Editiones Arnamagnæanæ. Series A - 01.06.2001, Síða 213

6
9
12
15
18
21
24
27
30
33
36
39
129
ok brottu var af Englandi þat lið allt er þeim Eir(iki) hafði þangat fylgt. kaP. 67
Arinb(iom) var þa kominn til Noregs. hafði hann fengit veizlur sinar
ok eigner þær <er) hann hafði átt. ok var kominn i kærleika mikla við
konung. þotti Agli þa enn fysiligt geraz at fara til Nor(egs). þat fylgdi ok
tiðenda sogu at Aðalsteinn konungr var andaðr. reð þa firer Englandi
broðer hans Iatmundr. Egill bio þa skip sitt ok reð haseta til. Anundr
sioni rez þar til. sonV Ana fra Anabrecku. Anundr var mikill ok þeira
manna sterkaztr er þa voro þar i sueít. eigi var vm þat einmællt at hann
væri eigi hamrammr. Anundr hafði opt verit i forum landa i milli. hann
var nockuru ellri en Egill. Með þeim hafði lengi verit vingott. ok er
Egill var buinn let hann i haf. ok greiddiz þeira ferð vel. komu at
miðium Nor(egi). Ok er þeir sa land. stefndu þeir inn i Fiorðu. ok er þeir
fengu tiðendi af landi var þeim sagt at Arinb(iom) var heima at buum
sinum. helldr Egill þangat skipi sinu i hofn sem næst bæ Arinb(iarnar).
Siðan fór Egill at finna Arinb(iorn) ok varð þar fagnafundr mikill með
þeim. bauð (Arinbiorn) Agli þangat til vistar ok fa/runeyti hans þui er
hann uilldi at þangat færi. Egill þektiz þat ok let raða skipi sínu til
hlunz. En hasetar vistuðuz. Egill for til Arinb(iamar) ok þeir .xíj.
saman. Egill hafði latið gera langskips segl miog vandat. Segl þat gaf
hann Arinb(irni) ok enn fleiri giafer þær er sendiligar voru- var Egill
þar vm vetrinn i goðu iferlæti. Egill fór vm vetrinn suðr i Sogn at
landskylldum sinum- dualdiz þar miog lengi- Siðan fór hann norðr i
Fiorðu. Arinb(iorn) hafði iola boð mikit. bauð til sin vinum sinum. ok
heraðs bondum. var þar fiolmenni mikit ok veizla goð. hann gaf Agli at
íola giof slæður geruar af silki ok gullsaumaðar miog. settar firer allt
gullknauppum i gegnum niðr. Arinb(iorn) hafði latið gera klæði þat við
voxt Egils. Arinb(iorn) gaf Agli alklæðnat nyskorinn at iolum. voro þar
| skorin i ensk klæði með morgum litum. Arinb(iorn) gaf margskonar 90 rb
vingiafer vm iolin þeim monnum er hann hofðu heim sott þuiat Arin-
b(iom) var allra manna auruaztr ok mestr skorungr. þa orti Egill visu.
43 Sialfraði let slæður.
silki dreingr of fengit.
gullknappaðar greppi.
get ek alldri vín betra.
Arinb(iom) hefer amat
eirar laust eða meira.
]| 67 12 opt] skr. opp sidst i linjen. 37 get] prik eller streg over -t, uden belydning.