Editiones Arnamagnæanæ. Series A - 01.06.2001, Blaðsíða 87

her hef[er] upp Egils sogu
af Kuelld Ulfi buanda
M 62 va
kap. 1
3 Ulfr het maðr son Bialfa ok Hallberu dottur Vlfs hins oarga. hon var
systir Hallbiarnar halftrollz i Rafnistu foður Ketils hæ<n)gs. Vlfr var
maðr sua mikill ok sterkr at eigi voro hans iafningiar. En er hann var a
6 vnga alldri. la hann i vikingu ok heriadi. með honum var i felagskap sa
maðr er kallaðr var Berðlu Kari. gofugr maðr ok hinn mesti afreks
maðr at afli ok aræði- hann var berserkr- þeir Vlfr attu einn sioð baðer.
9 ok var með þeim hin kærsta vinatta. En er þeir reðuz ór hernaði. for
Kari til buss sins i Berðlu. hann var maðr stor auðigr. Kari atti .iij. born-
het son hans Eyuindr lambi. annaá Auluir hnufa. dotter hans het
12 Salbiorg. hon var kuenna vænst. ok skorungr mikill. hennar feck Vlfr.
for hann þa ok til bua sinna. Vlfr var maðr auðigr bæði at londum ok
lausum aurum. hann tok lendz manz rett sua sem haft hafðu langfeðgar
15 hans ok gerðiz maðr rikr. Sua er sagt at Vlfr var busyslumaðr mikill.
var þat siðr hans at risa vpp ardegiss ok ganga þa vm syslur manna. eða
þar er s[m]iðer voro ok sia yfer fenat sinn ok akra. en stundum var
i8 hann [a t]ali v[ið] menn þa er raða hans þurftu. kunni hann til allz goð
rað at leggia þviat hann var foruitri. En dag huern er at kuelldi leið. þa
gerðiz hann styGr sua at faer menn mattu [or]ðum við hann koma. var
21 hann kuelldsuæfr. þat var mal manna at hann væri miog hamrammr.
hann var kallaðr Kuelldulfr. þau Kuelldulfr attu .íj. sonu. het hinn ellri
Þorolfr en hinn yngri Grimr. En er þeir voxu vpp þa voro þeir baðer
24 menn miklir ok sterker sua sem faðer þeira var. var Þorolfr manna
venstr ok geruiligastr- hann var likr moðurfrændum sínum gledimaðr
mikill auá ok akafamaðr mikill i ollu ok hinn mesti kaupmaðr. var
27 hann vinsæll af ollum monnum. Grimr var suartr maðr ok liotr. likr
Kap. 1 1-3 sagaen begynder i venstre spaltes pverste linje med meget stort initial i Ulfr,
men der er ingen plads afsat til titel eller kapiteloverskrift; disse er tilfpjet omkring
spaltens pverste hpjre hjprne af rubrikator, som ogsá har udfprt kapiteloverskrifternefra
og med kap. 5 (jf. indledningen § 1.2). Andet ord i titellinjen er skrevet hef med
ubestemmeligt tegn ovenover.