Bændablaðið - 02.12.2021, Qupperneq 64

64 Bændablaðið | Fimmtudagur 2. desember 2021
MATARKRÓKURINN
LÍF&LYST – BÆRINN OKKAR
Sigurður flytur á Sléttu ásamt
foreldrum sínum og systkinum
frá Nesi í Loðmundarfirði
árið 1953. Síðan féll faðir hans
skyndilega frá árið 1974 og tók
Sigurður þá við búinu á Sléttu
að fullu.
Dagbjört flytur á Sléttu 1975 og
hefjast þau þá handa við að byggja
upp jörðina þar sem húsakostur var
lítill og lélegur. Þuríður og Guðjón
byggðu annað einbýlishús á jörðinni
2019 og eru smám saman að taka
við búinu.
Býli: Slétta.
Staðsett í sveit: Reyðarfjörður,
Fjarðabyggð.
Ábúendur: Sigurður Baldursson og
Dagbjört Briem Gísladóttir, Þuríður
Lillý Sigurðardóttir og Guðjón Már
Jónsson.
Fjölskyldustærð (og gæludýra):
Sigurður og Dagbjört eiga saman 2
börn, Þuríði Lillý og Róbert Marinó,
fyrir á Sigurður einn son, Brynjar
Sindra. Þuríður og Guðjón eiga svo
saman eina dóttur, Dagbjörtu Ósk. Á
Sléttu eru svo fjórir hundar og einn
köttur, svo telur fiðurfénaðurinn 19
stykki sem eru óttaleg gæludýr.
Stærð jarðar? Um 3.000 hektarar
en þar af er mikið fjallendi.
Gerð bús? Sauðfjárbú með sölu
jarðefna sem auka tekjur.
Fjöldi búfjár og tegundir? Á
Sléttu eru 520 gripir á vetrarfóðrum.
Við framleiddum 12,5 tonn af
lambakjöti 2021 og settum á 90
lömb. Einnig erum við með 11 hross
okkur til yndisauka.
Hvernig gengur hefðbundinn
vinnudagur fyrir sig á bænum?
Þuríður og Sigurður gefa fénu á
morgnana, sinna tilfallandi störfum
á daginn eftir árstíma og gefa aftur
seinni partinn. Guðjón vinnur sem
verkstjóri á vélaverkstæði VHE á
Reyðarfirði og Dagbjört vinnur í
Lyfju Reyðarfirði.
Skemmtilegustu/leiðinleg-
ustu bústörfin? Skemmtilegustu
bústörfin eru klárlega smala-
mennskur, sauðburður og hey-
skapur. Leiðinlegasta bústarfið er
skítmokstur.
Hvernig sjáið þið búskapinn fyrir
ykkur á jörðinni eftir fimm ár?
Við höfum hug á því að bæta við
búgrein sem vonandi kemur í gagn-
ið á næstu tveimur árum. Fjárhúsin
eru full og höfum við ekki hug á að
byggja við þau eða fjölga fénu eins
og staðan er í dag. Við höldum þó
áfram að efla stofninn hjá okkur og
auka við framleiðsluna.
Hvar teljið þið að helstu tæki-
færin séu í framleiðslu íslenskra
búvara? Við teljum helstu sóknar-
færin í sauðfjárrækt vera að bjóða
upp á ferskt lambakjöt fleiri mánuði
ársins.
Hvað er alltaf til í ísskápnum? Á
báðum heimilum er alltaf til þorska-
lýsi, mjólk, ostur og smjör.
Hver er vinsælasti maturinn á
heimilinu? Lambakótilettur í raspi
og ýmsir réttir úr ærhakki.
Eftirminnilegasta atvikið við
bústörfin? Þegar Guðjón var að
dreifa skít og fór inn í skíthúsið til
að opna næsta hólf.
Það fór ekki betur en svo að hann
sat fastur upp að mitti í miðjum
skítahaugnum, í svarta myrkri og
engu símsambandi. Hann greip á það
ráð að grafa sig upp með höndunum
og komst þannig út, fór niður að á
til að skola gallann og mætti Sigurði
þegar hann kom til baka.
Sigurði fannst þetta frekar hlægi-
legt en benti Guðjóni á að taka með
sér planka til að leggja ofan á skít-
inn og gátu þeir þá loks opnað án
vandræða.
Hugmyndir að huggulegri aðventu
Aðventan er nú gengin í garð og
við hæfi að gefa svolítinn for-
smekk að jólunum.

Laxakrans
› 400 g sneiddur grafinn eða reyktur lax
› Extra virgin ólífuolía, til að setja yfir
› Sýrður rjómi eða graflaxsósa
› Glútenlaust kex eða skorpulaust þunnt
ristað brauð, til að bera fram
Það getur verið einföld lausn að skera
lax þunnt og raða saman í jólakrans
og svo skreyta með jurtum og salati
til að borða í jólaundirbúningnum.
Jólabrauðsneiðar
Notaðu afganga af einhverjum
jólalegum mat eða keyptu niðursneitt
álegg til að komast í aðventuandann
og til að búa til fullkomnar samlokur
eða smurbrauð.
Setjið majónes, í stað smjörs, á
brauðið og steikið á þeirri hlið í stað
þess að rista. Raðið skinku, osti eins
og brie, sýrðum rjóma með piparrót
eða sósu að eigin val og skreytið
með jólalegu meðlæti.
› 4 sneiðar hvítt brauð eða flatkökur (ef
það er hangikjöt á veisluborðinu)
› 4 msk. majónes
› Skinka eða hangikjöt
› (soðin egg)
› 8 brie ostasneiðar
› 3 msk. fínt skorið hvítkál eða ferskt
rauðkál
Skreytt kex og cookies
Hægt er að skreyta fleira en pipar-
kökur og því er gaman að baka
cookies og skreyta í anda jóla.
Svo er líka hægt að kaupa kex og
orkustangir fyrir fullorðna og gera
jólaleg hreindýr og jólabjöllur.
› 20 litlar saltkringlur
› 10 rauðar M&M
› 20 sælgætisaugu
› 50 g dökkt súkkulaði, brætt, kælt
Setjið kexið og súkkulaðikökurnar
inn í ísskáp áður en þið skreytið.
Það hjálpar til við að flýta fyrir
bráðnun á súkkulaðinu.

Jólasmákökur fjölskyldunnar
Við vonum að þið hafið gaman af
hátíðarundirbúningi og skemmtun
við bakstur á þessu tímabili. Þetta
eru uppáhalds jólasmáköku uppskrift
fjölskyldunnar okkar! Þær eru ekki
bara ljúffengar heldur líka frábærar
til að gefa fjölskyldu, vinum og
nágrönnum eða setja í glugga fyrir
jólasveininn.

› 1 bolli púðursykur
› 1 bolli sykur
› ½ bolli smjör
› ½ bolli olía
› 2 egg
› 1 tsk. matarsódi
› 1 tsk. salt
› 1 tsk. lyftiduft
› 1 tsk. vanilla
› 3 bollar hveiti
› ½ bolli smá súkkulaðibitar
› 1 bolli M&M

Hitið ofninn í 350 gráður. Hrærið
saman smjör, olíu og sykur.
Bætið eggjum út í og þeytið þar til
það er ljóst.
Bætið matarsóda, salti, dufti, vanillu
og hveiti út í. Blandið vel saman.
Notið kökuskeið til að setja deigið
á smurðan kökubakkann. Skreytið
efst með 4-5 stk M&M.
Bakið við 170 gráður í 7-8 mínútur.
Bjarni Gunnar Kristinsson
matreiðslumeistari
bjarnigk@gmail.com
Slétta