Bjarmi - 01.09.2013, Blaðsíða 2

LEIODRI
Bjarmi flytur aö vanda fjölbreytt efni og
engin ellimörk er að sjá á þessu gamal-
gróna tímariti sem fjallar um kristna trú
og leitast við að gera það í nokkru sam-
hengi við málefni líöandi stundar. Það
er vandunnið verkefni en kristin trú og
kirkja hafa á öllum öldum átt í einhvers
konar samræðu við samtíma sinn. Þar
er vandrataða slóð að feta milli þess
annars vegar að gæta trúmennsku við
fagnaðarerindi Jesú Krists en hins vegar
að hlusta opnum huga á raddir samtíðar-
innar og taka þátt í umræðu um vanda
hennar og möguleika. Ef brugðist er í
hinu síðarnefnda er hætta á einangrun
og þverrandi áhrifum boðskapar Jesú
Krists í samfélaginu. Á hinn bóginn getur
kirkjan, í ýmsum myndum sínum, misst
tengslin við boðskap sinn og hlutverk ef
aðlögun að viðhorfum og blæbrigðum
hverrar tíðar gengur of langt. Þá hætta
lærisveinar jesú Krists að vera það salt
sem meistari þeirra fól þeim að vera.
Minnumst þess einnig að háværar raddir
eða viðurkenndar staðreyndir einnar
tíðar eru oft úrelt þekking eða fordómar
næsta tímabils.
Ólga og átök og stundum öfgar á
málflutningi virðast nokkuð áberandi í
þjóðfélagsumræðunni þessi árin í kjölfar
hrunsins svokallaða og stjórnmálamenn
eru sakaðir um að eyða meiri tíma í ill-
deilur en röklega samræðu um mikilvæg
mál. Oft hefur verið deilt hart á trúmála-
sviðinu hérlendis en hinar skörpu guð-
fræðilegu átakalínur tóku að trosna upp
á síðari hluta tuttugustu aldar. Skilningur
og samstarf milli kristinna trúfélaga
hefur einnig vaxið verulega nú síðari árin
hérlendis, til hins betra þó að varla sé
hægt að tala um að mikil átök eða illindi
hafi ríkt í þeim samskiptum áður.
Því fer þó fjarri að lognmolla ríki eða
hafi ríkt á síðustu árum á trúmálasviðinu.
Skemmst er að minnast átaka út af mál-
efnum og stöðu samkynhneigðra í sam-
félaginu og kirkjulegu samhengi en það
mál virtist í meginatriðum til lykta leitt í
þjóðkirkjunni á sínum tíma. Óvæntur ofsi
greip þó um sig útaf komu Franklins Gra-
ham sem verða mun aðalræðumaður á
Hátíð vonar nú síðla í september. Bjarmi
fagnar því að biskup íslands, frú Agnes
M. Sigurðardóttir, lætur ekki hrekja sig
frá því að standa við gefin loforð um
að flytja ávarp á hátíðinni. jafnframt
skal tekið undir þau ummæli biskups að
„tengsl við þau sem eru ólík okkur skerpa
sjálfsmyndina." Það orkar tvímælis að
varna fólki máls eða hópum sem ein-
hverjir áhrifamiklir eru ósammála í stað
þess að beita rökum gegn því sem rangt
er talið. Slík afstaða og vinnubrögð geta
þróast yfir í skaðlega þöggun. Að þurfa
ekki að verja málstað sinn með rökum
er málstaðnum einnig hættulegt til
lengdar.
Annað dæmi um viðkvæmt
umræðuefni þar sem einnig er stutt í
öfgar væri væntanleg bygging mosku á
áberandi stað miðsvæðis í Reykjavík. Af
öðrum toga er það mál sem er miðlægt í
umfjöllun þess blaðs og verður að teljast
dæmi um öfgar og ofstæki í málflutningi
og aðferðum, sjónarmiðum sínum til
framdráttar. Hér er átt við áhugavert
viðtal við Bjarna Randver Sigurvinsson.
Annars skulu viðtöl og greinar ekki kynnt
hér nánar en lesendum látið eftir að finna
áhugavertefni.
í önnum ritstjóra við önnur verkefni
tók undirritaður ritnefndarmaður að sér
að halda utan um útgáfu þessa tölublaðs
en vissulega með góðri samvinnu og
stuðningi af hálfu ritnefndarinnar allrar.
Vigfús Ingvar Ingvarsson
S. Waage ehf.
Garðabæ
rfQ^INGI
HÓPFERÐIR
5544466
GARÐHEIMAR
Hjálparstarf
Vji J kirkjunnar
GA
SMÍÐAJÁRN
5TPOIT

• frAbær verð A flottum merkjum •
Bjarmi 2. tbl. 107. árgangur, september 2013. ISSN1026-5244
Utgefandi: Salt ehf í samstarfi við Samband íslenskra kristniboðsfélaga
Ritstjóri: Vigfús Ingvar Ingvarsson Ritnefnd: Ragnar Gunnarsson, Dögg Harðardóttir,
Agnes Ragnarsson, Vigfús Ingvar Ingvarsson og Hermann Ingi Ragnarsson.
Prófarkalestur: Þorgils Hlynur Þorbergsson
Afgreiðsla: Háaleitisbraut 58-60,108 Reykjavík, sími 533 4900, fax 533 4909.
Kennitala Salts: 600678 0789, reikningsnúmer 0117 26 017476,
IBAN: IS18 0117 26017476 6006 7807 89, SWIFT: NBIIISRE
Vefslóðir: www.bjarmi.is,www.sik.is og www.saltforlag.is. Netpóstur: ragnar@sik.is
Árgjald 3.600 kr með greiðsluseðli (þrjú tölublöð) 3.300 ef greitt er beint eða með
korti) innanlands, 5.000 til útlanda. Gjalddagi 1. april. Verð í lausasölu 1200 kr.
Forsíðumynd: © hag
Umbrot og hönnun: Hermann Ingi Ragnarsson
Prentun: Oddi
bjarmi.is