Strandapósturinn - 01.06.1987, Qupperneq 119

Bergur reri þá frá Hafharhólmi. Gunnar Guðmundsson frá Bæ
reri á bát sem hét Reynir, en Gunnar varð síðar þekktur afla-
maður syðra.
Síra Jón Norðfjörð prestur á Hólmavík kom með vélbát sem
hét Ósk. Þann bát keyptu þeir Torfi Guðmundsson á Drangsnesi
og bræður hans. Fyrsti formaður á Ósk var Andrés Konráðsson á
Hólmavík síðar í Borgarnesi, en Torfi var lengi formaður á Ósk.
Guðmon Guðnason faðir Inga á Fiskinesinu átti norska skektu í
elli sinni og var þá hjá Inga á Fiskinesinu. Guðmon reri jafnan
einn og með færi sem hann dorgaði með. Hann var áður for-
maður og bjó þá á Kaldrananesi en lengst af bjó hann í Kol-
beinsvík. Um Guðmon var gerð þessi vísa:
Guðmon leiðir áraörn
út á reyðarslóðir,
sjór þófreyði um fiskatjörn
frá sér greiðir lóðir.
Lárus Guðmundsson frá Byrgisvík varð ungur formaður á
Drangsnesi. Þar byggði hann sér hús, en flutti síðar að Ögri við
Stykkishólm. Hann mun stundum hafa lagt upp í Hamarsbælinu
en oftast á Drangsnesi. Hann reri um tíma á bát er hét Svalan.
Eg hef helst gedð hér báta sem lögðu upp fisk í Hamarsbælinu
en flestir munu þessir bátar hafa einnig lagt upp á Drangsnesi.
Auðvitað voru fleiri bátar þarna að verki. Greinarkorn þetta er
skrifað eftir minni mínu og annarra sem ég hef talað við.
Þegar Árni Andrésson byggði sér stærra hús skammt frá litla
húsinu sem hann flutti frá Drangsnesi, keypti Karl Guðmundsson
frá Bæ gamla húsið og gerðist formaður á trillu þaðan. Ekki man
ég eftir bát hans. Bræður hans Halldór og Guðmundur Ragnar
bændur í Bæ voru báðir formenn á trillum og lögðu stundum
upp í Hamarsbæli. Hausdð 1939 eftir að stríðið mikla hófst,
komu skútur þarna flestar frá Færeyjum og keyptu allan fisk sem
þær gátu fengið og greiddu hærra verð en áður bauðst. Við það
minnkaði óðum það fxskimagn, sem kom á land í Hamarsbæli.
Nokkrum árum eftir stríðið lagðist fiskur af Húnaflóa. Sfldin
117