Bjarmi - 01.04.2018, Síða 36

Karlmeimsfliu-
hreyffingin
Fjórða §kr((an
Karlmennskuhreyfing sem kennir sig við „4.
skyttuna" hefur breiðst hratt út á síðustu
árum. Hún á reyndar rætur að rekja til
hugmyndar konu. í september árið 2007
var hollenski presturinn Henk Stoorvogel á
fremur leiðinlegum stað í lífi sínu. Hann var
ekki í jafngóðu sambandi við nána vini sína
og áður og fann til innri tómleika. Ruth kona
hans spurði þá Henk mann sinn: „Hvers
vegna ekki að stofna hreyfingu karlmanna?
Ekki þar sem hist er í einhverjum sölum
og talað heldur hreyfingu sem getur boðið
spennu og ævintýri!"
Þetta hljómaði sem fagnaðarsöngur í
eyrum Henks og hann bauð bestu vinum
sínum í Hollandi, m.a. tveimur prestum eða
forstöðumönnum, í mat til að velta þessu
fyrir sér. Henk hafði þá nýlokið lestri bókar
Alexanders Dumas um skytturnar þrjár. f
bókinni segir frá D'Artagnan, ungum manni
með það eina markmið að verða skotliði
(musketeer) í liði Frakkakonungs. í för sinni
hittir hann skotliðana þrjá: Athos, Portos
og Aramis. Saman mynda þessir fjórir
harðsnúna sveit fyrir konunginn.
Henk útskýrði að þessir fjórir hafi
upphaflega verið persónuleg framvarðasveit
konungsins franska sem lagði líf sitt að
veði fýrir heiður hans. „Einn fýrir alla og allir
fýrir einn“ var kjörorð þeirra. Þeir vissu að
þeir gætu treyst hver öðrum. Saga þeirra
endurspeglaði ósk hreyfingarinnar: Að heiðra
konunginn með því að standa saman í
úrslitamanndómsrauninni. Hreyfing Fjórðu
skyttunnar (eða skotliðans) varð til.
Það var svo árið 2008 sem fýrsta „mann-
dómsprófið" var útfært í Ardennafjöllunum
í Belgíu. Þátttakendur voru 88 hollenskir
karlmenn. Þeir fóru saman í gegnum blauta
og kalda þrekraun en jafnframt stórkostlegt
ævintýri sem átti eftir að breyta lífi þeirra
varanlega.
Frá árinu 2008 hefur þessi hugmynd
breiðst út til Englands, Þýskalands, Belgíu,
Bandaríkjanna, Sviss, Þóllands, Suður-Afríku,
Austurríkis og Noregs og þúsundir karlmanna
tekið þátt. Vinátta hefur styrkst, uppörvun
verið meðtekin og tengsl verið mynduð á ný.
Þetta hefur gerst í 8-10 manna hópum
þar sem menn hafa saman í fjóra daga
reynt á sig í glímu við náttúruöflin, sjálfa sig
og Guð. Þessu fýlgir líkamleg áreynsla en
einnig félagslegur og andlegur innblástur. Úti
í náttúrunni og í baráttunni sem fýlgir, fæst
nýr styrkur og efld sjálfsmynd og eins og á
pílagrímsgöngum er jafnframt um að ræða
innra ferðalag frá höfðinu til hjartans. Það
ferðalag getur tekið meira á en það erfiði sem
líkamlegu áreynslunni fylgir.
Tengslin við náttúruna skipta hér verulegu
máli, sérstaklega fýrir borgarbúa sem kunna
að hafa fjarlægst hana. Tilveran öll er sett í
nýjan ramma þar sem Guð og sköpun hans
skipa sinn skýra sess.
Örar samfélagsbreytingar á síðustu
árum og áratugum hafa skilið marga, ekki
síst karlmenn, eftir í nokkurri óvissu um
sjálfsmynd sína og stað sinn eða köllun í
lífinu. Þessum aðstæðum virðist hreyfing 4.
skyttunnar mæta.
Vigfús Ingvar Ingvarsson tók saman út
frá erlendum heimasíðum. Undir: https://
the4thmusketeer.com má finna síður
einstakra landa, t.d. þá norsku eða hollensku
(nl) með góðum myndböndum.
36 | bjarmi | apríl 2018