Strandapósturinn - 01.06.1987, Qupperneq 113

unnið hjá Magnúsi á ísafirði þar sem Jón bróðir hans var verk-
stjóri. Arni átti lítið timburhús á Drangsnesi. Svo gerist það 1929
að Arni flytur með hús sitt inn að Hamri, en hann hafði þá
keypt hluta í jörðinni Gautshamri. Hann setti húsið sitt á grunn
við sjóinn rétt innan við Hamarsbælið og fór að taka á móti fiski
og verka fyrir Kaupfélagið á Hólmavík. Sama ár mun hann hafa
á kostnað kaupfélagsins gert vísi að fiskplani með viðlegukanti
fyrir litla báta á klettunum neðan við Hamarsbælið. Guðmundur
Jóhannsson bóndi á Kleifum aðstoðaði Árna við það verk.
Um leið og Árni settist þarna að flutti Halldór Magnússon
þangað sem flatningsmaður við fiskinn og er Halldór fyrsti mað-
urinn sem byggir sér íbúðarhús og sest þar að.
Þeir Halldór og Árni Andrésson keyptu saman mótorbát og
var Halldór eftir það formaður á bátnum sem hét Rut. Það er
greinilegt að framtak Árna í Hamarsbælinu var vísir að þeirri
byggð sem þar myndaðist á næstu árum.
Einar Sigvaldason er lengi hafði verið á togurum settist þarna
að og byggði lítið hús og við hlið þess byggðu tveir menn vestan
úr Arnardal sér skúra, þeir Sigurður Þorleifsson síðar búsettur í
Grindavík og Guðmundur Jóhann Guðmundsson er síðar fórst í
sjó af færeysku skipi. Matthías Aðalsteinsson átti þar hús sem
hann flutti suður til Hólmavíkur.
Jón Atli Guðmundsson frá Gautshamri bjó um skeið í Hamars-
bæli. Hann átti árabát er hann reri á haustum. Hann var bróðir
Guðmundar Guðmundssonar í Bæ sem Bæjarætt er kennd við.
Jón fékk Guðmund til að stækka bátinn er hann kallaði Val og
setti vél í hann. Þess skal getið hér fyrir þá sem ekki þekkja til
þarna að Árni Andrésson og Halldór Magnússon voru báðir
kvæntir dætrum Guðmundar í Bæ eins og sjá má í Bæjarætt eftir
Ara Gíslason. Þuríður ekkja Árna og Matthildur ekkja Halldórs
búsettar í Reykjavík hafa sagt mér ýmislegt um þetta tímabil sem
hér er rætt um.
Á árunum sem ég var þarna með annan fótinn frá 1931 til
1940 var fjörugt verbúðalíf í Hamarsbæli. Árni var vinsæll
atvinnurekandi og flestir bátar af Selströnd lögðu upp hjá hon-
um, sumir að staðaldri en aðrir þegar þeim hentaði, annars voru
111