðunni, eins og kemur fram í hinum mikla mun á beina-
byggingu tiiraunadýranna. Dönsk blöð hafa skýrt frá þessum niður-
stöðum með stórum og feitletruðum yfirskriftum, enda hefir þessi
uppgötvun geysiþýðingu fyrir svínaræktina. Svinaeigendur bíða ár-
lega mikið tjón vegna þess, að grísunum hættir svo mjög til að
hrasa og beinbrjóta sig, áður en þeir hafa náð nægum þroska til
slátrunar. Með því að gefa þeim rétta tegund súrmjólkur, er ráðin
bót á þessu, og grísirnir þroskast fyrr. Mundi þetta spara þjóðina
árlega hundruð þúsunda króna.
Júgúrt-mjólkinni og íslenzka skyrinu hefir lengi verið viðbrugðið
sem sérstaklega heilnæmum fæðutegundum. Það hafði reynslan
kennt forfeðrum okkar, án þess að þeir hefðu — eða kærðu sig
um — nokkra vísindalega skýringu á þeirri hollustu. Hér virðast
nútíma vísindi enn sem oftar hafa staðfest gamla reynsluþekkingu.
1 júgurtmjólkinni eru stafgerlar, gerlar af sömu tegund eru í skyri,
og eru þeir komnir úr kálfsmögum. Þessir gerlar hafa lifað og
tímgazt í meltingarfærum kálfsins og taka sér einnig bólfestu í
meltingarfærum mannsins og vinna þar á móti rotnunarbakteríunum.
Með því að borða skyr helzt daglega, annaðhvort tómt eða í
hræring, saman við hafragraut eða krúsku, stuðlum við að ræktun
þessa mikilsverða gerlagróðurs í meltingarfærum okkar.
Rannsóknir próf. Möllgaards staðfesta ennfremur kenningar þær,
sem Are Waerland heldur fram í bókum sínum og ritum um þýðingu
súrmjólkurinnar og byggðar eru m. a. á kenningum enska líffræð-
ingsins Sir Arthurs Keith um hlutverk sýrugerla í meltingarfærum
og þörmum manna. Frá þessu er rækilega skýrt í bók Waerlands
Matur og megin, bls. 20 - 25.
Vegna þess að skyr er nokkuð þungur matur, en súrmjólk sér-
staklega auðmelt, væri æskilegt að sem flest mjólkurbú tækju upp
súrmjólkurgerð með skyrgerlagróðri í stað streptókokkagróðurs, sem
nú er notaður við framleiðslu súrmjólkur.Einnig þyrfti að gefa al-
menningi tækifæri til að framleiða slíka súrmjólk í heimahúsum
með því að gefa þeim kost á að afla sér hinna réttu gerla og láta