Editiones Arnamagnæanæ. Series A - 01.06.2001, Blaðsíða 141

39
42
45
48
51
54
57
60
63
66
69
72
75
57
7 Þat mællti min moðer
at mer skylldi kaupa
fley ok fagrar arar.
fara a brott með vikingum.
standa vpp i stafni.
styra dyrum knerri.
hallda sua til hafnar-
hauggua mann ok annan.
þa er Eg(ill) var .xíj. vetra gamall. var hann sua mikill vegsti at faer
voro menn sua storer. ok at afli buner at Egill ynni þa eigi flesta menn
i leikum. þann vetr er honum var hinn .xíj.11 var hann miog at leikum.
Þorðr Grana son var þa a tuitugs alldri. hann var sterkr at afli- þat var
opt er a leið vetrinn. at þeim Agli ok Þorði .íj. var skipt í moti S(kalla)
G(rimi). þat var eitt sinn vm j vetrinn er a leið at knattleikr var at Borg
suðr i Sanduik. þa voro þeir Þorðr i moti S(kalla) G(rimi) i leiknum ok
mæddiz hann firer þeim. ok geck þeim lettara. En vm kuelldi(t) epter
solar fall. þa tok þeim Agli verr at ganga. Giorðiz Grim(r) þa sua sterkr
at hann greip Þorð vpp ok keyrði niðr sua hart at hann lamðiz allr ok
feck hann þegar bana. Siðan greip hann til Egils- Þorgerðr brák het
ambatt S(kalla) G(rims). hon hafði fostrað Egil i barnæsku. hon var
mikil firer ser. sterk sem karlar. ok fiolkunnig miok. Brak mællti.
hamaz þu nu S(kalla) G(rimr) at syni þinum. S(kalla) G(rimr) let þa
lausan Egil. en þreif til hennar. hon braz við ok rann vndan. En S(kalla)
G(rimr) epter- foru þau sua i vtanuert Digranes- þa hliop hon vt af
biargínu a sund. S(kalla) G(rimr) kastaði epter henni steini miklum. ok
setti milli herða henni ok kom huarki vpp siðan. þar er nu kallat Brakar
sund. en epter vm kuelldit er þeir komu heim til Borgar var Egill
allreiðr. En er S(kalla) G(rimr) hafði sezt vnder borð ok alþyða manna.
þa var Egill eigi kominn i sæti sitt. þa geck hann inn i elldahus ok at
þeim manni er þar hafði þa verk stiorn ok fiar forrað með S(kalla)
G(rimi) ok honum var kærstr. Egill hio hann banahoG ok geck siðan til
sætiss sins. En S(kalla) G(rimr) ræddi þa ecki vm. ok var þat mal
þaðan af kyrt. En þeir feðgar rædduz þa ecki við huarki gott ne illt ok
fór sua fram þann vetr. En hit næsta sumar epter kom Þorol(fr) vt sem
fyR var sagt- en er hann hafði verit einn vetr a Islandi þa bio hann epter
vm varit skip sitt i Brakarsundi. en er hann var albuinn þa var þat einn
dag at Egill geck til fundar við foður sinn ok bað hann fa ser farar efní.
39 moðer] det sidste bogst. ligner mest et -i men má betragtes som et ufærdigt -r. 48
eigi] + overflfldigt þa. 50 þat]fork. skr. i marg.
kap. 40
76 vb