Editiones Arnamagnæanæ. Series A - 01.06.2001, Blaðsíða 132

48
kaP. 32 hennar at hon skal her sva vel sett sem hon væri min dotter en syster
þín. En sua varð at vera allt sem Bryniolfr kuað a þar i hans hibylum.
huart er B(imi) likaði vel eða illa. Bryniolfr sendi menn til Þoris at
bioða honum sætt. ok iferbætr firer faur þa er Biom hafði farit. Þorer
bað Bryniolf senda heim Þoru. Sagði at ecki mundi af sætt verða ella.
En Biorn villdi firer engan mvn lata hana i brott fara þo at Bryniolfr
beiddi þess. ieið sua af vetrinn. En er vara tok. þa ræddu þeir Bryniolfr
ok B(iorn) einn dag vm raðagerðer sinar. spurði Bryniolfr. huat hann
ætlaðiz firer. B(iom) s(agði) þat likaz at hann mundi fara af landi a
brott. Er mer þat næst skapi sagði hann at þu faer mer langskip ok þar
lið með ok fara ek i viking. Engi van er þess sagði Bryn(iolfr) at ek fa
þer i hendr herskip ok lið mikit. þuiat ek veit eigi nema þa komer þu
þar niðr er mer er oll oaufusa a. ok stendr þo nu aðr ærin óro af þer.
kaupskip mun ek fa þer i hendr ok þar með kaupeyri. farðu siðan suðr
til Dyflinnar. su er nu ferð frægst- mun ek fa þer fauruneyti gott-
B(iom) s(eger) sua at hann mundi þat verða vpp at taka sem
Bryn(iolfr) villdi. let hann þa bua kaupskip gott ok feck menn til. bioz
B(iorn) þa til þeirar ferðar. ok varð ecki snembuinn. En er B(iorn) var
albuinn ok byá rann a þa steig hann a bat með .xij. menn ok reri inn a
Aurland ok gengu vpp til bæiar ok til dyngiu þeirar er moðer hans atti.
sat hon þar inní ok konur miog margar. þar var Þora. B(iom) s(agði) at
Þora skilldi með honum fara. leiddv þeir hana i brott. En moðer hans
bað konurnar vera eigi sua diarfar at þær g[er]ði vart við inn i skalann.
Sagði at Bryn(iolfr) mundi illa i hondum hafa ef hann vissi ok sagði at
þa væri buit við geig miklum með þeim feðgum. En klæðnaðr Þoru ok
74 va gripir voro þar aller lagðer til handargagns ok hofðu | þeir B(iorn) þat
allt með ser. foru þeir siðan vm nottina vt til skipV sins. drogu þegar
segl sitt ok sigldu vt epter Sogn sæ ok siðan i haf. þeim byriaði illa ok
hofðu rettv stora ok velkti lengi i hafi þuiat þeir voro aurugger i þui at
firraz Noreg sem mest. þat var einn dag at þeir sigldu austan at
Hialltlandi huast veðr ok lestu skipit i landtoku við Mos ey. baru þar af
farminn ok foru i borg þa er þar var. ok baru þangat allan varning sinn
ok settu vpp skipit ok bættu er brotið var.
kap.33 capitulum
Litlu firer vetr kom skip til Hiallt landz sunnan or Orkneyium. Sogðu
þeir þau tiðendi at langskip hafði komit vm haustið til eyianna. voro
þat sendimenn Har(alldz) konungs með þeim erendum til Sigurðar
iarls at konungr villdi drepa lata B(iom) Bryn(iolfs) s(on) huar sem
hann yrði a hendr. ok slikar orðsendingar gerði hann til Suðreyia allt til
21
24
27
30
33
36
39
42
45
48
51
3
6