Editiones Arnamagnæanæ. Series A - 01.06.2001, Blaðsíða 95

15
18
21
24
27
30
33
36
39
42
45
48
51
11
Halfdanar suarta fauður Har(alldz) konungs. þar næst sat Þorbiom
hornklofi. En þar næst sat Auluer hnufa- En honum it næsta var skipat
Barði. hann var þar kallaðr Barðr huiti. eða Barðr sterki. hann virðiz
þar vel huerium manni. með þeim Aului hnufu var felagskapr mikill.
Þat sama haust komu til Har(alldz) konungs þeir Þorolfr K(uelld) v(lfs)
s(on) ok Eyuindr lambi s(on) Berdlukara. fengu þeir þar goðar
viðtokur. þeir hofðu þangat sneckiu tuitugsessu vel skipaða er þeir
hofðu aðr haft í víking. þeim var skipat i gestaskala með sueit sina. þa
er þeir hofðu þar dualiz til þess er þeim þótti timi til at ganga a fund
konungs. geck þar með þeim Berðlukari. ok Auluer hnufa. þeir kueðia
konung. þa seger Auluer hnufa at þar er kominn s(on) K(uelld) V(lfs)
sem ek sagða yðr i sumar at K(uelld) V(lfr) mundi senda til yðuar.
munu yðr heit hans oll fost- megu þer nu sia sannar iartegner at hann
vill vera vin yðuaá fullkominn. er hann hefer sent son sinn hingat til
þionostu við yðr sua skoruligan mann sem þer megut nu sia. Er su bæn
K(uelld) V(lfs) ok allra vár at þu taker við Þorolfi vegsamliga. ok gerir
hann mikinn mann með yðr. konungr s(varar) vel mali hans. ok kuez
sua gera skylldu ef mer reyniz Þorol(fr) iamuel mannaðr sem hann er
synum | fulldrengiligr. Siðan gerðiz Þorol(fr) handgenginn konungi ok
geck þar i hirðlog. en Berdlukari ok Eyuindr lambi son hans foru suðr
með skip þat er Þorol(fr) hafði norðr haft. for þa Kari heim til bua
sinna. ok þeir Eyuindr bader- Þorol(fr) var með konungi ok visaði
konungr honum til sætiss milli þeira Auluis hnufu ok Barðar. ok gerðiz
með þeim ollum hinn mesti felagskapr. þat var mal manna vm Þorol(f)
ok Barð at þeir væri iafner at friðleik ok a voxt ok afl ok alla atgerui.
Nu er Þorol(fr) þar i allmiklum kærleikum af konungi ok baðer þeir
Barðr. En er vetrinn leið af ok sumar kom. þa bað Barðr ser orlofs
konung at fara at vitia raðs þess er honum hafði heitið verit hit fyáa
sumar. En er konungr vissi at Barðr atti skyllt erendi. þa lofaði hann
honum heimferð. En er hann feck orlof. þa bað hann Þorolf fara með
ser norðr þagat. sagði hann sem satt var at hann myndi þar mega hitta
marga frændr sina gaufga þa er hann mundi eigi fyá séét hafa eða við
kannaz. Þorol(fi) þotti þat fysiligt. ok fa þeir til þess orlof af konungi.
buaz siðan hofðu skip gott ok foruneyti- foru þa leið sína er þeir voru
buner. en er þeir koma i Torgar þa senda þeir Sigurði menn ok lata
segia honum at Barðr mun þa vitia raða þeira er þeir hofðu bundit með
ser hit fyáa sumar. Sigurðr seger at hann vill þat allt hallda sem þeir
hofðu mællt. gera þa akueðit vm brullaupstefnu. ok skolu þeir Barðr
sækia norðr þagat a Sandnes. En er at þeiri stefnu kom þa fara þeir
Bryn(iolfr) ok Barðr. ok hofðu með ser mart stormenni. frændr sina ok
teingda menn. var þat sem Bardr hafði sagt at Þorolfr hitti þar marga
kap. 8
64 vb