Bjarmi - 01.09.2013, Blaðsíða 16

geta hæfileikar, áhugamál og menntun
verið liður í undirbúningi Guðs fyrir verk-
efni lífs okkar. Einnig þær aðstæður sem
við lendum í og fólkið sem verður á vegi
okkar. Það sem skiptir máli er að eiga
hugarfar Abrahams, leita vilja Guðs og
hlýða þegar hann kallar.
nij kcdLa.t CjucP
Fræðileg umfjöllun um köllun Guðs og
hlýðni við vilja hans er góð svo langt sem
hún nær. En hvaða máli skiptir þetta í
daglegu lífi, hvernig get ég vitað vilja
Guðsmeð líf mitt?
Enski presturinn john Stott, sem var
einn helsti leiðtogi evangelískra krist-
inna manna, glímdi við þessa spurningu
í bók sinni um kristna nútímamanninn
(The Contemporary Christian). Hann gerir
greinarmun á almennum vilja Guðs ann-
ars vegar sem á við um alla lærisveina
Jesú á öllum tímum og sértækum vilja
hans hins vegar sem á við um einstak-
linga í sérstökum aðstæðum. Almennan
vilja Guðs er að finna í Biblíunni og hann
hefur það að markmiði að við líkjumst
Jesú Kristi æ meira.
Sértækan viljaGuðserhinsvegarekki
að finna í Biblíunni þó að hann geti aldrei
gengið gegn hinum almenna vilja Guðs
sem þar er að finna. Hvernig getum við
þá leitað leiðsagnar Guðs og vilja hans
með líf okkar? Það er ekki á okkar valdi að
setja algildar reglur um það hvernig Guð
birtir vilja sinn. Hinn reyndi sálusorgari
nefnir þó fimm atriði sem eru hjálpleg í
þessu efni.
1. Fyrsta atriðið sem hann nefnir er að
veifo Guði forgang í lífi sínu og vera
tilbúinn að hlýða vilja Guðs hver sem
hann er. Það hefur takmarkað gildi
að leita vilja Guðs ef maður ætlar
ekki að fara eftir honum.
2. Næsta atriði er að biðja, spyrja um
vilja Guðs og búast við svari.
3. Þriðja atriðið er að tala við aðra,
þiggja ráð og sjá málin í víðara sam-
hengi.
4. í fjórða lagi komumst við ekki hjá því
að hugsa, velta fyrir okkur kostum
og göllum og taka upplýsta afstöðu.
5. Loks nefnir Stott mikilvægi þess að
bíða. Hann telur að það sé algengara
að menn flýti sér um of en að þeir
sýni af sér seinlæti. Guð hefur annað
tímaskyn en við og það er hann sem
hefuryfirsýnina.
(juci kcdU.1 a/ui
Abraham svaraði kalli Guðs og var
reiðubúinn að yfirgefa þá menningu sem
hann þekkti, félagslegt og fjárhagslegt
öryggi og margt af því fólki sem hann
var bundinn nánustum fjölskyldu- og
tilfinningaböndum. Hann hlaut ríkulega
blessun og varð til ómældrar blessunar
fyrir aðra. Hann tók eitt skref í einu en
Guð undirbjó allt og framkvæmdi sam-
kvæmt sinni tímaáætlun.
Guð er enn að starfi og vill enn veita
blessun. Heyrum við kall hans og viljum
við ganga inn í hans áætlun?
16 september 2013 bjarmi