Bændablaðið - 02.12.2021, Qupperneq 14

14 Bændablaðið | Fimmtudagur 2. desember 2021
Fóður er eitt af stærstu útgjalda­
liðum búfjárbænda en það getur
talið um 10­15% af veltu bús.
Smáforrit Bústólpa er tækninýjung
sem býður bændum að panta helstu
fóðurtegundir og vörur verslunar­
innar úr símanum.
„Við erum að auka þjónustuna við
bændur þannig að það sé fljótlegt að
panta fóðrið og þegar þeim hentar, en
ekki endilega á opnunartíma Bústólpa.
Við sáum fyrir okkur þegar bóndinn
fer í fjósið og sér að það vantar fóður
þá geti hann tekið upp símann og
pantað fóður á örfáum mínútum,“
segir Hanna Dögg Maronsdóttir,
markaðsstjóri Bústólpa. Smáforritið
fór í loftið í byrjun mánaðarins og
hafa bændur tekið vel í þessa nýjung.
„Bændur eru orðnir mun tæknivæddari
en marga kann að gruna.“
Undir það tekur Guðrún Harðar­
dóttir, kúabóndi á Hvassafelli í
Eyjafjarðarsveit. Mýtan um ótækni­
vædda bóndann eigi ekki við lengur.
„Við nýtum okkur alls kyns tækni
við okkar búskap og við tileinkum
okkur nýjungar eftir bestu getu.
Við erum með mjaltaþjón í fjósinu,
mykjuþjark og gjafakerfi og getum
tengst öllu fjósinu gegnum símann.
Smáforritið eykur þægindin við
pöntun á fóðri þar sem ég get pantað
þegar hentar óháð opnunartíma.“
/ghp
FRÉTTIR
Hrútaskrá sauðfjár sæðinga­
stöðvanna veturinn 2021­2022
hefur verið prentuð og er komin
í dreifingu. Í komandi sæðingar­
vertíð standa 48 úrvalshrútar til
boða á sæðingastöðvunum, en
útsending sæðis hófst í gær, 1. des­
ember og stendur til 21. desember.
Í tilkynningu vegna útgáfunnar
kemur fram að þrjátíu hrútar séu
hyrndir af þessum 48 sem eru í boði
– þar af einn ferhyndur – en fjórtán
kollóttir. Þá eru í skránni tveir feld­
fjárhrútar og loks tveir forystuhrút­
ar. „Í hópi þessara hrúta er að finna
nítján hrúta sem eru að hefja sinn
fyrsta vetur á stöð. Hér ættu því allir
sauðfjárræktendur að geta fundið hrút
til notkunar sem fellur að þeirra áhuga
og kröfum,“ segir í tilkynningunni.
Í Hrútaskránni eru nokkrar grein­
ar, auk þess efnis sem venjulega er
í útgáfunni, meðal annars nýlegar
greinar um riðuarfgerðir og svo gula
skrokkfitu.
Ritstjóri er Guð mundur Jó hannes ­
son, ráðu nautur hjá
Ráð gjafar mið stöð
l a n d b ú n a ð a r i n s
(RML), en lýsingar
og um sagnir hrúta
skrifuðu þeir Eyjólfur
Ingvi Bjarnason,
Eyþór Einars son,
Lárus G. Birgisson
og Árni Brynjar
Bragason.
Dreifingin með
ýmsu móti
Guðmundur segir að Hrútaskráin sé
prentuð í 2.600 eintökum og dreifing
sé með ýmsu móti. „Frá prentsmiðju
fer hún um leið og pökkun er lokið
með Flytjanda norður, fulltrúar frá
Selfossi og Borgarnesi sækja hana í
prentsmiðju og svo er henni komið í
flug á Egilsstaði.
Þá taka búnaðarsamböndin við
keflinu og ýmist senda hana með
pósti eða koma henni til manna
með öðrum hætti.
Sem dæmi ligg­
ur hún frammi í
Kaupfélaginu í
Borgarnesi.“
Skráin er einnig
aðgengileg í
gegnum vef RML
Margir aðrir koma
að útgáfunni; vinnsla
gagna hefur að lang­
mestu leyti verið
í höndum Eyjólfs Ingva, Sigurður
Kristjánsson sá um prófarkalestur
ásamt höfundum lýsinga og Rósa
Björk Jónsdóttir um umbrot.
Myndir í skránni eru eftir Höllu
Eygló Sveinsdóttur og Anton Torfa
Bergsson. Greinar í skránni eru
eftir Eyþór Einarsson, Karólínu
Elísabetardóttur og Stefaníu
Þorgeirsdóttur. Þorsteinn Ólafsson
samdi texta um sauðfjársæðingar og
beiðsli. /smh
Prentaða útgáfa Hrúta-
skrárinnar komin út
Sveitarstjórn Húnaþings vestra samþykkti að hefja hópfjármögnun vegna
framkvæmda við Vatnsnesveg, númer 711 og er stefnt að því að safna
100 milljónum króna, nægilegu fjármagni til að unnt sé að hefja hönnun á
veginum sem er um 70 kílómetra langur. Mynd / Húnaþing Vestra
Þjóðvegurinn um Vatnsnes í slæmu ástandi:
Íbúar hópfjármagna
byrjun framkvæmda
– Stefnt að því að safna 100 milljónum króna
„Undanfarin ár hefur sveitar­
stjórn Húnaþings vestra lagt
áherslu á að framkvæmdum við
Vatnsnesveg verði flýtt vegna mjög
slæms ástands vegarins, sem hefur
veruleg áhrif á lífsgæði þeirra sem
búa á Vatnsnesi. Verulega aukin
umferð ferðamanna hefur einnig
haft áhrif á fyrrnefnt ástand og
slys á veginum of tíð,“ segir í
bókun sem samþykkt var á fundi
sveitarstjórnar Húnaþings vestra.
Á þeim fundi var einnig samþykkt
að hefja hópfjármögnun vegna
framkvæmda við Vatnsnesveg,
númer 711.
Fram kemur í bókun sveitar­
stjórnar að Vatnsnesvegur sé kominn
inn á samgönguáætlun, en ekki er
gert ráð fyrir að framkvæmdir við
hann hefjist fyrr en á þriðja tímabili
áætlunarinnar, þ.e. á árunum 2030­
2034, og það sé óviðunandi fyrir
íbúa Húnaþings vestra.
Leggja ríkisvaldinu lið
Sveitarstjórn Húnaþings vestra
leggur mikla áherslu á að
Vatnsnesvegur komist framar á
samgönguáætlun, hönnun vegarins
fari strax af stað og framkvæmdum
við hann verði flýtt. Til að það sé
hægt þurfi aukið fjármagn í mála­
flokkinn.
„Því hefur sveitarstjórn
Húnaþings vestra ákveðið að leggja
ríkisvaldinu lið og hefja hópfjár­
mögnun til að hægt sé að flýta fram­
kvæmdum við Vatnsnesveginn og
að þær hefjist fyrr en gert er ráð fyrir
í samgönguáætlun,“ segir í bókun
sveitarstjórnar.
Kostnaður um 3,5 milljarðar
Á samgönguáætlun er áætlaður
kostnaður við veginn 3,5 milljarðar
króna en heildarlengd hans er um 70
kílómetrar. Til að hægt sé að flýta
framkvæmdum við veginn og koma
hönnun strax af stað er lagt upp með
að safna 100 milljónum króna sem
er einungis brot af kostnaði vegarins
en hins vegar nægjanlegt til að hefja
hönnun strax.
Þegar markmiði söfnunar er
náð mun upphæðinni verða komið
til samgöngu­ og sveitarstjórna­
ráðuneytisins með þeim formerkjum
að hún verði nýtt til uppbyggingar
Vatnsnesvegar númer 711. /MÞÞ
Markaðsstofa Norðurlands:
Óviðunandi vetrarþjónusta við
vinsæla ferðamannastaði
Það er til mikils að vinna að koma
á bættri vetrarferðaþjónustu á
Norðurlandi. Eins og staðan er
nú er hún óviðunandi á nokkrum
vinsælum ferðamannastöðum á
svæðinu. Þar má nefna nýopnað­
an Demantshring þar sem nýr og
uppbyggður vegur var opnaður
frá Dettifossi og að Ásbyrgi í fyrra
og einnig Vatnsnesveg að Hvítserk.
St jó rn Markaðss to fu
Norðurlands hefur sent frá sér
ályktun þar sem vakin er athygli
á því hve slæm vetrarþjónusta er
hér og hvar um norðanvert landið.
„Ástandið er í hróplegu ósamræmi
við yfirlýsta stefnu stjórnvalda um
jafna árstíðasveiflu í ferðaþjónustu.
Ferðaþjónustan hefur upplifað
mikil áföll undanfarin misseri
og ríður á vaðið að ryðja úr vegi
hindrunum sem koma í veg fyrir
viðspyrnu í greininni, enda eykur
góð vetrarþjónusta líkurnar á
verðmætasköpun í ferðaþjónustu.
Skortur á vetrarþjónustu stofnar
öryggi vegfarenda í óþarfa hættu og
ætti að vera forgangsmál að bæta þar
úr til að tryggja öryggi og upplifun
gesta og íbúa,“ segir í ályktuninni.
Í markaðssetningu á áfangastaðn­
um Norðurlandi skipta samgöngur
gríðarlega miklu máli og þá sér­
staklega með tilliti til vetrarferða­
þjónustu. Áfangastaðir á borð við
Hvítserk, Dettifoss og Ásbyrgi eru
eftirsóttir hjá erlendum ferðaskrif­
stofum og ferðamönnum allan ársins
hring. MN hefur fundið fyrir þess­
um mikla áhuga á ferðakaupstefnum
erlendis og því er til mikils að vinna
að koma á bættri vetrarþjónustu á
Norðurlandi.
Stjórn Markaðsstofu Norðurlands
skorar á ríkisvaldið að bæta til
muna vetrarþjónustu á vinsælum
ferðamannastöðum á svæðinu og
horfa þar sérstaklega til nýopnaðs
Demantshrings og Vatnsnesvegar
að Hvítserk. /MÞÞ
Það er til mikils að vinna að bæta vetrarþjónustu á Norðurlandi. Áfangastaðir
eins og Hvítserkur, Dettifoss og Ásbyrgi eru eftirsóttir meðal erlendra
ferðamanna en vetrarsamgöngur að þeim eru óviðunandi.
Mynd / Markaðsstofa Norðurlands
Um 90% Íslendinga borða laufabrauð um jólin:
Konur borða meira af
laufabrauði en karlar
Um 90% þjóðarinnar borða
laufabrauð um jólin samkvæmt
könnun sem Gallup gerði fyrir
Gæðabakstur. Stærsti aldurs­
hópurinn sem borðar laufabrauð
er 18­24 ára og 35­44 ára, eða
91%.
Þá eru ívið fleiri konur en karl­
ar sem borða laufabrauð. Hlutfall
kvenna er 92% en karla 88%. 35%
þeirra sem borða laufabrauð borða
það alltaf eintómt, en 65% nota
álegg/smur og/eða ídýfur. Yngra fólk
borðar laufabrauð frekar eintómt.
,,Í upphafi var laufabrauðið eink­
um vinsælt á Norðurlandi en þokað­
ist síðan hægt suður yfir heiðar. Á
síðustu áratugum hefur laufabrauðið
áunnið sér fastan sess í jólahaldi þús­
unda Íslendinga um allt land.
Ætla má að þessi ágæti jólasið­
ur hafi borist með fjölskyldum sem
fluttu af Norðurlandi í aðra lands­
hluta,” segir Gísli Þorsteinsson, sölu­
og markaðsstjóri Gæðabaksturs.
/MHHLaufabrauðssteiking. Mynd / HKr.
Tæknivæðing bænda er engum takmörkunum háð:
Pantar fóður gegnum smáforrit
Guðrún Harðardóttir, kúabóndi á
Hvassafelli í Eyjafjarðarsveit.
Mynd / GH